شاركي في النقاش

سجلي الدخول لإضافة تعليق.

التعليقات

12
  1. @aakd_alyasmyn_1

    السلام عليكم ورحمة الله وبركاته


    ما ادري سمعت بنات كثار يقولوا سيميلاك يسمن وانا بنتي من وهي صغيره تشربه ومع ذلك اللي يشوفها ما يصدق انها بالعمر اللي هي فيه حتى جدها مره يسالني عنها قلت له 10 اشهر وما صدقني على باله ام جديده خبله ما تعرف تحسب الا لما اكدت ام زوجي على كلامي

    بينما طفل ثاني الله يحفظه قريبي وزنه صار حلو مع السيميلاك وحتى قبل السيميلاك كان حلو ومربرب الله يحفظه


    تعرفي شو الفرق بين الطفلين .....ان اب بنتي لما كان صغير كان جسمه ضئيل حتى اللي يشوفه يقول اصغر من عمره وبالفعل شفت صوره بنفسي
    اما اب الطفل الثاني ماشاء الله شوي متختخ عشان كذا الطفل يولد وعنده وراثه هل هو قابل للسمنه او لا

    بالنسبه للرضعات انصحك تعطي ابنك اذا جاع ....انا ما احبذ مساله ان اباعد وطفلي ميت جوع ......ما اعتقد امهاتنا منعونا من الحليب عشان ينظموا رضعاتنا ....
    واذا تريدي الصراحه انا حاولت انضم رضعات بنتي ما قدرت لان الطفل في الشهور الاولى يختلف من طفل لاخر بعضهم يشربوا شوي وبعضم بامكانهم يشربوا اكثر......وبعدها عملت بنصيحة الدكتوره تقول ما اعرف من طلع هالقانون الطفل يشرب اذا جاع وخلاص

    بعدين راح ينقلب الوضع انتي تحايلي الطفل ياكل وهو مو راضي حتى حليبه


    بالنسبه للحسد انصحك انك تقرأي على ابنك المعوذات صباحا ومسائا .............وبعد شي عندنا مثل ما اتذكره بس مضمونه انك يستحسن ان الطفل يعيش حياه طبيعيه لا تضمينه عن الناس لان كل ما خبيتيه الناس تتكلم واذا شافوه حتى لو كانه بهزيل راح يطلعوا اي شي يحسدوه فيه
  2. @loomy_hlo

    صاحبة الموضوع
    شكراً لجميع الأخوات الي اعطوني من وقتهم
    ردودكم ريحتني كثير الصراحه انا نادرا لما اكتب في اي منتدى لكن اهتمامكم شجعني:) انا قبل ما اكتب مشكلتي سويت بحث في النت عن انواع الحليب وكل نوع طلعوا فيه مئة علة والله خوفونا لو بيدينا كان افتكينا من وجع هالراس ورضعناهم طبيعي ...... عموما ماخاب من استشار

    وياليت الكل يكتب عن نوع الحليب الي تنصح فيه

    نفود نجد,حياة الأمومه, منال خالد, عيون الأنتظار, المتغلية, ام نايف, ام وهوبي, عقد الياسمين

    شكرا على اهتمامكم

    تحياتي للجميع

تابعي تجارب أخرى من هذا القسم.