مره ثالثه خيانه
كيفكم بنات والله مني عارفه كيف ابدا المهم امس دقت عليا وحده وقالتلي انتي امل قوتلها ايوا قالتلي والله انا بقولك على سالفه قولتلها قولي قالت بصراحه زوجك يكلم اختي ويقول انو بيطلقك ويتزوجها بس اختي مارضيت لانها ماتحبوا وهو فارض نفسو عليها ويقولها تخيلوا كل شي في بيتي قاعده تقولي انتي امس روحتي الاندلس مول ويوم الخميس الي فات كنتي حتروحي كوفي شوب وعارفه ليه يبغى يوديكي عشان يبغى يشوف اختي وقالتلي انو عنده جوال ثاني نوعه الدمعه ومحطي في السياره ويقولها كمان انا طول يوم الاربعاء حكلمك عشان حرمتي مهي في وفعلا يوم الاربعاء انا اروح عند اهلي المهم لمن رجع البيت قوتله امس حلمت انو عندك جوال ثاني في السياره وصح كمان قلها ترى حرمتي مهي مقصره علي بشي بس احنامننا متفاهمين والله لمن قوتله على الحلم وجه انقلب وقلي روحي البسي العبايه روحت ولبست على اساس اني بنزل السياره واطلع الجوال المهم قلي فسخي العبايه وجهزي الغداء وبعد الغداء انزلك وتغدينا ولا نزلنا المهم مانزلني السياره الا الساعه 10 الليل وقلي صح حلمك بس الجوال مو حقي حقت اخوي قتله افتح الدرج وخلاص المهم اخدت الجوال طبعا مقفله المهم حطيت شريحتي الا الاقي رسائل من نفس الرقم الي من زمان ضبطه يكلمه وبس قوتلو ترى هدا الرقم مسجلته في ورقه بس بعدين البنت ماقصرت رسلت رساله وكتبت اسم زوجي وخلت اخوها يدق ويهزه وبعدين حس نفسه انو انكشف قعد يبكي كالعاده ويقولي انا غلطت في حقك كثير المهم استنيت لين الصباح ودقيت على ابوه ابو زوجي ولمن شافني ادق سحب الجوال وقعد يبكي المهم خليت عمي ينزل بيتنا وهو طبعا هرب ونزل عمي المهم وريتو الرسائل والله عمي انصدم وقلي اصبري وانا بتفاهم معاه وانا دحين نفسيتي زي البلاء ادعولي والله تعبت وكرهت زوجي