شاركي في النقاش

سجلي الدخول لإضافة تعليق.

التعليقات

21
  1. @am_alhton_1

    حبيبتي..

    ولدج توه صغير فديته ... بس ممكن تضبطين الوضع شوي شوي .. وانا عندي قناعة ان الام تقدر تعود ولدها على اي شي هي تباه .. بس أهم شي العزيمة والارادة ... وعدم الدلع :)


    اول شي حاجة الأطفال تختلف ... يعني في طفل تكفيه الـ 60 مل .. وفي طفل ما يشبع الا بـ 80 مل ... عشان جذي مب صحيح ان احنا نعتمد على عمر الطفل في تحديد كمية الحليب.

    الكمية يحددها الوزن مب العمر.

    احسبي: 150 مل لكل كيلو من وزن الطفل.

    يعني مثلاً لو وزنه 4 كيلو بتكون الكمية: 150 × 4 = 600 مل

    بمعنى 600 مل موزعة على وجبات اليوم كله .. فإذا كنا بنعطيه وجبة حليب كل ساعتين فهذا معناه حوالي 70 أو 75مل في كل وجبة.

    وبالنسبة لولدج فالحين المفروض فعلا ياخذ وجبته كل ساعتين .. بس انتظري لين يخلص شهر أو شهر ونص وخليها ثلاث ساعات بين الوجبات .. وكل ما كبر شوي زيدي الفترات الفاصلة بين الوجبات.

    وانا عن نفسي كنت اطبق هالطريقة والحمدلله وايد كانت نافعة مع ولدي وتعود عليها لدرجة انه ما كان يصيح الا قرب موعد الرضعة .. وكانت الوجبات موزعة بداية من الساعة ست أو ست ونص الصبح لحد الساعة تسع المسا تقريباً .. وفي الليل ابدا ابدا ما كنت اعطيه حليب .. بس ينسون ... ومن وقت ما صار عمره تقريباً شهرين ونص او ثلاث شهور ما صار يقوم في الليل ابد وصار ينام بشكل متواصل لين الصبح تبارك الله.

    والأهم انه ما كان يعاني من الغازات ولله الحمد.
  2. @queennight

    ياحليلك ايش تقولي عني

    بنتي انواع الخربطة

    مره ترضع كل ساعه وفجأه تمدها 4 ساعات وبعدين ترجع ساعتين وترجع بعد ساعه ومره نص ساعه

    حاولت اجبرها ترضع فترة طويله تستفرغ ماتقدر

    جنيت بسببها والله العظيم اليومين اللي راحت نزلت السوق اجيب اغراض المدارس واقضي للبيت اضطريت اني اقعد في السوبرماركت جنب كراتين الموية ارضعها

    وفي محلات الملابس ادخل غرفة القياس ارضعها

    الاطفال يختلفوا عن بعض مو كلهم منتظمين
  3. صاحبة الموضوع
    اشكركم خواتي على الرد

    يمكن لاني بكريه حاسه انها ازمه كل ساعتين الرضاعه لانه مايمدي انام ولا ارتاح فيها
    وتعرفون كيف الرضاعه مع تتريع تاخذ وقت مع تغيير الحفاظ
    ولله صرت ماخذ حاجتي بنووم وتعبت حيل يادوب انام ثلاث ساعات متقطعه باليوووم

    لله يعين هذي ضريبة الامووومه بس اتمنى الجاي مايكون اصعب من هالفتره

تابعي تجارب أخرى من هذا القسم.