السلام عليكم
خواتي الغاليات..اللي بكتبه لكم بناء على طلب حبيبتي بنت اختي..
هي طالبه مني اسالكم واستفسر منكم عشان بس تتطمن وتحط النقاط ع الحروف..
بداية راح اوضحلكم سبب كتابة الموضوع بهذا العنوان الغريب شوي :)
بنت اختي هذي سلمكم الله مواصفاتها عالية ماشالله من تعليم وجمال وحسب ونسب..والحالة المادية مرتاحة يعني مو فووق مررة..يعني مثل مانقول عينها مليانه..
تقدم لها شاب يكبرها بفوق10 سنوات..من اسرة معروفة جدا بنجد..اسم لامع جدا وهو شخصية مشهورة جدا ومن اسرة ثرية ومعروفة..ويمكن اخوانه الكبار اكثر شهرة بحكم سنهم..
يعني البنات يتمنونه ويمثل لكثير منهم بفارس الاحلام..
المهم البنت متخوفة من دخولها لهالاسرة بالرغم انها ضامنه انهم بيعزونها ويدللونها ويوفرونلها كل شي تتمناه بشكل خيالي..
هم من النوع اللي يسافرون برا سوا يعني كل العايلة مع بعض وعلى مدار العام
وواحدة من قرايبها اخذه اخوه الكبير ومرتاحة بعز ودلال ومبسووووطة ظاهريا..
لكن هالبنت شخصيتها غير البنات الي يحبون السفر والعز والمظاهر..احسها موسوسة متخوفة من لاشي..
كمان تقول ماابيهم في يوم يستقلوني كوني اقل منهم..وزملانه من جيتهم لبيت اهلها تقول مهما كان مرتب وانيق ألا مايكون اقل من قصرهم..
كمان فيه ناحية ثانية وهي انها خايفة من شهرته..
تقول ابسطها لو اطلع اتمشى انا وياه ماراح يخلونا الناس بيطالعوننا..يعني ماراح يقدر ياخذ راحته مثل اي شاب بعمره..
يعني هاالنقطتين شوي ملخبطينها..
فالسؤال حبيباتي..
الزوجات اللي منكم وماخذين شخصيات مشهورة بالمجتمع او من طبقة عااالية جدا اعلى منها بمراااحل..ايش رايكم
الان..هل مرتاحين ولاتحسون ان المظاهر غرتكم وتسرعتوا وندمتوا..........؟
هل حمايلكم ينظرونلكم نظرة استقلال.يعني مستقلينكم كونكم اقل منهم انتم واهلكم..؟
اتمنى اشوف ردود من بنات نفس حالة بنت اختي او من احد عنده قريبة بنفس الحالة
انتظركم خواتي ربي يحفظكم
ماتتصورون كيف هي متحمسة تطلع على اراء مختلفة..ومن ناس غيرنا
يعني بتسوي استطلاع راي..
ننتظركم ربي يسعدكم
وكل الشكر لكم مقدما
الموضوع مغلق