6 سنوات ذهبت في مهب الريح للاسف

السلام عليكم ورحمة الله وبركاته

راح ادخل في صلب الموضوع ,,,,, ولكن في النهايه ابغى ارائكم وبكل صراحه ,,,,

وحده من صديقاتي ربطتني بها الصداقه 6 سنوات وانا اعاملها مو فقط صديقه لكن اكثر من اخت بالنسبه لي تعرفنا على بعض في الجامعه لانها من نفس القسم ومن يومها تقدروا تقولو ما افترقنا كل همومها ومشاكلها اعرفها حتى اوقات تتصل في اخر الليل والله ما استثقلها عادي وانبسط اذا خففت عنها ,,,, لكن صدرت منها مواقف كثير تغاضيت عن جميع مواقفها الا موقف واحد خلاني اقول لحد هنا وخلاص انا مو انسانه مغفله انا انسانه ليه احساس لكن طيبتي خلتني اغفل عن كل مواقفها لكن اخر موقف كان صدمه .....

بنات والله مو مدح لنفسي لكن والله اني طيبه وعلى نياتي واذا احد طلب مساعدتي ما اقله لا ,,,, بعد التخرج وفقني الله ورزقني بوظيفه كنت اعتبرها مؤقته الين الاقي شي افضل وهي كانت لسا ما توظفت لكن في يوم انفصل جوالها
لان اوقات كانت توصل فاتورتها لالف وطلبت مني اسددها والله يابنات ما تردد والا قلتلها ما اقدر رحت على طول على اقرب صراف وسددته لها بدون ما افكر هل هيه بترجع لي الفلوس اولا لانها مثل اختي واكثر ,,,,, وحتى لما يجوا ناس يخطبونها والله يابنات انها طلبت من عندي تيور واديتها اياه قلت ان شاء الله ربي يوفقها اهم شي تطلع زي القمر قدام الناس ,,,,, مع اني لما كنت امر بمواقف سيئه ما الاقي منها هذاك الاهتمام ووالله لما كنت مره في ازمه وطلبت منها فلوس وانا عارفه ماشاء الله اخوانها ما يقصرون عليها سواء اشقائها والا اخوانها من ابوها قالت ما يمديني والا بعدها باسبوعين معاها 5000 عشان تشتري لاب توب ومشيت الموضوع ولا فكرت فيه ,,,, انقهرت بس تناسيت ,,,
مره كنت برا البيت ورجعت تعبانه ودي اتحمم وانام واتصلت عليه اختها تقول انه فلانه في المستشفى على طول رحت قلت لاخويه يوديني لها من خوفي عليها رحت وزرتها واتطمنت عليها ,,,, وانا لما اتعب تقوللي بطلي دلع البنات
سبحان الله كانها هيه اللي بس تتعب والناس ما تتعب ,,,
المهم اراد ربي انها تتوفق وتنخطب لكن ما يخلوا الامر من انها تتصل على اساس انه فيه مشكله صايره بينها وبين خطيبها وانا اهديها واخليها ما تقفل الا وهي تضحك مع انه اوقات تكون نفسيتي زفت لكن اضغط على نفسي عشانها
يوم فرحها والله كنت مبسوطه لها من كل قلبي مع اني المفروض المخطوبه واللي قرب زواجها ما تطلع من البيت لكن هذا اختي كيف ما اروح رحت يابنات ورقصت وسلمت عليها وباركت لها وهديتها لانها كانت متوتره .... ويوم راحت بكيت عليها لدرجة الناس حسبوني اختها انا صديقتها بكيت واخواتها ما بكوا ,,,,
بعد فرحها يابنات قلتلها باستاجر فستانك لاني ما افكر افصل او اشتري وبعدين ينرمي في الدولاب قامت قالتلي الفستان فداك وما بيننا هالكلام واعتمدت كلامها وما اشتريت فستان على اساس بيننا كلام يوم قرب فرحي طلبتها الفستان قامت تلف وتدور وانا اسفه والله اني نسيت انك طلبتيه ووحده من بنات جيراننا طلبته وقلت بابيعه لها لاني محتاجه مبلغ انا انصدمت يابنات وحسيت بغصه والله انه دمعتي نزلت فاخر شي قلتلها كم تبغين فيه ورحت لبيت اهلها واخت الفستان بعد ما رميت الفلوس على قولتهم هين قرشك ولا تهين نفسك ,,,, ومع ذلك نسيت هذا الموقف وطبعا اكدت عليها تحضر فرحي ويوم الفرح استنى واستنى ولا حياة لمن تنادي صديقتي الحامل واللي كانت يومها تعبانه المسكينه بس عشاني جت وهي والله حتى رسالة اعتذار ما ارسلتها ,,,,
بعدها بشهر كنت مقهوره منها شهر لا دقت ولا ارسلت ولا شي قمت كتبت رسالة عتاب على شكل خاطره وارسلتها بعدها بدات الاخت تدق وانا ما ارد وقامت تتعذر انه قبل فرحي بيوم راحت جده تشتري فستان وتعطلت السياره طيب ابسط الحلول انكم تستاجروا سياره او تشوفوا لكم حجز انا قلتلها وان تعطلت السياره اعتقد انه فيه اختراع اسمه رسايل كان بامكانها ترسل على الاقل تعتذر لو ليه بقلبها معزه ,,, طيب هذاك اليوم تعطلت السياره طيب وين لك شهر كتبت اعذار واهيه ما اقنعتني ,,,, وفي الاخير تقوللي اذا ما تبغين صداقتنا تستمر تراني قويه واعجبك بما معناه انها تنسى 6سنين شي عادي عندها والله ييابنات ما رديت عليها ولا رجعت دقيت ولا كلمتها اقسم بالله انقهرت وحسيت مثل الكف جا على وجهي ,,,,, وقررت انساها

