السلام عليكم ورحمة الله وبركاته ..
فيه شيء خطييير اتوقع قليل منكم يعرفونه لأني ماقد شفت احد تكلم عنه ..
الا الأخت عروس للأبد قبل كم اسبوع بس ما اتوقع الكل دخل هالموضوع الي قالت فيه عروس
وأنا اخترت هالقسم لكثرة رواده
طشت الحمام (للحريم)
وهو عباره عن طشت ينحط على كرسي الحمام الإفرنجي وتحطين فيه غسولك الخاص
يامويه وملح أو غسول طبي أو اي غسول تستعملينه
والأهم إني جبتلكم صورتين له من تصوير الأخت نهاية العمر الله لايحرمها الجنه
وهذا هو
وأكيد الكل يتسائل وين نلقاه وبكم ؟؟
رح اقولكم أنا عطوني اياه مستشفى التامينات يوم ولدت عندهم ويوم ولدت اختي بمستشفى حكومي
والحكومي مايصرفون هالطشت راح زوجها سأل عنه بكل الصيدليات قالوا مانعرفه أول مره نسمع بطشت للحريم
قام اخذ حقي ووراهم اياه بصيدلية السقاف او النهدي قالوا ايه هذا اسمه طشت البواسير (للشخص الي عنده بواسير )
وسعره رح تلقونه بحدود ال50 ريال أو أقل مايزيد ..
ورح اقولكم تجربتي ..
يابنات وقسم بالله إني مازلت استخدمه حتى الآن مريح جداً بالإستعمال ورح اقولكم شيء ثاني ..
تقدرين تستخدمينه بأي وقت يعني لك وللزمن بالدوره بالنفاس او حتى بالإلتهابات والخراب والهواء
مجرد حطي مويه دافيه وملح واجلسي فيه 10 دقايق لاتزيد لان لحم المنطقه رقيق ومايصلح يطول بالمويه..
وشوفي كيف بتصيرين بإذن الله ..
ما نبي منكم غير الدعاء وإنكم تكونون بصحه دايمه ..
وأي وحده عندها تجارب فيه لاتبخل علشان الكل يستفيد ويروح يشتريه طيرااااااان زي كل الي شافوه عندي
:39:
الله يحفظكم ..
.
.
شاركي في النقاش
سجلي الدخول لإضافة تعليق.
التعليقات
85مواضيع مشابهة
تابعي تجارب أخرى من هذا القسم.