السلام عليكم ورحمة الله ؛؛ كيفكم يابنات ؟!؟!
الحمدلله تزوجت اختي من اسبوع تقريباً الله يوفقها يارب :icon33:
بقول لكم عن تجربتي مع التقديم اللي جبناه وان شاء الله افيدكم ؛؛
:
:
:
اول شي تزيين القصر والطاولات والكوشه والحمامات تعاملنا مع
ليالي الشرق اللي جنب فندق صلاح الدين بطريق الملك عبدالعزيز
صراحه مررررررررررررة نكبنا بالزواج حط لنا اشياء غير اللي اتفقنا عليها
حسبي الله عليه ماادري ليه على اننا قرينا مدح لهم مرررررررررة
وتأخر مرررة على ماطلع من القاعه الساعه 8 وهم توهم ماخلصوا
والمشكله انه مسوي الكوشه من قبل يعني مو اول مرة :mad: ؛؛
والمسكة غيييير تماماً عن اللي طلبتها اختي :( ..
الزبدة ان اللي ناويه او تتعامل معه توقف شغلها او انها تنشب له قهرونا
قسم بالله :mad: ...
:
:
اللي على الطاولات اخذناه من أوبرا ؛؛ وكان تعاقدنا مع محل ليالي الشرق
لانهم يتعاملون معه ؛؛ اخذنا (شوكولا - فطاير - حلا بس مدري وشو صراحه
ناسيه) المهم محل الورود جابوا لنا بدل الحلا موالح :mad:
الشوكولا والفطاير حلويين بس مو مررة الفطاير حسيتها بايته ماادري ليه
ماادري عاد العيب من اوبرا !! او من محل الورود !!!!
والموالح ماتحرك ولا تغير مو حلوو ابد ماله طعم :09: ...
:
:
والتوزيع اخذنا صينيتين من عسل وسكر كل صينية 4 كيلو والكيلو بـ 135 ريال ؛؛
بس صراحه مرررررررررة روعه مابقى ولا شي من الـ 8 كيلوا
واللي طلبناه ( الجوهرة - بترا - تشيز كيك - روزي << او حول هالاسم خخخخخخخ)
بس عن جد اللي محتارة انا اقول لها تاخذه وهي مغمضه مررررررة روعة
طعمة بس مشكلتهم مافي توصيل واللي تبي رقمهم ووصفهم من عيوني ...
:
:
درة الصالحية اخذنا من عندهم صينيتين حلا كل صينية 4 كيلو ؛؛
اخذنا حلا يشبه حلا الاعشاش تبع الجوهرة قوالب شوكولا وحشواتها
اوريو وتختلف بالزينة شي كورن فليكس والثاني شعيريه باكستانية
والثالث كوكو بوبس والكيلو مدري بـ 60 أو 90 ريال .
وبنفس الصينية اخذنا بعد كأنه معمول زي الاصابع وشي مغطى بجوز هند
وشي ببسكويت مطحون وبصراحة مدري عن طعمة لاني ماذقته وهو
اللي مدحه لنا وقال ان عليه طلبية كثيييير واخذته امي ولا ادري بكم
الكيلو لاني ماكنت معها ...
واخذنا بعد صينيتين فطاير وكانبية وكبة وورق عنب كل صينية 4 كيلو ؛؛
وانا صورته لكم من قبل حلو الحمدلله والكيلو عندهم بـ 75 ريال ...
والتوصيل ممتاز على الموعد بس الصياني كنا طالبين مثل شكل الحلزون
وحطهم لنا فراشات حلوو الشكل لكن المفروض يلتزم باللي طلبناه ؛؛
واعطانا هدية 50 حبة كيك صغير ومكتوب فيه اسم العرسان :icon28: ...
:
:
زاكي اخذنا من عندهم صينيتين فطاير ومعجنات كل صينية 4 كيلو ؛؛
وصينيتين معجنات بحرية كل صينية 4 كيلو وكبة ملونة ؛؛
واخذنا بعد كيك صغير الحبة بريال ؛؛ وكب كيك صغير محشي ومزين بفواكة
والحبة مدري هي بريالين اول 3 ريال !!!
كلهم حلوين الحمدلله لكن الكبه الملونه مو حلوة ابد ابد ماتستاهل :09: ..
:
:
واخذنا 4 حافظات شعبي من ام عبداللطيف الوحدة بـ 250 ريال ؛؛
وبصراحة ماذقته لكن بشهادة اللي ذاقوه مرررة حلوو ولذيذ :) ...
:
:
والتمر اكيد تتذكرون لما صورت لكم وقلت لكم عن تمور الضحيان ؛؛
هي اسمها ام هند ومهند ولما دقينا عليها نبغا ناخذ منها قالت لنا الكيلو
بـ 70 وهي قايله لنا قبل بـ 50 ريال !!! عاد امي زعلت ولا اخذت منها ؛؛
واخذ ابوي من عند اتمار صينيتين مررة كبيرة بصراحة ماادري بكم لانهم
للرجال ؛؛ ذفته حلوو والله ان شاء الله ادور لكم صورتهم وانزلها ...
:
:
:
وبس الحمدلله هذا كل شي واذا تذكرت شي برجع اقوله لكم ؛؛
واي سؤال او استفسار انا بالخدمة :39: ...
فن التقديم لبنات الرياض ( ملف شامل ومختصر لاهم التقديمات )
متابعة النقاش، صفحة 142