بنتي نوره تبدل ملابسها اكثر من مره في اليوم وش الحل

بنتي نوره .. عمرها سنتين وثمان شهور
الله يهديها ويصلحها
مهبلتبي اذا جيت البسها ملابسها
تبي تلبس على كيفها وتصيح اذا ما لبستها الي تبي
وتبدل ملابسها اكثر من مره في اليوم
الظهر والعصر والمغرب والعشاء وقبل النوم بدون مبالغه

واذا جت تنوم ماتبي تلبس بيجامه تلبس لبس شيك
وما سكه معها هاليومين ماتبي تلبس إلا مايوه سباحه واذا غيرته تصيح
واذا شافت احد بيدخل دوره المياه .. اعزكم الله .. علطول تفصخ ملابسها
وتقول (ابي اتووس) يعني اتروش او اتسبح

احاول اقنعها بالتي هي احسن واخيرها بين بعض الملابس
بس تلبس الي في هواها وتحاول تفرض شخصيتها علي
وش رايكم ولا تبخلو على بآرائكم
الله يوفقكم ويخلي لكم عيالكم

22 تعليق 5,966 مشاهدة

شاركي في النقاش

سجلي الدخول لإضافة تعليق.

التعليقات

21
  1. @aatralkady

    يااعمري عليها الله يخليها لك ذكرتني ببنتي الله يخليها لي كاانت كذا مبهذلتني اذا كنا في البيت مااعلي منها تلبس اللي تبي ترقيعات بس شوفي العناد لاجينا نطلع مكاان بالصياح والهواش لين البسها نتساعد انا وابوها عليها والحين اسم الله عليها مره رايحه ثالث متوسط حتى ابوها يذكرها بسوالفها تموت ضحك بس صادقه اللي قالت لك بتطلع كشخه البنت ذوقها باللبس روووعه الله يصلحهم ويستر عليهم ويرزقنا برهم
  2. @sbakh_1

    خليها تصيخ لين يطيح اللي براسه
    انا ماحب دلع البزران
    ماحب اخليهم على هواهم

    انا بناتي كاااااااااااانوا كذا

    بس عطيتهن ركبه وطنااااااااااش يصيحن لين يسكتن وتركن العاده
    فاضيه لهن بس لبس طول اليوم
  3. @mysomy

    ههههههههههههههههههههههههههههههه
    ذكرتيني ببنتي كانت مثل بنتك وكانت تنام بالعبايه واحيانا بالمايوه وكانت تلبس تنوره على بنطلون واحيانا تلبس قميص على البيجاما وتنام فيها ومخليتها على راحتها لين عدت هالمرحله لان الاطفال يمرون سبحان الله بنفس المراحل عمريبنتي الحين اربع سنوات وثمان شهور وطايحه الحين تلبس جزمه كعب وعبايه وتلف الطرحه وتجلس فيها طول اليوم وسعي صدرك مو بالبيت

تابعي تجارب أخرى من هذا القسم.