السلام عليكم
ابدأ قصتي بنبذه بسيطه عن حياتي انامتزوجه وعندي 3 اطفال ولد 7سنوات وبنت 5 سنوات ولد سنتين
حياتي بمجملها الحمدلله مبسووطه ومتفاهمين ومثلي مثل اي متزوجه لابد من المعكرات تمر الحياه
وزوجي الحمدلله طيب وكريم
بتقولون هذي وش عندها <<<<<<<<<<<تحملوني بفضفض
بدايه انقلاب حياتي العام تحديدا في شهر رجب في الصيف وولدي الكبير نحف مرررره وصار اصفر وشاحب وماياكل نهائي ضيق صدري وكل من قلتله قالوا عادي
ورحت للدكتور وسويتله تحليل فقر دم الدكتور انصدم قال شلون مخلينه كذا كان عنده تقريبا 8 قلت الحمدلله لقيت السبب وعطانا علاج للحديد واستمريت شهرين اعطيه ماحسيت بذاك التحسن شئ بسيط لا يذكر
وجاء موعد التحليل الثاني وسويت التحليل الدكتور قال مو معقول الحديد هو هو ماتغير :( انا خفت ونفسيتي زفت
قال لازم نسوي تحاليل ثانيه وسوالها تحليل شامل وقال يطلع بعد يومين
جلست هاليومين على اعصابي وبعدها دق الدكتور على زوجي وقال يجي النتيجه وظائف الكلى مرتفعه عنده ولازم يتحول على مستشفى كبير متخصص <<<<<<<<من هنا تغيرت حياتي
حولنا على مستشفى المللك فيصل التخصصي وجاء اليوم اتصلوا المستشفى وقالوا فضا سرير لازم تجون بسرعه
ووالله يابنات ان طول الطريق كنت مرتبكه وخايفه لكن الحمدلله على كل حال ابكي من تحت الغطاء ونفسيتي تعباانه لاني ماني عارفه ايش الوضع ووش ممكن يصير الله المستعان
بعد ماوصلنا المستشفى اااه الله يبعدكم عن المستشفيات وولدي (اللي عمره 7 سنوات ) يقول ليش المستشفى وماابي اجلس فيه قطع قلبي وهو مايدري جلسنا فيه تقريبااا اسبوع مابين تحاليل واشعه وولدي يتألم من وخز الابر الحمدلله على كل حال
واليوم الرابع جات الصدمه القوووووووويه ( اللهم اجرني في مصيبتي واخلفني خيرا منها )
دخل علي الدكتووور استشاري سعودي الله يهديه فجعني في هالخبر قالي بالحرف الواحد
ولدك ماله غنى عن الغسيل الكلوي او الزراعه هي مسألة وقت :confused:
انا من قوة الخبر ماقدرت استوعب طحت ولا قدرت اتكلم ووالله لم املك غير الدمووع صدمني بقوووة ماكنت متخيله الامر بذيك الصعووبه
اتصلت على زوجي وجاء وانا كنت منهارة وولدي ياعمري يقولي ماما ليش تبكين اقوله راسي يوجعني مايدري اني ابكي عليه وعلى الشقا اللي بيمر فيه الحمدلله الحمدلله
ولله الحمد تقبلت الامر وحمدالله على كل حال وكان عزاي الوحيد ان ولدي ما يألمه شئ لكن مجرد تحاليل دوريه
بعد انتهت التحاليل وصف له ادويه تساعده على النمو وابر كل اسبوع تحت الجلد وايضا منعه من اشياء كثيره منها الشيبس والتقليل من الشكولاته وانواع كثيره لاحصر لها
وايضاا نبهنا الدكتور بان نحاول انه مايمرض ويتعب عشان الادويه بتأثر عليه <<<<<اللهم ارفع عنا الابتلاء
بعد ماخرجت تماسكت وكتمت في نفسي وحاولت اتأقلم مع الموضووع
كل يوم رحله مع الادويه ياكل في اليوم 7 حبوب وابره كل يوم ثلاثاء انا اضربها له :(
كنت اتحسر لما اشووف دمووعه واحاول اداريها عنه الله يرحم الحال
والانبعد مضي 9شهور على حالة ولدي حالته مستقره الحمدلله لكن نفسيتي الان تعباانه جداا من اسباب اولها
ولدي بدأ ينتبه ويسألني ليش انا اكل علاج وغيري ماياكل
ليش ماتخلوني اكل شيبس :(
ليش تطقوني ابره انا مااحبها
انا ماابي ارووح المستشفى
ليش فلانه اطول مني ( لان الدكتور يقول ماراحيطول لين نعطيه هرمون النمو وان شاء الله بشهر 10 بيعطوونه اياه )
يابنات قطع قلبي ووالله اني صرت يوميا ابكي مو اعتراض الحمدلله على كل حال واحمدربي كل يوم وكل ساعه
لكن وولدي صار ينتبه ويسأل واحيانا يرفض ياكل العلاج
تكفوووووووووووون يابنات ادعو ان ربي يشفيه ويعافيه ويخليه لي ويصبرني يارب ويعوضني خير:(
الموضوع مغلق