شاركي في النقاش

سجلي الدخول لإضافة تعليق.

التعليقات

86
  1. @argo_aafo_rby

    انا مصدومة من زوجي (معروف عنه بالرزانه واحترام الذات وما يحب تتشوه سمعته وما اقول انه متدين مع اني اتمنى انه متدين ) المهم احس زوجي من النوع السريع التأثر يعني يجلس فترة مع رفقة طيبة يرتقي دينيا ويحافظ على امور دينه ويحرص عليها ولله الحمد يجلس مع رفقة خايسة يتاثر فيهم كذلك زوجي الله يهديه من النوع اللي ملقوف ويدخل بالناس بسرعة ويحب يستفسر عن كل شي مثلا معاه ناس بالعمل راعين بنات وتطليعات ويدخل معاهم بحكم العمل ويجهرون باللي يسونه هو يبغى يعرف هم ليه يسون كذا وطبعا حسب ما يقولي هو يناصحهم ويقول لهم الا هذا الطريق عاقبته على خواتك واهلك طبعا انا يقولي هذا الكلام انغم بس اسكت ما اقدر اخانقه عشان اخاف مع عاد يقولي شي ويصير يكتم عني وما عاد يرتاح معي ابغاه يقول لي وما يقول لاحد غيري وكنت اقول له احذر صاحب السوء فالصاحب ساحب ودايما اشدد على هذا الشي هل ترضى ان تكون صاحبتي راعية رجال تراه من سمعة الشخص .
    زوجي قبل سنة تقريبا جاته حالة هبل على القهاوي (مع العلم انه كان يستحقرها ويفضل عليها الكافيهات) مع اصحابه كل ليلة ما يقدر يتركها ابدا لدرجة انه يكون احيانا جاي من السفر يقعد معانا شوي بعدين بسرعة عليها احيانا انكون في عزيمة ونحن راجعين ينزلنا البيت وبسرعة على القهوة صراحة استغربت هذا الشي منه وما قدرت عليه ما ابغى احكره
    المهم زوجي سافر ندب عمل لدولة عربية وانا ما قدرت اروح بحكم مدارس العيال بس احسه تغير كثير وكان قلبي محرقصني وماني مرتاحة وخصوص االشلة اللي معاه وسخة .وكانت اتصالاته لنا مهي كثيرة ولما يرجع احسه متغير من ناحية الفراش ما كانه كان مسافر(وكان يقول مرهق من العمل ويجيه ارق وما يقدر ينام)
    لما خلصت المدارس قال لازم اتجين وخلي العيال وخليت العيال عند اهلي والله ما ودي بالجيه بس عشان ما اخليه لحاله في اليوم الثاني احسه متلخبط ويبغى يقول شي ويقولي فيه مكان ابغى تشوفينه فيه قهوة هنا (انا ما فهمتها بس اعتذرت بشي ) قلت خلنا نتمشى بالسيارة ونحن بالسيارة الا ويقول ابغى اقولك على سر وما ابغاك تزعلين ووجهه يقمر عيش ومستحي صراحة انصدمت قلتله خرعتني وعلمني انه صار يشيش وقال ايش رايك نروح للقهوة اللي نروحها طبعا امكن تقولين عادي الكل يشيش حريم رجال بس اقولك زوجي كان يعتبرها معصية وتقدح في شخصية الرجل طبعا الى حد الان انا مصدومة وعبرت لزوجي بهدوء عن راي وقال انا من قبل كنت اجرب على خفيف( يعني يستكشف) في السعودية بس هنا صراحة الامر رسمي يعني دايم يشيش شافني مبلمة واسال بكثرة واني ماتوقعتها منه فاحتد بالكلام وقال لا تخليني اندم اني قلتلك لو ما كنت تعنيلي ماكنت خبرتك قلتله انت تعرف اني لوكنت اعرف قبل الزواج انك تشيش ما تزوجتك بس الان ومعانا عيال (عندي 4 عيال)ما ادري ايش الحال وصراحة اشوف زوجي الان ساكت ومبلم وساهم في طلعاتنا وروحاتنا ما ادري هو مستحي مني ولا وراه بلوه كبيرة ومخبيها اخاف لا يكون سلك طريق اللعب والبنات يقول اغلب اللي معاه لاعبين على حريمهم وعندهم علاقات.
    زين الحين كيف ارتاح له انا مضايقة منه واحس اني مخدوعة واحس انه مخبي علي برضو جواله عليه قفل )


    هذي قصة زميلتي الغالية علي جدا جدا واحس انها شوي وبتنجن صراحة ما قدرت افيدها بشي خبرتي محدودة اسال الله ان يرد لها زوجها ويعظم حبها في قلبه ويهديه ويهدي شباب ورجال ونساء المسلمين اللهم أمين
    ايش رايك يا ام يحي و ايش تنصحينها ارجو الرد وجزاك الله خير
  2. @am_yhy

    صاحبة الموضوع
    ياهلا وغلا بكل اللي شرفوني بالردود والأسئلة
    و اسمحوالي ببعض الوقت عشان أجمع أفكاري وأرتبها وأقول لكم رايي في اللي سألتوني عنه ...وجزاكم الله كل خير خواتي ..
  3. رفع الله قدرك في الدارين يا أم يحي واثابك على كل حرف وبارك لك في عمرك وزوجك وابنائك وغفر لك ولوالديك

تابعي تجارب أخرى من هذا القسم.