ليش كل البنات اظافرهم طويلة و حلوة و انا لا ... الله يرزقها الجنة اللي بتعطيني الحل

بنات باقولكم مشكلتي و ارجوكم ساعدووووووووني لاني فعلا محتاجة مساعدتكم :06:
بنات المشكلة هي اظفاري خاطري في اظافر ناعمة و حلوة و طويلة مثل البنات بس ابد :( اظن هالشي من سابع المستحيلات :44: انا اظافري من تطول تصير كانها رايحة على فوق :06: يعني ما تطول سيدة و بشكل مستقيم ما ادري ليش .... احد عنده نفس هالمشكلة او يعرف الحل لها شنو ارجوكم قولوا لي لانه هالمشكلة وايد معقدتني بصراحة
بعد شعري مقصف و رايح فيها قلنه معليه بس اظافري لا عاد ما يصيييييييير جذي :(
اتمنى ما تطنشوني و تردون علي ...... ارجوووووووووكم ساعدوني :06:

26 تعليق 19,332 مشاهدة

شاركي في النقاش

سجلي الدخول لإضافة تعليق.

التعليقات

24

  1. ... الســــــــلام عليكم ورحمة الله وبركاته ...


    ماعاش ياقلبي من يطنشك ,, شوفي انا بتكلم عن نفسي الحمد لله اظافري زينه وتطول وتقدرين تقولين انها قويه شوي والكل يسأل انتي وش تسوين بااظافرك وانا والله مااسوي لها شي ويحسبوني انصب عليهم :29: المهم انا اتوقع العامل الرئيسي بزينهم التغذيه وبعدين ياقلبي انا سمعت ان الليمون مرررره زين لهم يقويهم وبرضه يطولهم وزيت الزيتون بعد ومن صرت استخدم كريم لليدين والاظافر من سيباميد واحس اظافري يطولن بسرعه والله العالم وامممم بس هذا الي عندي يارب اكون افدتس :21:

    اختكم : ع ـــــــنووده
  2. عيوني انا كمان كنت اعاني من نفس المشكله بس استخدمت اليمون امسح فيه اظافري
    كمان سخني زيت زيتون وانقعي فيه اطراف الاظافرهو صراحه حار بس حطي يدك قد ماتقدرين واذا
    حسيتي انه حار ارفعي يدك شوي وبعدين رجعيها سويها لمن تكوني رايقه وانشاء الله تنفعكي
    المده ماني فاكره بس لمن تشوفين تحسن كمان حاولي ترجعين الجلدالي حولين الاظافرعلى وراء
    اتمنا اكون افدتك ويرب تلقين النتيجه الي ترضيكي
  3. صاحبة الموضوع
    افا 104 وحدة دشوا و بس ثنتين اللي ردوا علي على العموم ما هقيتها منكم يا بنات حواء بس فيكم الخير خواتي عنود الصيد و الواثقة من زوجها الله ينولكم كل اللي في بالكم يا رب
    انا ان شاء الله بطبق اللي قلتوه على امل ان اييب نتيجة مع اظافري لان حالتهم مستعصية :(
    الف شكر لكم خواتي و يزاكم الله كل خير :26:
  4. @klb_dk

    انــــــا عن نفسي أتقزز من الاظافر الطويله لانها منافيه سبحان الله للفطره والشكل الصحي والنظافه

    ووالله مو كثير ان قلت لكم اني مااشتهي اكل من اللي اظافرها طويله لانني اتخيل ان داخلها بلاوي

    لان من الطبيعي لة بتحك جلدها او بتتوضاء بعد قضاء حاجه اعزكم الله لابد بيكون فيها ولو القليل من الاوساخ , لذلك احرصي ان تكون الاظافر متوسطه الطول مائله للقصر للشكل المهذب النظيف مع مسحه

    من طلاء بلون الكريمي او الشفاف الناعم وتحياتي :26:
  5. اختي بحرينيه قمر...

    انصحج بحبوب اسمه food pill وفيه منه شامبو..

    تحصلين منه شامبو بعد..

    اهو حق الشعر والاظافر..

    استخدميه لمدة 3 شهور وادعي لي..

    تحصلينه في اي صيدليه في البحرين..

تابعي تجارب أخرى من هذا القسم.