من المُلام في نظركم..!! وماهو الحل...!! *

ملاحظه ...الروظات الحكوميه تمانع من احظار مبالغ ولا تفتح لهم مقاصف ..فلماذا لاتعمل ذلك الاهليه حتي لايكون هناك تفرقه وليس الهدف المادة فقط ...بل مراعاة الصغار اولي

السلام عليكم

يا الله قد ايش حزنت على البنت الل تعبي علبة السفن اب موية...

يارب فرجها على أمة محمد ولاتحوجهم الا لوجهك الكريم يارب

شوفي عزيزتي الى جانب انه فعلا هناك عوائل تعاني من الفقر والتخبط بين المصاريف وقلة الراتب..هناك عائلات ماتعطي أولادها المصروف المدرسي كنوع من التربية..

يعني لما تكوني مسوية ساندوتش وعصير للولد او البنت ليش لازم مصروف للفسحة؟؟؟حتى لو ريال..هذا يربي فيهم القناعة والاعتماد على النفس وحسن تدبر الأموال من صغرهم...لكن بعض الأطفال يجد حرجا في هذا الشي ويحس انه ناقص قدام أصحابه...

ممكن بعد فترة خلا ص يتعود ويصير مسألة المصروف شي ثانوي...كل شي في البداية صعب

وممكن جدا الأم تجلس مع أولادها وتقولهم شوفوا أنا أقدر أعطيكم المصروف ومافي أي مشكلة بس أيش رايكم بدل المصروف نحط في الصباح قيمة المصروف في الحصالة وآخر الشهر نشوف كم جمعت وتتصدق منه جزء والباقي يا تجمعه للشهر اللي بعده أو لمدة سنة قدام وتصير هذي فلوس هديته لما ينجح ان شاء الله...كذه الولد يتحمس جدا للحصالة ويتعود على الادخار وموازنة الأهم فالمهم قدام عيونه من هو طفل.

أحس ما يخرب على العوائل وطرق تربيتهم الا اللي يبالغوا في تدليل أولادهم واللي يشوفوا انه المصروف شي عادي (الله أكبر ايش حتسوي 10 ولا 5 ريال يوميا في شخصية ولدي خليه ياكل بالعافية) وتلقيهم أصلا في الصباح محد يقوم مع الطفل الا الشغالة ولا يسووله ساندوتش....وبس يعتمد على الحلويات والشيبس في المدرسة


الموضوع متشعب..والمعيشة غالية جدا..ولو حاولنا نساعد الأسر لازم تتغير سياسات أشياء كثيرة..لاحظي مصاريف العلاج كيف باهظة جدا...مصاريف التلفونات والكهربا والموية...أجارات البيوت جدا نار على مستويات عادية جدا....اللبس والمطاعم جدا غالية...يعني الواحد يصير يتردد مليون مرة قبل لا يفكر يرفه نفسه شوي

أيضا في مشروع صندوق مكافحة الفقر...وهو اللي صار بعد الحلقة الشهيرة اللي زار فيها الأمير عبدالله جنوب الرياض وانفجعنا انه في ناس تعاني هالفقر لا ووين في العاصمة أجل كيف حال الناس اللي في المدن الثانية والمحافظات والقرى؟؟؟؟؟؟!!!!!


صحيح في جهات ما تقصر وجالسين يتبرعوا ويدعموا صندوق مكافحة الفقر..بس لازم توعية ولازم نتايج فعلية للتبرعات..يعني أنا الى الآن ما شفت ولا سمعت انهم مثلا بنوا مجمعات سكنية للناس اللي في جنوب الرياض والموضوع صارله 3 سنوات ...ومو شرط الصندوق يكون بس للفقراء يعني الموظف العادي اللي راتبه ما يكفيه حتى لربع الشهر يقدم بياناته للصندوق وعدد أفراد أسرته ويصير يصرفوله شي

لو في نظام زي العالم والناس وناس تخاف ربها ومراعية حجم الأمانة كان الصندوق صار فعال للتصدي للفقر اللي عندنا..وبنفس الوقت لو كل مواطن اتبرع بجزء بسيط للصندوق كان الكل ما احتاج

وأيضا موضوع التعداد السكاني لو فيه تعاون فعلي بتقديم معلومات دقيقة..وكمان كفائة من نفس موظفي التعداد انهم يكثروا الأسئلة وتكون دقيقة حول الوضع المادي للأسر كان حصلنا على أساس صح من عدد الأسر المحتاجة ووضع المواطنين


أتمنى من الله أن ترقى جميع الجهات الحكومية بواجبها ويزيد حب التكافل في كل انسان حتى نتساعد ونتعاون

بشاير

من رأيي ان الاهل مايعطون الابن فلوس على طول ..لكن مره فلوس ومره فسحه من البيت ..واحيانا اخرى خبزه بدون شي ..حتى يحس الابن بمن حوله ويستشعر عظمة النعمه الي هو فيها ..ولا تقول الام او الاب حرام اعطيه خبز بدون شي ..طيب اجل غيره كيف عاشوا ..والله اني اعرف بنات ماكانوا يأكلون لقمة واحده في وقت الفسحه ..ويعودون الى البيت لتناول لقيمات من الغداء الذي لايكاد يسد جوعهم ..ولا انسى ابدا يوم ان كنت في الابتدائي ولما حان وقت الفسحه جلست بجانب بنتان يظهر الفقر عليهم ولما بدأوا في تناول الفسحه قالت احداهن لاختها لايوجد في العيش جبنه فردت عليها اختها بحزن وقلة حيله لابأس ماذا نفعل ...
الشي الثاني تحاول الام انها تشجع ابنها على مشاركة الاخرين فتقترح على ولدها ان اذا اشترى ورأى احد اصحابة بدون فسحة ان يقول مارأيك ان نتفسح سويا لان ذلك سوف يعلمة روح التعاون والنزول الى مستوى الناس الاقل منه واستشعار نعمة الله عليه ..