ساعدوني في غرفتي

اختاري لونين فاتحه وسويها تقليمات عريضه
يطلع مررره حلو
بس للاسف ما اعرف انزل صور

هلا اختى


هذا موضوع لاحد الاخوات اتمنى يفيدك لانى مستعجله وان شاء الله احط لك بعدين صور

http://forum.hawaaworld.com/showthread.php?t=1335265



موفقه

أول شيء ابدي بالجدران، غيري لونها، ودام غرفتك صغيره ركزي على الألوان الفاتحة، بيج مثلاً، وسوي تعتيق بواحد من الجدران، بعدين روحي للستاير وغيري ستايلها، إذا أمريكية خليها ستاير رومانية، وشوفي لك قماش ثقيل بدرجة مختلفة، سيدار عنده أشكال وألوان تأخذ العقل.. ومهم تغيرين بالإضاءة، مثلاً اشتري أبجورة أرضيه أو لمبة على شكل بلورة أو لمبة كريستال صغير تتركب على الجدار، فيه بكيكا أشكال حلوة وأسعارها معقولة.
بعد ما تغيرين الجدران والستاير فكري بالأثاث، ممكن تبدلين بس مكان السرير والتسريحة وتغيرين المفارش وتحطين قطعة سجاد صغيرة بالنص وتطلع النتيجة حلوة، أما لو حابه تغيرين كل الأثاث فعندك معارض المفروشات أشكال وألوان.. بس بما أنك ثلاثينية وتشتغلين أتوقع اللون الخشبي بيناسبك أكثر شيء، لأنه موضة الحين ولأن علماء النفس يقولون أنه لون يشجع على العمل والإنجاز عشان كذا يختارونه دائما بالشركات للون مكاتب الموظفين.
ركزي على التصاميم العملية خصوصاً وان غرفتك صغيرة، خذي تسريحة ملمومة قدامها مرتبة صغيرة بدل الكرسي تطلع أشيك وأنعم وأسهل للحركة، والسرير اختاري له خشبة بجلد حتى تكون أريح لظهرك لو استندتي عليه، وركزي مرررره بالمرتبة، أنا جالسة هالأيام أسوي بحث على المراتب وأدور أجودها رغم ان الأسعار طاقة بالعالي وصارت المرتبة الوحدة بين 2000 الى 4000 ريال! :09:

شوفي اول شي انتي ايش الالوان اللي حابتها وبما ان غرفتك نوعا ما تميل الى الصغر ابعدي كل البعد عن الالوان الغامقه روحي لدرجات الفاتحه للجدران وخلي الغامق لمسات نهائيه للمخدات وغيره اول شي شوفي ميزانيتك كم
وجيبي ورقه وقلم واكتبي انتي ايش تبغي تسوين كله من البويه الى المخدات والتحف قدري تقدير السعر وشوفي كم يكلف
بعدها اذا كانت ميزانيتك ما تكفي خذي الاساسيات باضرب لك مثال
صبغ اساسي ما يتاجل اذا بتغيرين الارضيه بفرش او سرميك ما يتاجل غرفة نوم جديده اذا بتغيرين غرفتك ستاره ومفرش سرير

هذي الاساسيات ونسيت انارة السقف اذا بتغيريها ضروري

ولو حطيتي الالوان اللي تفضليها بنساعدك اكثر

بالتوفيق