شاركي في النقاش

سجلي الدخول لإضافة تعليق.

التعليقات

19
  1. @alyasmyn_10

    صاحبة الموضوع

    مراحب وصباحكم ومساكم فل وجوري

    هذا مخطط الشقه اللي كبر عين النمله بس لا تضحكون :07: ماصار في عذر للي ما تشاركنا برايها
    وازيد من الطين بله اقصد من الشقه عيوب ان الشمس ما تدخلها ابد يعني الاناره نشغلها ليل نهار

    اللي باللون الوردي نوافذ طبعا العيال في الغرفه الكبيره 4*6
    س1/ووين نحط قواطع جبسيه في الغرفه عشان تصير خصوصيه للبنت والولدين؟ وكيف اوزع الاثاث بدون ما تصير زحمه ؟
    وماخاب من استشاركم وعلى كلام الأخت مداد صعبه لولدت اجلس في الشقه قررت اروح بيت اهلي
    بس ما راح ابقى لنهايه الاربعين عشرين يوم كفايه وبالخصوص ان المدارس بتفتح
    وبصراحه استفدت من كل كلمه كتبتوها وراح اطمع منكم تكملون معي للاخير:23: (عندي اقل من شهرين قبل ما اولد)

    *يعجبني الاثاث الكلاسيك عشان كذا كنب الصاله اللي هي غرفة المعيشه صاير كبير وماخذ مساحه
    قررت اعطيه الجمعيه واجيب كنب مودرن وشرايكم؟ وكذلك طاوله الاكل ماخذه مساحه كبيره من المطبخ ,وش رايكم اتخلص منها؟
    س2/ بنتي عاجبها غرف النوم المودرن ,ياهل ترى ينفع افصل ولا اخذ شي جاهز؟وكم قطعه
    يعني سرير ,دولاب ( ايش الحجم المناسب بابين او ثلاثه),مكتبه ,صندوق العاب ,رفوف ,شماعه ,تسريحه ,مكتب,طاولة اشغال ايش القطع الاساسيه وايش اللي استغني عنه؟ والاولاد سرير دورين اخذه خشب ولا حديد ؟؟؟ ودمتم لي عوده للاستناره بمشورتكم,وما قصرتوا
  2. @hylahob_mkhsr

    الغرفة ماشاء الله كبيرة افصليها مثل ماقالواا البنات

    وغرفة البنت حطي دولاب ثلاثة ابواب وسرير يكون كبير ويكفيها لي قدام مو كل يوم بتشترون غرفة جديدة

    وتسريحة يكون فيها جرارات كثيرة وبس وفي تسريحات تكون هي تسريحة وهي مكتب بنفس الوقت

    وسواء تفصيل او جاهز نفس الشي
  3. @alhb_alaamyk

    اقسمي الغرفه قسمين قسم صغير للبنوته حتى تحس بالخصوصيه وافنحي لها باب على الموزع و تقدرين تخلي البيبي عندها بعدين والقسم الثاني للاولاد وشوفي افكار الغرف في مجلة ايكيا وحتى بالنت افكار روعه وبالتوفيق
  4. @sg_1


    أنا اجتهدت لك بس عندي تساؤل : وين موقع المكيفات ؟؟
    والمساحة 3×1 هذي أيش ؟؟ ممكن تدخلينها في الغرفة وتستفيدين منها ؟؟؟؟

    عموما هذا المخطط
    مع توزيع الأثاث



    االحاجز الأخضر بالجبس بورد
    المنطقة الداخلية للبنت

    البرتقالي ======= السرير
    الأزرق ======== ادولاب
    الزيتي بالزاوية ======== فصلي لها مكتبة وفي نفس الوقت فيها مراية يعني تسريحة ومكتب 2×1

    اللون البنفسجي ========= سرير دورين للأولاد

    اللون الأزرق الغامق ======== دولاب للولدين أكبر من دولاب البنت

    اللون الأصفر =========مكتب كبير لهم


    ولاتزحمين نفسك بالأثاث اللي ماله داعي علشان مايصغر عليك الغرفة
    وعليك بالتفصيل أحسن لحالتك


    وبالتوفيق
  5. @alyasmyn_10

    صاحبة الموضوع
    هيلاهوب مخصر
    الغرفة ماشاء الله كبيرة افصليها مثل ماقالواا البنات وغرفة البنت حطي دولاب ثلاثة ابواب وسرير يكون كبير ويكفيها لي قدام مو كل يوم بتشترون غرفة جديدة وتسريحة يكون فيها جرارات كثيرة وبس وفي تسريحات تكون هي تسريحة وهي مكتب بنفس الوقت …
    مشكور ة يالغلا(هيلا هوب مخصر )اسمك حركات
    ورايك أستفيد منه وان شاء الله انفذه
    بس كيف يكون موديل التسريحه والمكتب مع بعض (ماعلي شرهه ما صايره افهم بسرعه)
    اذا امكن وما عليك كلافه تفهميني واذا صوره افضل

تابعي تجارب أخرى من هذا القسم.