شاركي في النقاش

سجلي الدخول لإضافة تعليق.

التعليقات

31

  1. @asghr_tbakhh

    احنا
    نحط قهوه وتمر وسمبوسه ولقيمات وفطاير ونوع حلا
    واذا صلينا المغرب الي يبي يرجع ياكل يرجع او يشرب شوربه

    لكن عالساعه 10 او11 نحط العشا ويكون وجبه دسمه
    وبس مانتسحر

  2. @riyadhbest

    مــرام
    احنا عندنا سفرة وحده نحطها قبل الاذان وتشمل اصناف كثيرة منها الشوربه والسنبوسه وفطاير وسلطه وغيرة نفطر ع السريع ونقوم نصلي وبعدين نرجع نكمل بعد مانخلص الافطار نشيل السفرة ونجيب القهوة والشاي
    احنا فطور واحد على السفره مره واحده .. علشان نريح الشغالات و يفطرون و يصلون .. بس نفطر على دفعتين كل واحد على هواه...

    شخصياً اكون محضره شئ حار مثل شاهي زعتر او شاهي شمر او يانسون و اشربه مع تمره واحده لان معدتي ما تتحمل التمر... و اروح اصلي بعدين ارجع افطر فيكون اكلي خفيف

    اهلي زي ما قلت كل واحد و شهوته اللي يحب يثقل و اللي يحب ياكل تمره و قهوه و بعدين يرجع



    بس بنات لحظه وين الفول الظاهر احنا الوحيدين اللي نحط فول .. اجل ذا الزحمات على محلات التميس قبل المغرب مين اللي مسويها ؟؟؟؟؟

    عادة الفول او الحمص او العدس او الحمص بالقاورمه + شوربه هم الاساس على سفرتنا.. و معاها نحط صنف واحد من كل مجموعه :

    * نحط فطائر جبنه بيضاء على شكل قوارب او نعمل فطائر مثل اللي عند الكبابجي نشكل في حشواتها جبن زعتر بيتزا .. احياناً نسوي فطائر بالدقيق الاسمر نحشيها جبنه عكاوي او خضار .. ممكن ايام نحط سبرينغ رول .. ممكن نجيب سفيحه لحم لان احنا ما نعرف نضبطها .. فيه نوع سمبوسه اساسي و هو سمبوسه محشيه جبنه كرافت الازرق مبشوره + طماطم ، و نقليها

    * اللحوم كفته لحم بالصلصه الحمراء او البيضاء .. او كباب لحم و دجاج .. سمك او ربيان مقلي او بالصلصه ... او دجاج بروستد ... او ريش لحم.. احياناً نكتفي باللحم اللي في الشوربه خاصه إذا كانت شوربه حاشي ...

    * سلطه فتوش .. او سلطة مكرونه .. او سلطة كسكسي ..

    يوم الجمعه ممكن يكون فيه صينيه مكرونه او كبسه او شئ زي كذا علشان اجتماع اخواني و اولادهم معظمهم شباب يحبون الاكل الثقيل ...


    بعد التراويح نحط الحلى مع الشاهي و هو واحد من ثلاثه اما كنافه او كنافه كذابه او زنود الست و كريم كراميل بالفرن بالاضافه لصحن فواكه

  3. @g_ord_ory

    نحن فطور واااااااحد

    وكمون من والى ههههههههههههههههههه

    شوربه سمبوسه فطاير سلطه نوعين او نوع رز ولحم او دجاج وعندنا الكبار جدتي وشلتها ايام يطلبون سمك<<<<< صدمه ههههه وكل وحده تتفنن فالاكل والطبخات لانه نحن كلنا نتجمع في بيت واااحد الله يجمعنا فالجنه
    فكل وحده عليها طبق يكون اكله جديده وانا اتفنن بالحلى<<<<< ياكلونه الصغار قبل لانفطرخخخخخخخخخخخ

    لاتنسين اللقيمات وفيمتو وتنج واحيانا يسون قمر الدين وتمر هندي وكركديه بارد

    بس نحن ناكل على السريع كسر صيام وبعدين يستوي الاكل بحمااااااس بعد الصلاه

    الواحد مافيه حييييل لفطورين احس هلااااك

  4. @hdoaaamrah

    انا وزوجي نفطر الفطور الاول مع اهله ويكون تمر وقهوه ودخن ولقيمات بالجبن او العاديه وسنبوسه جبن ولحم او دجاج ونوع حلى

    وفيمتو او سنكويك وبعد المغرب ما ناكل فطوري الثاني بعد التراويح ويكون شوربه ومعاها نوع من المعكرونه وفطاير وخليه نحل ومافيه سحور يكون خفيف او مويه بس

    الله يبلغنا رمضان وهو راضا عنا

  5. @alktry

    احنا يكون هريس عيش وثريد والعصاير وغالبا الفميتو وبعدالصلاه انحلي مع القهوه حلا او نشرب شاي مع الفطاير
    وعندنا كباب وخنفروش ولقيمات

تابعي تجارب أخرى من هذا القسم.