مرحبا الغاليه ..
فالج طيب وما يردج الا لسانج.
شوفي يا عمري ..اول شي ياليتج قلتيلي شو شكل عيونج ومساحه الجفن العلوي .. عموما انا بعطيج الحل اللي يصلح شو ما كان شكل العين ..
اول شى لاززززززززززززم اتعرفين ان اساس اي ايشدو تريدين يثبت تستخدمين الاساس والبودر الي يمسك اللون
والظل ..عيل ليش انا واييييييد مركزه على بودره استي لودر واعيد وازيد على خواتج انهم يستخدمونها لانها تمسك الظل وتصفي البشره كانها من الشمع.
اما الشى الثاني انج لاززززززززززززززم تستخدمين القلم الاسود او اي لون قلم يكون نفس الايشدو اللي بتحطين فوق القلم اللي رسمتيه وبعطيج طريقه وااااااااايد سهله وادري انها بتعيبج مع الفرش(الفرش كلها من البودي شوب) والله من عقب فرشهم مافي متماسكات وصدق حتى لو تريدين تغسلينهم بالماي والشامبو من الالوان المتعلقه واللع العظيم بس ينشفون كانهم يداد
بس مثل ما خبرتج انت وخواتج من قبل وزعي الاساس والبودر حوالييين عيونج فقط مب كل ويهج.... ودامن الجفن المتحرك عندج متكرفس تحملي تستخدمين اى كونسيلر في حياتج لان شى طبيعي بيتكتل ..
ودامنج مثلي وتحبين تشترين من لايف استايل
بوصيج من عقب ماركه pierre cardin ما شفت بصراحه افضلها حتىعن باريس غاليري بكبره بعد
خذي الوان التحديد عندهم رووووعه تستخدمينها لايشدو ولتحديد الفم ...لاتستغربين لان بتيج الطريقه:-
1-بعد ما توزعين الاساس والبودر ... مطي عينج للخلف ويبي اي تحديد للفم عندج احمر ولا فوشى المهم يكون نفس اللون اللي تحبين اتحطين فوق عيونج ولازززم يكون تحديد الفم كريمي بتحصلينه 19 درهم ولونه رصاصي وعلى طرف القلم درجات اللون ....كمثال خذي 06 لونه روز فاتح وارسمي خط يكون واااااااااايد سميك من اول العين الى الخارج وعند الزاويه الخارجيه ارسمي خط عمودي عفوق عشان تحددين نهايه الخط وما تطلعين لبرع العين؟.
يبي فرشاه مزج ظل العيون ورقمها 63910 0
وفوق شوي عن الرموش العليا واحرك الفرشاه عاللون بحركات دائريه خفيفه يمين يسار مب تمسحين لان محتاجينه عشان يثبتلنا اللون...لين اهني انتى معااااااي ؟؟؟
2- يبي لون ايشدو اغمج من لون قلم التحديد اللي استخدمتي سابقا مثلا وردي غامج او برتقالي او افوشى اي لون وبفرشاه التظليل ورقمها 63911 0
ايب اللون اللي اريده من علبه الايشدو واحطه فوق الضباب الخفيف اللى اخترعته من قلم تحديد الشفاه .
3-ايب القلم الاسود بعد ما ابريه وامط العين للخلف وارسم خط رفيع عند جذور الرموش العليا من اول العين الى الخط العمودي اللي رسمته بالون الوردي الفاتح ...اتذكرتيه ؟؟ بواسطه الفرشاه اللي راسها مدبب ورقمها 063914
امشي عالخط الاسود واوزع او اكنس شوي عفوق عشان عيونيج ما تطلع ذبلانه او تعبانه...عشان جذي لاززززززززم تستخدمين الاسود
4- تكحلين العين بالقلم الاسود وتيبين اللون البيج وتوزعين تحت الرموش السفلى بالاسفنجه اللي مثل قطن الاذن ..
الغاليه ان كنت حابه ترسمين العين من تحت مطي العين للخلف وارسمي خط رفيع من اول العين الى قبل الزاويه الخارجيه لها ويبي اللون الاسود وبواسطه الفرشاه اللى مثل حافه السكين بعد بتحصلينها في البودي شوب وشكلها مميز ومشى الفرشاه باللون عالخط وانتي تضغطين وترفعين يدج عليها عشان اتثبتين اللون.
وطبعا عندج فرشاه الايلينر ورقمها 063193
فرشاه البلاشر الرهيبه 063916
وفرشاه احمر الشفاه 063909
الغاليه رقم الفرش مب مكتوبه عالفرش نفسه اشتري ان حبيتي الفرش من البودي شوب وخذي الكاتلوج مالهم ومن توصلين البيت حطي رقم لكل فرشاه عشان تعرفين تستخدمينهم.
وموفجه يالغاليه .. وبشريني عن تنسين.
يا بنات المنتدى اي استفسار عن المكياج المناسب لبشرتكم وطريقه وضعه انا مستعده
متابعة النقاش، صفحة 9