ساعدوني ........ أنا ام جديده وابي مشورتكم

السلام عليكم ورحمته وبركته

مراحب

أنا ام جديده طفلي عمره شهرين..... طبعا أسأله كثيره تدور في بالي لكن اهمها عن تغذية الطفل للأسف ماقدرت ارضعة من صدري وكانوا في المستشفى يعطونه سميلاك وكملت عليه لكن ودي اغيره كثير يقولون انه يسمن وبسم الله عليه صاير تختوخ وانا ابي صحته زينه مو سمين خصوصا ان عيون الناس ماترحم كل من شافه قال اكبر من عمره ولا يعرفون يذكرون الله والله اقعد على اعصابي
ولاحظت على السميلاك ايضا اذا ذوبته يصير فيه رغوه كثيفه......... ودي اعرف وش افضل الأنواع وش تنصحوني فيه؟؟؟؟؟؟؟؟؟؟

وكمان ودي اعرف متى اعطيه ارضعه خصوصا الاحظه يجوع بسرعه يعني كم بين الرضعة والثانيه في المستشفى لاحظت انهم كل اربع ساعات لكن طفلي بسم الله مايتحمل اكثر من ساعة ونصف وساعات احسه يجوع اسرع والله خايفه عليه يعني مومعقوله اعطيه كل ساعة..... وابي اعرف الكمية الي بعطيه في كل رضعه
وشي ثاني احسه يطلع الحليب كثير"يستفرغ" على فترات

انصحوني كيف اعتني فيه واخليه يشبع من الرضعه وينام مرتاح


تحياتي للجميع

13 تعليق 3,362 مشاهدة

شاركي في النقاش

سجلي الدخول لإضافة تعليق.

التعليقات

12
  1. @algohrh_28


    ربي يحفظلك ضناك ياعمري

    شوفي يالغلا رغم أن ماعندي أطفال
    ألا أني ربيت أخوي الصغير لأن أمي كانت جدا مريضه
    وحالا لايزال صغير عمره خمس سنوات

    من خرجت أمي من المستشفى صار هو مهعمتي الأولى

    فعلا حسيت بصعوبه
    كان يستخدم السميلاك
    بس خواتي من تجاربهم مع أطفالهم قالوا لازم تغيره لأنه ينفخ بس مايغذي زين

    أخذته للطبيب وحوله على بليميل بلس 1
    فعلا ممتاز صحته تمام ماشاء الله عليه
    والأستفراغ يجي من السميلاك لأنه ثقيل

    وكنت ماأرضعه ألا بالمواعيد
    لحد ماقالت أمي
    أن الطفل أذا جاع أعطيه رضعه لاتنتظري مواعيد
    علشان معدته ماتتقلص
    بس بين كل رضعتين تعطيه أمي شاي أعشاب
    أو يانسون علشان معدته ترتاح شوي
    ولازم بعد كل رضعه ترتبي على ظهره

    وصدقني أحلى شئ بالعالم هو الأمومه
    دعواتك لي بطفل جميل سليم معافى مثل أخوي الغالي
  2. @loomy_hlo

    صاحبة الموضوع
    الله يخليك ويرزقك طفل سليم ومعافى اختي

    كثير نصحوني ما اعطيه الا بعد ساعتين يقولون ان كثرة الحليب تسبب غازات
    وكثير نصحوني اعطيه اذا جاع


    والله احترت
  3. @god_algod_1

    ياهلا أختي

    بالاول انا ام جديدة وولدي عمره شهرين

    اول ماولدت عطوني المستشفى سيميلاك لكن لاحظت عليه المغص وكثرة الغازات ويمكن تلاحظين الفقاعات على الرضعه اذا ذوبتيه والدكتور قالي من نوع الحليب وغيره لي لـ بليميل بلس1

    مريح جداً وسمعت انه اقرب حليب لحليب الام ... لكني لاحظت عليه انه يستفرغ من هالحليب بس مهما كان اريح بكثير من سيميلاك ... وكل اللي اعرفهم يستخدمون بليميل يقولون مايسمن

    الوقت بين الرضعه والثانيه كنت كل ساعتين بس الدكتورة قالت لي كل 3 ساعات احياناً يجوع قبل اعطيه كل ساعتين ونص ...

    اذا اشتكى من مغص فيه نقط للمغص تحطيها في الرضعه عند الضرورة وفيه شاهي اعشاب من ميلوبا

    .........

    ونصيحه مهمه :

    دايماً قبل تطلعين اقري الاوراد على ولدك ترا الناس ماتعطي خير ولو بيجيه شيء بسم الله عليه مب تاعب معه الا انتِ


    الله يخليه لك و يحفظه من كل شر
  4. @nfod_ngd

    السمنة وراثة بالغالب ....
    بعض الاطفال عايش على لحليب بس وسمين ...

    يعني يمكن ولدك قابل للسمنه ...

    وبالنسبة للعين >> دايم اشوف عيال سمان من اقاربي ماشاء الله ولاجاهم شي اتكلي على رب العالمين .....

تابعي تجارب أخرى من هذا القسم.