ابني عمره 4 سنوات وأكمن شهر
دخلت عليه أمي وهو يصرخ عالشغالة لأنها تطبخ ( يعني تستخدم الغاز هي ما تطبخ لنا ) والنار عالية يعني نار حامية مرتفعة و الولد يقول لها اخفضي النار يخلص الغاز عاد وتخلصين فلوسنا.
وقدام الناس يقول : ما تكثروا سكر بالشاي لأنكم تخلصون سكرنا وتخلص فلوسنا .
وشوفوا عاد الناس افتكروني معاي كنوز وبوفرها !!! وكما يقول المثل ( صيت غنى ولا صيت فقر )
لكن أنا السبب لأني كررت هالعبارات أمامه حين يلعب بالماء أقول له ما يظل معنا نقود .
وهو يقيس على هالأمر !!!
عشان تشوفوا خطورة برمجة الطفل على أمر.
وبنفس الوقت ممتازة لأنه لما فتحت الشغالة مرة الباب لعامل وكان عمره 3 سنوات وصرخ فيها يقول عيب عيب تفتحي تكلمي من خلف الباب.
شاركي في النقاش
سجلي الدخول لإضافة تعليق.
التعليقات
6- الكل يصير معاه هالموقف
صديقتي ما عندها شغاله ودايم تصرخ على بنتها (3 سنوات ) لا توسخين حرام ما عندي شغاله
لما راحت الروضه في الباص معاهم حرمه ( سيلانيه ) توصلهم مع السائق
قلت البنت للحرمه : أمي ما عندها شغاله تشتغل بروحها
راحت الحرمه للأم تشتغل عندها بالساعه
والأم ما تنكر أنها أول خير تعمله فيها بنتها - الله يعينك والله ورطه لكن فهميه ان الكلام هذا ماحد يقوله الا الام وباالطريقه سلسه تقدرتدخل عقل الولد وطمنينا ايه الي صار:26:
- أنا بحاول أفهمه لكن الفاس وقع بالراس ................ وتعلمت الحذر التام مع الأبناء وكانني أعيش بمسرحية أو كأن هناك كانيرا فيديو تسجل ..............
- مهى ..
بالعكس مره عجبني ولدك .. ما شاء الله تبارك الله ذكي ..
كل الناس عندهم بزاااارين ..
وكل الناس ياما حصلت لهم مواقف محرجه ومضحكه في نفس الوقت مثل هذي ..
انتي وسعي صدرك .. والاطفال ما عليهم شرهه :17:
يااااااا حلوهم تكفيييييين ..
الله يخليه لك .. - ماشاء الله عليه:24: :26:
مواضيع مشابهة
تابعي تجارب أخرى من هذا القسم.