اخ مستهتر لدرجة تصيب بالجلطة

يا اختي هو مملك عليها يزورها كل اسبوع

الحين يا خواتي موضوع زواجه انتهى صار امر واقع والبنت راضيه فيه وفي طريقته معاها
لكن فيه امور مخجله المفروض احد يصحيه منها
موضوع انه جالس بالبيت هذي موضوع يقلل من قيمته بالمجتمع والمفروض كلكم تجلسون امك وانتي وزوجته وتناقشون هالموضوع بجديه يعني مو تجي امك او زوجته يطلب فلوس يعطونه لا يختي هذا الي مخليه ما يتحمل المسؤليه
واكل شارب نايم ومصروف بيده اكيد بيستحلي الجلسه
وبعدين اشرحي للوالده قولي له يمه مايصير الناس صايره تنظر له نظره مو زينه بحقه
يمه لا تعطينه كل ما بغى انتي السبب وانتي الي تساعدينه يمه
قولي يمه ما تبين ولدك رجال الكل يحترمه ما تبينه يرفع راسك بين الناس
ومن هالكلام يا وخيتي
والموضوع الاهم انه كل ما لقى شي بالارض او مهمل اخذه
هذي المصيبه يختي هذي سرقه ومالها الا هذا التفسير
حتى هذا الموضوع كلمي الوالده عنه وقولي لو يدرون الناس وشلون بنواجههم يمه ترضينها لولدك طيب لو جاه اعيال يمه وشلون بيربيهم وهذي صفاته
يعني بيقولهم اذا رحتو لناس يا عيالي وشفتو شي خذوه وقولو مدامه مرمي فهو ماهو لاحد ؟؟؟؟؟؟
يا ربي مو صغيررررر
بيوصل الاربعين وهو معتمد عليكم بكل شي

الحل
اولا لا تمدووووووووون له ولاااااااااا فلس
وشوفو وش الاشياء الي يحب تنطبخ له وقولو ما جبناها والله قصرت الفلوس علينا
غبو اشياءكم ولا تصير قدامه
سكرو غرفكم وخلوه يحس انكم خايفين على اغراضكم منه
امسكيه انتي وتكلمي معه بعد ما تقتنع الوالده وتمشي على نفس الخطه الي رسمتيها انتي وزوجته
حتى زوجه المفروض ولا ريال تعطيه بالعكس تطلب منه وتقول انها مديونه من زويلاتها وقاعده تسدد الدين
المهم ضيقو عليه من ناحية الفلوس
لعل وعسى ينفع فيه
الله يهديه ويصلحه ويحفظ لك الوالده

يا اختي ليش تزوجونه وتورطون بنت الناس به

تبون الجلطه تصيبها

انقهرت

بصراحه
اخوك مب ويه زواج

عيل تزوجونه وتصرفون عليه .................... عمره ماراح يفكر ان يشتغل ولا يعتمد على نفسه

دامج بتزوجينه وزوجته بعد تصرف عليه ............ بصراحه انتوا السبب في هالصفه اللي فيه التواكل على غيره

عانبو هذا ريال المفروض هو يصرف عليكم ويصرف على حرمته مب انتوا


لا تقولين حرام قلبي يعورني عليه ............. تراكم اسلوبكم هذا خليتوه يعتمد عليكم

شو بقى بعد ................. استغفر الله العظيم والله اقول ليش كثروا العوانس بالبيوت ماشي تربيه اصلا

خاصه الامهات هم السبب الاول والاخير في خراب البيوت من اللي اشوفه بعيني وسمعه باذوني

شوفي اختي برد عليك من واقع حدث شفته قدامي وعايشته يالله لاتبلانا


واحد من جماعتنا نفس طبع اخوك وأشد يعني بالعربي رايح فيها

صلاة مايصلي

كل ماتوظف انفصل لسوء سلوكه

علاقات محرمة

وشو بعد .. المختصر راااااااايح في أمهاااا

قالوا أهله بيزوجونه كوده يعقل..

وفعلا زوجوه على حسابهم طبعا كل المصاريف وحدة موظفة

جلست معاه فترة

صار ياخذ أثاث البيت من ثلاجة وفرن وغيره ويبيعهااا تخيلي

حملت زوجته وانفصلت عنه

طلبت الطلاق بالمحكمة وما تنلام

جابت بنوته والحين عمرها تقريبا 6 سنوات

الرجال مدري وش جاه انقلب حاله

صار محافظ ع الصلاة بالمسجد والتحى وحتى ملامحه تغيرت وصار فيها نووور

مدري عن صفاته وطباعه الحين هو باقي عليها ولا تغيرت مع مظهره اللي تغير

بس سبحان الهادي

الحين طليقته وأم بنته تبي ترجعله وترسل مسجات على جواله خلينا نرجع لبعض ونربي بنتنا بيننا

بس هو والله أعلم رافض!!

المهم الخلاصة.. انه يمكن بعد الزاوج تتغير أحواله بس انتم ابذلوا الاسباب واحرموه من الفلوس وهاوشوووه يمكن يصلح حاله.. والله يهدي الجميع