الفرق بين فرد اليوكو..والكيراتين..!!!مهم جدا للي يبي الأزين..!!!

سبحان الله وبحمدة سبحان الله العظيم

بنـات أنـا مسـوي فـرد الكِراتيــن لي اليوم الثـانـي تقريبـاً وللحيـن ما تروشـت، لمـا خلصـت فاردتـه كنـت عجلـه فنشفـت الكوافيـرة شعـري بالمشغـل من دون إستشـوار..شكـل شعـري حلـو حتـى ملمسـه وكـأنـه طبيعـي، الي أشوفه إن أطراف شعـري مو شاقصـة وكـأنـي مستشورة شعـري..
بس صرااحـة ردودكـم خوفتنـي من أن شعري يتسـاقط، فاللي عاملـه فرد الكرااتيـن وصار لهـا مـده، هـل لـه أضرار جانبيــة؟!
وشكــراً :26:

هلا بنات حبيت أفيدكم بتجربتي
أنا مسويه يوكو ثلاث مرات

الأولى طلع يهبل جناااااااااااااااااااااااااااااااااااااااااااان بغيت أصيح وللعلم شعري متوسط جاف شوي من الصبغات بس مش خشن وظل الفرد وشعري حلو وما تساقط لحد ما نبتت جذور الشعر الجديده

المره الثانيه رحت سويته بس خبرتني الخبيره أنه لازم أسويه لكل الشعر
سويته بس النتيجه كانت شعر مفرود بس فقد لمعته و صار يتساقط

المره الثالثه سويته في حفله ملكتي عشان التسريحه تضبط والمفاجأه ان شعري ما تساقط لا


شعري تفتت:icon33: يعني صار لي غره في نص راسي الشعر تفتت وصار في شعرات صغيره وسط راسي واقفه وهذا قبل عرسي والحين مرت سبع شهور و توهها الشعرات طولت بس شعري لا زال يتساقط و معدوم

للعلم أنا صبغت شعري كذا مره
خواتي اثنين و بنت أختي مراهقه سوو كذا مره وشعرهم تساقط و النتيجه الحلوه و اللمعان ما بانت
وبنت أختي سوته مره واحده وشعرها تفتت من قدام بالرغم من أنها سوت فرد كيميائي قبل وشعرها ما تأثر به وللعلم هي شعرها خشن


لاااااااااااااااااااااااا والخبر الأسوأ أن شعري النامي الجديد صار وااااجد أخشن و جاف أنا و خواتي واللحين مو قادره أفرده ولا أخليه لأنه تعبني:44:

السلاااااااااااااااام
انا بنقلكم تجربتي عن الفرد بالتفصيل وانتوا احكموا بانفسكم
اول مرررررررررررررره فردت شعري قبل 5سنين في مشغل الكاكي بالرياض ب1700ريال كامل ونوعية شعري كثييير وشعرته متينه
مره واجعدلكن موخشن شعرته لينه وناعمه لكن كثافته تخليه كانه خشن..لاني دايما قبل الفرد كنت اذا سشورته محد يصدق انه اجعدابد...المهم وعاااادي صبغته خصل متينه ثلجي ولا اثرفيه الا بعد 3شهور تقريبا بشكل بسيط وطبيعي. وصرت افرد الجذور
تقريبا كل 5-7شهور طبعا بسعر اقل 500ريال لاني زبونه.. طوال الاربع السنين وانا افرد عندهم مرتاحه معهم افرد واصبغ بنفس الوقت
ولا احلى .....لكن الطمع دائما يخرب عالوحده سمعت عن مشغل كان وفرد البروتين واقالي ذهينه قلت ما راح اجرب لين اشوف شغلهم بنفسي.وفعلا اختي جربته وسوته تقريبا ب2600وكان شعرها تحت اكتافها بشوي.. عجبني وقررت اني اسوي عندهم
وكان هذا اخر رمضان السنه الي فاتت.. رحت من الساعه 7 المغرب ماخلصت الا 12ليلا بغيت اموت من الزهق.
كان شعري فيه باقي الفرد الي قبل وقالوا لي عادي وكان طوله تحت اكتافي بشبرتقريبا وفالوا نسويه ب3الاف وانا وياهم لين صار 2500
وتخيلوا كل هذا الوقت وثنتين الي سووه لي قسموا شعري قسمين يمين ويسار والي سوت جهت اليمين هذي احسن فلبينيه تسوي هذا الفرد واخذه درع لخبرتها فيه في جميع فروع مشاغل كان الي صاحبتها بنت حجاب بن نحيت واكيد الكل يعرفه.
والي سوت الجهه اليسار اسمها (دوللي) وفيه وحده ذكرت اسمها بهالموضوع.. المهم زينوه يوم خلصت سألتهم متى اصبغ قالوا لازم اذا صبغه عاديه كامله لازم تستنين اسبوعين واذا خصل لازم اكثريعني تقريبا شهر عشان ما يتعب...
المهم قعدت3شهووووور مستانسه من النعومه لكن شوي شوي وبديت الاحظ تساقط شعري بشكل موطبيعي لين صارفيه زي الخصل العريضه قصيره وتضحك والي لاحظته واستغربته ان الي تقطع وتقضف كان بس الجهه الي سوتها دوللي وتخيلوا الحين صار لي تقريبا 11شهر وشعري حوسه خصله من قدام عريضه قصيره ماتوصل حواجبي وبعدين خصله ثانيه اعرض منها من ورا وبرضو بنفس الجهه...ومن فتره طويييله وانا اهتم بشعري واستخدم زيوت عشان يطول قبل اولد ودي افرده عند مشغلي الاول(قديمك نديمك) واصبغه اذا طلعت من النفاس على خير...وبس هذي هي قصتي بالضبط بدون زياده ولانقصان والله على ما اقول شهيد
ولا ادري العيب في شعري ولا بشغل الكوفيره... ولا تنسون الجهه الثانيه ما تقطعت ابد ولا تقصفت.
وشكرا