مواقف محرجه000مضحكه000 حزينه 000مع طالباتك تعاااالي)))

اما الحين فكبرت وصرت معلمه خخخخخخخخخ
وحده من طالباتي قاعده امزح معها واسولف عليها وقلت لها من السوليف الله يعين امك عليك ...البنت بعدها نزلت راسها.. انا بحركه عفويه رفعت راسها... وش اشووف دمووووووووووووع ..لا حرام وش سويت انا ؟؟؟
سميت عليها ومسكت ايدها وجلستها عندي وسألتها لايصير قلت شي يضايقك خلاص ياقلبي ماصارشي ... واعطيتها مويه وكل اللي عندي بالاخير بعد ماهدت البنت شوي سألتها عن السبب عرفت ان امها تعبانه وبتسوي عمليه


بعد مده تقريبا بنهايه السنه سوينا حفل صغير وجت البنت من بعيييد عندي وجارة امها وقالتلي والله العضيم ان امي جايه عشانك
وعقبها يابنات ماتشوفون وش كثر فرحتي الحمد لله سوت العمليه وانجحت

مواقف حلوه

هههههههههههههههه
والله فله مواقفكم خطيرررره

طبعا انا توي طالبه وان شاء الله بعد 4 سنوات اصير مدرسه >>>هع هع
لما كنت بثاني ثانوي كنت فالته اهج من الحصص من كثر الضغط اللي علينا
مدرسه ورا مدرسه شئ يصدع الراس
المهم مره وزي كل مره اتفقت انا وصديقتي بنهج بحصة التاريخ لان دروسه ثيلة دم>>>ماتحب التاريخ

المهم هجينا ولا احد درا عننا ولما خلصت الحصه وبعد خمس دقايق جيت انا وصديقتي بنرجع الفصل بناخذ
اغراضنا لان الدوام خلص يعني مو لشئ ثاني
ولما جينا بندخل الا مدرسة التاريخ توه طالعه من الفصل
دورو وجيهنا ماتلقونه تفشلـــــــــــــــــــــــــــنا وجهي صار ألواااان من كثر الفشيله
بس الحمد لله هاوشت شوي وعصبة علينا وعدة السالفه على خير ^_*
واذا تذكرت موقف ثاني بكتبه ..........

انا مرة دخلت على أحد الصفوف احتياط واضطريت لسبب أني أترك الصف لمدة 10دقايق...وقفت عليهم عريفة خلال هالفترة ...ويوم رجعت للفصل...عطتني البنت ورقة كتبت فيها أسماء المشاغبات( كالعادة ..حتى لو ما أحد شاغب كتبوا أسماء اللي يتنفسون..هقوتي ) لأنه يعبر عن مدى قوة العريفة في نظرهم ...المهم فيه كلمة يكتبونها بعد الاسم تدل على كثرة المشاغبة..وهي ( مكرر ) ما أدري قد مرت عليكم هالكلمة يا مدرسات ولا ...لا ...عاد أنا بكل حماسه وقوة شخصية... الله لايوريكم....أخذت الورقه من البنت وقرأت الأسماء ......أمل مكرر...ريم مكرر...هنادي مكرر....وقفوا البنات ...أول سؤال سألتهم ....أنتوا خوات ؟؟؟؟؟....أفكر مكرر اسم أبوهم ...شوي الا والبنات فاقعين من الضحك ..وأنا بكل عنطزه....خير إن شاء الله ...ليش الضحك؟؟؟ شرحوا لي معناها ....من الإحراج صرت ما أمر من سيبهم ...إلا للضرورة القصوى :hahaha::hahaha::hahaha:

;)