ابي شوركم ياخواتي الحوائيات في خطيبي السابق اللي رجع لي مره ثانية

مرحبالكل بنات حواء

انا صح ماصار لي فتره معكم بس كنت اقرا دايم بالموقع واحط احيانا اراء لي ولاعمري توقعت بيوم اني بكتب لكم مشكلة واطلب منكم المشورة
والحين جاء الوقت اللي اطلب فيه من اخواتي انكم تساعدوني بتخاذ قرار مهم صح انه الراي الأو لوالأخير لي بس والله من كثر ماحترت وانا افكر قلت شاوري مافيها شي
والله يكتب اللي فيه الخير

القصه باختصار قد ماقدر
انا الحمدلله على قدر من الجمال ومتعلمه وموظفه مو ناقصني شي ولله الحمد
تقدمو لي كثير ورفضت من ايام المتوسط سبحان الله كنت صغيره وماكنت افكر ابد بالموضوع لحد ماتوظفت حسيت انه ممكن افكر بالموضوع واستقريت
تقدمو لي في هالفتره ناس بعد بس من تقول لي الوالدة فيه ناس دقو اكش ومدري وش يصير لي انرفز واعصب واقول لا تقول اسمعي طيب مابعد عرفتي عنه شي اقول مابي وهكذا
الى انا شاء الله انه وحده من البنات اعرفها قالت لي عن واحد تعرفه وعن مواصفاته وانها ذكرتني لأهله سبحان الله فيه شي خلاني اخذ واعطي بالموضوع ماقلت لا مع اني ماعرفه ولا شفته ولا شي
دارت الأيام بسرعه تقدمو لي رسمي وشفته الشوفة الشرعيه ووافقت ووافق كل شي تمام
طلب خلال هالفتره انا نكلم بعض
وافقو اهلي وكلمته مع اني مرتاحه له بس بعدها بدت تطلع لي اشياء في شخصيته حسيت اني صعب اتعامل معها يمكن غيري مايشوفها كبيره المهم بعد مكالمة لمدة شهرين تقريبا قلت انت بطريق وانا بطريق مع اني مرتاحه بس قعدت استخير وحسيت اني ابي اقول له خلاص وبعدها ارتحت الحمدلله يوم كل واحد راح بطريق

بعد فتره اهلي كلهم يحلمون فيه واخواتي الا انا وكل اللي في الحلم يشوفونه بيرجع ونادم لأنه حصل سوء تفاهم بيني وبينه خلاني اقول خلاص وهو وقتها مابدر منه اي ردة فعل ولا حاول يثنيني عن قراري بالعكس قال الله يوفقك

هالكلام تقريبا صار له اربع شهور تاركين بعض واهلي يحلمون واضحك يعني ماجبت خبر للموضوع اصلا لأنه انتهى وانا اللي انهيت بس فيه شي يخليني احيان اقول يمكن ظلمته بس فعليا ماظلمته
هو من كلامه شخص مافيه اي رومانسيه وانا العكس تمام
هو بيتوتي جدا وانا العكس تماما
فرق العمر بيننا 14 سنه تقريبا

مواصفاته العامة هي اللي كنت اتمناها طول عمري من ناحية العمر او المركز او الدراسة او حتى العادات
اهله للأمانه يجننووون سمحين وماعندهم عقد وطيبين

الحين بعد كل هالمقدمه الطويله اللي محيرني وماني عارفه اخذ فيه قرار انه رجع يبغاني اعطية فرصة ثانية اذا فيه مجال

احترت وبستخير ليل نهار بس مدري هل اعطية فرصة وعلى قولة امي شاريك ولا برجع اشوف عيوبة الأولى نفسها وبرجع اقول كل واحد في طريق :(


الله يسعد اللي تدخل وتعطيني راي الأخت لأختها وتدعي لي ان ربي ييسر لي ويسخر لي الطيب من خلقة ويكتبه من نصيبي اذا فيه خير وسعاده لي :26:

48 تعليق 6,299 مشاهدة

شاركي في النقاش

سجلي الدخول لإضافة تعليق.

التعليقات

47
  1. @hnyn_tflh

    استخيري وشوفي لو من البدايه مارتحتي

    الي هذا اوله ينعاااف تاليه

    وفرق السن كبير بينكم

    استخيري وادعي
  2. @om_hadi_s

    اذا على انه مو رومانسي فمعظم الرجال هيك اذا مش كلهم
    واذا على بيتوتي فاحسن من اللي يروح طلعات وتقعدي تفكري هو وين ومع مين مشاكل
    وما بعرف شو بدي قلك بعد انتي اخبر بوضعك
    وبالتوفيق ان شاء الله والله يهديكي للخير لكما
    و ما تنسي تطمنيننا عنك
  3. @rohy_alrbyaa

    صاحبة الموضوع
    om hadi s

    الله يسعدك دنيا وآخره بهالدعوة اللي دعيتيها لي ولايحرمك فرحتك بأولادك

    من جد انا محتاجه اسمع ارائكم كلكم
  4. هلا اختي وحبيبتي
    اهم شي الاستخاره اذ كانت خير فالله سيسهل امرك
    فرج الله همي وهمك

تابعي تجارب أخرى من هذا القسم.