لكن ليش 6 سنوات حسيت انها بالنسبه لها ولا شي ؟؟؟
ليش احس دائما انه طيبتي تجني عليه ؟؟؟
ليش الصداقه صارت مصالح اكثر من انها تكون اخوه ؟؟
بنات هل انا غلطانه هل مواقفي معاها كانت غلط ؟؟؟

اسفه طولت عليكم بس الموضوع قاهرني مع انه زوجي يقول انسيها والا باعك بيبعيه ولا تفكري ايش رايكم ؟

28 تعليق 2,204 مشاهدة

شاركي في النقاش

سجلي الدخول لإضافة تعليق.

التعليقات

28
  1. الله يرزقك على قد نيتك

    انتي طيبه وهي استغلت طيبتك

    اختي انسي ومصير الايام تمحيها من راسك

    ياما وياما قابلنا اللي مثلهم واكثر..

    ونسيناهم وصارت العلاقه رسميه

    والحياة ماتوقفت ابد

    الله يوفقك ويسعدك اختي
  2. صاحبة الموضوع
    **طفله حنونه**
    الله يرزقك على قد نيتك انتي طيبه وهي استغلت طيبتك اختي انسي ومصير الايام تمحيها من راسك ياما وياما قابلنا اللي مثلهم واكثر.. ونسيناهم وصارت العلاقه رسميه والحياة ماتوقفت ابد الله يوفقك ويسعدك اختي
    هلا فيك ياقمر وتسلمين على الرد
    انا مشكلتي مو بسهوله انسى والايام ما راح توقف عندها لكن تازمت من الوضع لا اكثر
    مشكوره حبيبتي على كلامك والعلاقه انقطعت وما اعتقد انهاا تحتاج تكون رسميه
    جزاك الله خير
  3. @ghramo

    الله يهديها ومن كلامك انتي كنتي طيبه معاها طيب ليش سوت كذا غريبه ؟؟
    من جد الزمن هذا انعدم فيه مفهوم الصداقه

    انا ياحبيبتي كان لي صديقه انقطعت عني لمدة 5 شهور لاعمرها اتصلت ولا ارسلت ولا حتى سألت عني ليش هالقطاعه وش سويت مع اني عمري ماغلطت عليها ابداً بلعكس وقفت معاها في احزانها ومرضها قبل افراحها
    انا لما ارسلت لها وشفت صارت ماترد طنشت
    وقلت اللي يزعل بلاش يرضى بلاش
    وفعلاً بعد 5 اشهر قبل اسبوع تفاجأت برساله منها
    سويت الامر عادي ورديت في رسالتها
    بس لاكلمتني ولاكلمتها

    بصراحه ما احب اعاتب احد عشان كذا طنشت الموضوع وما سألت


    ياقلبي مو معناتو انك طيبه لازم تكون مثلك طيبه

    لاتحطين في بالك وانسي

    اتمنى ماتزعلين من كلامي وصراحتي
  4. صاحبة الموضوع
    غرامو
    الله يهديها ومن كلامك انتي كنتي طيبه معاها طيب ليش سوت كذا غريبه ؟؟ من جد الزمن هذا انعدم فيه مفهوم الصداقه انا ياحبيبتي كان لي صديقه انقطعت عني لمدة 5 شهور لاعمرها اتصلت ولا ارسلت ولا حتى سألت عني ليش هالقطاعه وش سويت مع اني عمري ماغلط…
    مشكوره ياعسل على ردك ,,,, وابدا ماراح ازعل من كلامك بالعكس كلامك صح يمكن مشكلتي اني حساسه

    شوي لكن والله ما هانت عليه نفسي قدام تصرفاتها عشان كذا رديت عليها رد بارد مافيه اية احساس

    وبالفعل المفروض اني انسى وان شاء الله ربي يعطيني على قد نيتي ,,,

    تسلمين يالغاليه
  5. انت وش مستفيده من وراى هالصداقه غير وجع الراس اقول اللي نساك اساه وهتمي بزوجك وبس والله انك رايقه صداقة 6سنين ؟؟؟ من جانبك انت بس

تابعي تجارب أخرى من هذا القسم.