س سؤال للموظفات ؟؟؟

السلام عليكم ورحمة الله وبركاته


الى صديقاتي في هذا المنتدي الرائع ( صديقي الدائم الذي لا استطيع ان يمر يوم دون ان امر عليه )

اريد خبراتكم يا الموظفات كيف الميزانية قصدي هل تساهم في مصروف البيت وهل هو اجبار ي عليك والا كرم منك

وهل حسستيه يوم ان هذ مالك ما له حق فيه


وكيف اعوده ان مصروفي ومصروف عياله مطلوب منه :arb: وان الشي اللي اجيبه للبيت كرم مني ما اني مجبره عليه


كيف رتبتوا وضعكم مع الوظيفة وهل واجهتكم مشاكل سواء كان من اهلك او اهله


اريد خبرتكم ومنكم نستفيد


:39:

36 تعليق 2,974 مشاهدة

شاركي في النقاش

سجلي الدخول لإضافة تعليق.

التعليقات

35
  1. @alanothh_alshamkhh

    أنا أهلي من يوم دخلت الكليه وصار لي مكافاءة صارو مايصرفون علي ابد كل شي انا الي اجيبه لنفسي من هالمكافاءة لدرجة اني تخرجت وانا ماجمعت منها ولا ريال هذي المكافاءه كيف لو اتو ظف
    نصيحه للمتزوجات لاتعطي زوجك ولاتساعديه ابدا لان الرجال مايستاهلون والله مايشوف معروفك ابد خلي فلوسك لك تنفعك مااقول جمعيها وبس لا استمتعي فيها لنفسك بس هو لا تعطيه شي ولاتساعديه حتى لو كان محتاج لانه مثل ماتعرفون الرجال مالهم امان :mad:
  2. @sdydh

    عادي حبيبتي
    الحين الوحده مادامها تطلع من البيت وتشتغل لازم تساعد زوجها
    بعدين الدنيا غلت ومافيها شي لو ساعدتيه
  3. انا من رأيي انها تشيل نفسها يعني ترحمه من مصروفها
    وبسسسسسس
    غير كذا اسمه تعويييد ولو اتعود و بيوم احتجتي راتبك كله بشغله تخصك بيستنكر انك ما اعطيتيه منه وماساعدتي بالبيت
  4. @hash_hash

    حتى أنا أفكر في الموضوع هذا كثير وأحتار من الردود اللي يكتبونها البنات ..
    وبعد إذن صاحبة الموضوع : لو كان راتبه مو ذاك الزود وعليه ديون وغلا ومصاريف ..
    برضه الوحدة ما تساعد !!
    أنا أشوفها عيب وتقصير منها ودامها ما بخلت عليه بنفسها وحياتها فليش تحاسبه على ورق اسمه مال يعتبر وسيلة وليست غاية !!!!
    بس ألاحظ اإلبية تقول لا وألف لا ما تساعد الوحدة زوجها إلا بكمالياتها فقط..
    طيب وش تبغى بالفلوس إذا ما شاركت بها في تحقيق أحلامهم المشتركة زي امتلاك بيت وأثاث حلو وغيره ..
    خصوصا انها تغيب عن البيت كم ساعة وترجع تعبانة وتحتاج للراحة والنوم , وهذا كله على حساب بيتها وأسرتها ..
    يعني على الأقل من هذا الباب تساهم بجزء من المصروف المنزلي بطيب نفس ..
    وأحس الزوج لو شاف زوجته ما تعطيه ولا قرش وتقصر في البيت بعد بيقول خلى الوظيفة واقعدي في البيت أحسن لك ..
    طيب ساعتها وش بتسوي ؟؟؟
    أعتذر منك يا أخت أم بشاير على الدخول عرض في الموضوع بس ودي أحد يناقش هالنقاط المهمة ..
  5. @hmamh_ghrybh

    استفت قلبك ولو افتاك الناس
    مدري احس كل وحده ظروفها تختلف عن الثانيه
    بس انتي اكيد تعرفين شخصيته اذا كان حبيب وطيب مافيه ابدا اي اشكال انك تساعديه
    والرجل الاصيل ماراح ينساها لك صدقيني
    وعلى قولة وحده من الاخوات الدنيا غلت والرواتب والله مو ملحقه

تابعي تجارب أخرى من هذا القسم.