بالنسبه لي كان مهري 20 ألف وكفا وزاد 3آلاف وجهازي كله ماركات ومانقص علي شي أبد لكن العبره بالبركه ولكن الجهاز كان أشيائي الشخصيه فقط من دون أي شي للبيت
والنبي صلى الله عليه وسلم يقول (أكثرالنساء بركه أقلهن مؤونه)أو بمعنى الحديث
ولاتقولين الدنيا غاليه لاهذا موب عذر ترينها غاليه حتى عليه ولاتنسين أنه هو اللي بيأثث البيت وبيدفع فيه يعني هو اللي ينرحم من الاسعار(لايصير تفكيرك أناني)
وبعدين الرجال لادفع كثير يبي يشوف منك الكثير وإذامالقى منك اللي يرضي خسايره بيكرهك ،ولاتقولين ليش ينظرلي بنظره ماديه لان هذي طبيعة النفس البشريه تحب تاخذ قد ماتعطي ولا بعدين بيقول ياخسارة فلوسي بس
ولاتنسين هذا زوج المستقبل يعني لو بهذلتيه بالمهر بتجلسين على الحديده بعد الزواج لين مايخلص أقساط مهرك