الموضوع مغلق

بقولكم شي بس لا تستغربوا بس الشعر يصير روعه

هلا والله هلا
مرحبا مليون
جاهي قهوه
ماتبون ما يصير ليش معصبين الموضوع اوكيه لاحقين
الحين
اوكيه
بقولكم شي بس لا حد يضحك عليه تعرفون الي تبا شعرها ينعم ويصير حلو ويلمع ويقوى وينتهي التساقط
تعرفةن الناقه اكيد
كرمتم بول الناقه الموئنث مش الذكر لا الانثى
ويكون لازم الي تسويها الصبح
يا ربي جيف اوضح
المهم تاخذين هذا السائل وتحطينه في غرشه
وتين
تغسلين شعرج زين بالماي والشامبو
ولما ينشف
تاخذين السائل وتخلطينه بقمح مقلاي ومطحون تصير الخلطه زي الحنا بس لازم مطحون زين
اوكيه تحطينه على الشعر وبعدين تغطينه بنايلون
ساعتين
وبعدين تغسلينه بالماي بس
تسوينها 3 ايام وراى بعض وبعدين اسبوع توقفين وبعدين 3 ايام ورا بعض لين اتسوينها تقريبا 12 مره
بعدين قبل الاستحمام تحطين السائل على شعرك ما يقل عن 30 دقيقه وبعدين تغسلينه بالماي والشامبو
ويفضل يكون السائل يديد يعني كل يوم بيومه مش مخزن والله يستوي حرير ولامع وجميل وبتلاحظين سرعة نموه بعد ومجرب والله
وسلامي للجميع
واي سؤال انا حاظره
نجلاء 2002

22 تعليق 5,562 مشاهدة

شاركي في النقاش

سجلي الدخول لإضافة تعليق.

التعليقات

21
  1. @am_salh_3

    مرحبا عزيزتي
    والله ودي اجرب نصيحتك بس اخاف بدل الشعر يطلع لي سنام انت متاكده والا توهقينا ترى ورانا عروس
    ومشكووووووووووووووووووووره
  2. @alytymh

    الله يسلمك وانا سمعت قبل كذ مثل ها الموضوع
    ان بنات الباديه ما يطول اشعورهم ويلمعها الا بول الناقه
    بس انتي عارفه ريحه ونجاسه وشلون الوحده بتحملها
    وين بنلاقي ناقه صراحه شغله
    لكن شكرا على ها المعلومه
  3. @hal_1

    عزيزاتي.

    هذه الخلطه صحيحه وأكيده كمان.

    لأن في ناس إستعملوها وصارت شعورهم جدا ناعمه وفيها لمعه.


    ولكن أعتقد بإنها نجاسه وقرف بمعني الكلمه لدرجة إن الحرمه تحطها

    في شعرها لمدة ثلاث أيام متواصله .وطبعا السائل ينزل مع رقبتها

    والي جسمها. وعااااااااااادي عندها.ووقت الوضوء تتوضاء والوساخه

    هذه علي شعرها. ليش هذا كله . عشان أرضي نفسي وأرضي زوجي .

    وأغضب ربي ؟؟؟؟فالله سبحانه وتعالي أمر بالنظافه ((((وثيابك فطهر)))

    فأنا من وجهة نظري لاأحبذهذه الاشياء النجسه حتي لو ساعة فقط وفي العمر

    مره.......

    وأكثر من يستعمل هذه الوصفه أهل الباديه.


    الله المستعان


    وأنا أسفه لاأحد يزعل مني.






    وجهة نظرفقط.
  4. @shrs_1

    المعلومة هاذي سمعتها قريتها من قبل هنا في المنتدى ...
    وهي فعلا مغرية ,,,,,,, بس صعبة صعبة جدا ... ما اعتقد اني راح استخدمها في يوم من الايام .... هذا بخلاف انها نجاسة ..

    وشكرا علي المشاركة يا نجلاء
  5. @bnt_alkds

    على فكرة يا بنات .... انا سمعت بالتلفزيون شيخ عم يقول انه بول الناقة طاهر واستخدامه حلال....

    بس ميين بتقدر تحطه على شعرها :))

    وقال الشيخ حديث عن الرسول عليه الصلاة والسلام انه طاهر

    واي وحدة بتتحمله ما تخاف لانه حلال :)

    وانشاءالله اكون افدتكم

تابعي تجارب أخرى من هذا القسم.