يا بنات المنتدى اي استفسار عن المكياج المناسب لبشرتكم وطريقه وضعه انا مستعده

متابعة النقاش، صفحة 7

شاركي في النقاش

سجلي الدخول لإضافة تعليق.

التعليقات

201
  1. السلام عليكم ورحمة الله وبركاته
    هلا فيج اختي بصراحه موضوعج روعه واتمنىىىى تفيديني بخبرتج..

    شوفي اختي انا بشرتي عادي الانف والجبهه شوي دهنيه وفيني شوي اثار حبوب وعلى خدودي اثااار حبوب لونها احمر هي مجرد لون يوم احط البودره يخف لونها...

    اانا استعمل مخفي للعيوب بس ماحس يفيد معاي وبعده احط شوية كريم اساس وبعده بودره من ماك وكريم الاساس من ماك بعد وجلوس خفيف وظل بني طبيعي وماسكرا المهم عندي الكريم اساس والبودره ...

    لاني يوم احطها تبين مب طبيعيه وشويه غبرا ...
    اتمنى تفيديني واباه يكون مناسب للجامعه شي طبيعي وخفيف بس يخفي البلاوي اللي في ويهي ...وماعندي مانع لو من لايف ستايل..

    واسفه ثقلت عليج و السموحه منج..

    انتظر ردج..
  2. صاحبة الموضوع
    يا حبيبتي ...لا تحـــــــــــــزن

    ان كان عندكم ماركه كريولان اشتري من عندهم ULTRA MAKE-UP BASE عباره عن سائل اخضر تغطي فيها الحبوب الحمرا قبل اي كريم اساس وتوزعي المصحح الاخضرعلى الحبه عن طريق التربيت وتنتظري دقايق وتحطي عليها اي كونسيلر بس درجته مثل لون بشرتج ...بتلاحظي ولا اثر للحبه نهائيا..

    اما اذا ما عندكم كريولان اسالي خبيره ماك ..
    .او روحي ميك اب فور ايفر بتحصلي عندهم علبه مستطيله فيها 6 او 5 مصححات من اللون الاخضر الى البني المحروق ... في شكل مربعات ... واستخدمتي الاخضر من العلبه و حطي فوقها لون بتي فاتح من نفس العلبه او اي مصحح لونه مثل لون بشرتج...واخيرا ..وزعي الاساس ...


    والاساس تروحين لايف استايل وانتي اول وحده تصادفني و محظوظه جدااا جدااا لانها بتستخدم اروع كريم اساس شافته عيني وما يكون الا في لايف استايل من ماركه Pierre cardin هي عباره عن زجاجه متينه وغطاها اسود تصلح للبشره الدهنيه او المختلطه ومكتوب عليها

    TEINT INTRIGUE
    FOND DE TEINT
    ANTI- TRACE
    NO TRANSFER FLUID FOUNDATION No. 01 OR 02


    وانت اختاري الدرجه 1 ولا 2 اللي تناسبج..واتوزعيها بسرعه قبل لا تنشف عليج ..تبتدين الجهه اليمني وتوزعي الاساس وتنتقلين الجهه اليسرى

    من ناحيه البودر خذي
    ESTEE LADER اسمها Double Matte -oil control pressed powder واختاري يارقم 2 ولا 3 البودره وربي ما في احلى منها يانااااااس صدقوني ...

    انا استخدم هذا الاساس والبودره للدوام والمناسبات ولما احطه في ويهي الكل يقولي ويهج مثل المنيكان وكانه من ماده الشمع ...شو حااااطه ... ويتم في ويهي 9ساعات واكثر.

    وموفجه يا الغاليه.
  3. @pure_tear

    الله يعطيج اللللللللللللف عافية .. مجهود جبار تشكرين عليه
    شوفي الصورة اول....


    لاحظي فوق عظمة الخد .. الاضاءة اللي مستخدمتها عاجبتني
    تعتقدين شنو اهي؟؟ كريم ولا بودره؟؟
    يا ليت تدليني على مستحظر يعطيني نفس النتيجه

    ومشكورة مقدما:26:
  4. صاحبة الموضوع
    مرحبا pure tear

    طبعا ياعمري اعرف شو نوع مستحضر الاضاءة اللي في الصوره
    حبيبتي هذا اولا لوس بودر من ماركه كريولان لونها اصفر ليموني فاتح مب ذهبي بتحصلينا في علبه مدوره لونها ابيض ومن الخلف مكتوب عليه
    KRYOLAN SATIN - PUDER
    SATIN POWDER
    Nr. 3
    وان كنت حابه اعلمج طريقه المكياج اللي في الصوره خطوه خطوه ...انا عيوني لج..

تابعي تجارب أخرى من هذا القسم.