بنات انا تعبانه ساعدوني

مرحبا بالجميع

نفسيتي تعبانه مره ماعندي احد اتكلم معه ولا اشكي له همومي
مالقيت غيركم

انا متزوجه من سنتين وعندي ولد
مشكلتي هالفتره احس حياتي انقلبت فوق تحت
بس نكد ومشاكل
احنا نمر بظروف صعبه شوي ( ماديه)
المشكله زوجي اللي ماعاد شفته يضحك نهائيا بس سرحان
وعصبي وينافخ
حياتي صارت بارده بشكل
غيرته الزياده اتعبتني قبل كم يوم كنت على الانترنت
وقاعده اوري ولدي صور القطط وانا بس سويت بحث بجوجل
ولاناظرت اسم الموقع ( هو موقع يعني فيه رومانسي وحب ومن ذا الكلام)
دخل قال وش الموقع قلت له ابد نشوف صور البسس
شوي طلعت وخليت النت شغال دخلت وهو قاعد يدور وفتح الموقع اللي كنت فاتحته
هو مايفهم زياده بالكمبيوتر
قال تعال سجلي في المنتدى قلت له تراه منتدى عادي زي اي منتدى
مافيه شيء
قال مافي شيء سجلي فيه وبس
وسجلت في المنتدى ( هو يظن انه شات ) لانه مايعرف
قال وش حكاية هالموقع فيه تعارف ومحادثات قلت لا
منتدى هذا منتدى
وطلعت من الغرفه قعد شوي على النت
وقام فرش في الغرفه ونام على الارض
وقعد زعلان
انا ماغلطت بشيء ولدي مايقدر ينام بدون ابوه قمت وقلته ادخل
غرفه النوم ليش بتنام هنا قالي مرتاح هنا قعدت اترجاه لين
دخل ودخل ونام وقعدنا يومين متزاعلين على شيء تافه كله بسبب غيرته ماادري الشك

المهم قبل يومين مرض ولدي سخونه وماينام الا الصباح من كثر البكاء
عاد الاخ طلع لي بسالفه يبغى يعزم اصحابه قلت كيف تعزمهم والولد تعبان
وانت تدري انه ماينام الا الصباح والله ماينام من البكاء الا الساعة 8 او 9 وانا جالسه جنبه
قال لاتتعذرين
قلت اجل عزيمتك مااقدر اجلس جنبه والا ارتاح وانا والا اشتغل
زعل الرجال قال انتي عاصيه انتي نكديه
انتي وانتي
والله اني مااقصر معه بشيء احاول اسعده بكل مااقدر عزايمه بالهبل ومع هذا يقول كذا
ليش كذا مهما سويت مايعجبه بس انتي نكديه وانتي تطفشين
انا فكرت اتركه فتره واروح لأهل هم بعيدين عني مره
انا في جده وهم في الرياض
يمكن اذا تركته يرتاح وانا ارتاح ونرجع ونفسيتنا مرتاح

والله اني تعبانه ودي اصرخ في وجهه اقوله انا اكرهك

13 تعليق 1,129 مشاهدة

شاركي في النقاش

سجلي الدخول لإضافة تعليق.

التعليقات

13
  1. @raghd111

    حبيبتبي انتي قلتيها الظروف المادية له صعبة شوي
    عادي الوضع اللي فيه الله لا يلومه ترى يحس انه مقصرمعك ومع ولدك
    اول شي استهدي بالله وحاولي تخلين البيت هدوء له وفري جو الراحة النت اجلسي عليه لاصار برا البيت
    حاولي تهدين نفسك وعادي تحملي ياحلوة الله يسخره لك وادعي ان الله يفرج عليه
  2. الله يفرجلك يااختي ويسعدك معاه ويوفقكم وترجعون احسن من قبل بس نصيحه اذا قالك سوي العشا روحي سوي والله العظيم انه بعدين راح يفكر ويقول هي ضحت بالولد وهو تعبان عشاني وصدقيني الحركه هذه راح تبين بعينه وربي يسعدكم ****لله
  3. @am_ryma_7

    حبيبتي صدقنيني الظروف الماديه تاثر في الرجال تخليه عصبي ومتنرفز
    اصبري حبيبتي مالك الا الاجر اصبري عشان ولدك



    اللـــــــــــــــــــــــــــه يسخره لك ويوفقكم يــــــــــــــــــــــــــــــــارب
  4. تحمليه وحاولي تخففين عنه وتسولفين معه وتضحكين وطلعيه من جوه شوي
    لا تصيرين حساسه زوجك يمر بظروف ماديه والزوجه الذكيه هي اللي تستغل ظروف زوجها عشان تبين له انها مسانده له بكل حالاته
    واذا قالك بيعزم احد قولي ابشر طال عمرك بشرط تمسك ولدك انت
    وانا خلني للشغل .. اهم شي جيبيها باسلوب وهو بيهووون وبيقدر ظروفك
    ماعليه حبيتي احتسبي الاجر وتحملي واكظمي غيظك ولك اجر عظيم ان شالله بطاعه زوجك ومحاوله تهدئته ومرضاته
    واذا حسيتي بمشاعر سلبيه اتجاهه روحي توضي وصلي واستغفري واقعدي مع نفسك شوي وتذكري ايامكم الحلوه
    لاتخلين الشيطان يدخل بينكم ولاتتركين بيتك ابد
    خليك مع زوجك وسانديه وحاولي تحسنين نفسيه
    وابحثي بالنت بمواقع مثل الحصن النفسي واسالي دكاترتهم كيف التعامل مع زوجك يمر بظروف ماديه وان شالله بيفيدونك
    الله يهديه ويسخره لك ويفرج كربتكم يارب

تابعي تجارب أخرى من هذا القسم.