فضفضة واستشارة .. الله يرضى عليكم ادخلوا ..

7 أغسطس 2008

بنات حواء ..
كيفكم *****الله طيبين ..

راح ادخل على طول ..

بنات انا احس ربي غاضب عليا .. أو ربي ما يحبني ..
العلم عند الله وحده .. عند رب العالمين جل وعلا ..

لكن انا كيف عرفت ؟؟

تخيلوا يابنات انا كنت عند اهلي زي الخدامة اسوي لأمي كل شغل البيت وكانت دايما تسبني واحسها تكرهني .. بالرغم اني مني مقصرة وكانت اختي الصغيرة تجي المطبخ وانا باغسل النحاس وتقولي ياخدامة .. ولمن ازعل واقول لأمي تقولي عادي مامتي .. متي يعني ..

وكنت محروووووووووووومة من الحنان .. وعوضني هالحنان ولد عمتي ( انا عارفة انها سكة غلط ) بس والله كنت مراهقة ومن انا طفلة وانا محرومة من الحنان .. وهو اللي عوضني ( والله ماسار بيننا شئ مخل بالاداب )

المهم حبيتو من كل قلبي وهو كمان حبني وتزوجنا وبعد الزواج انقلب الحال مرة يحبني ومرة لأ ..

اصلا تخيلوا انا بكرية ابويا .. وعماتي كلهم يحبون ابويا مررررررررررررررة .. يعني المفروض كلهم يفرحون .. لكن صار العكس وكلهم كانوا حاقدين ومقهورين ولا احد ما فرحلي ..

وتخيلوا امس عرفت ان اختي انخطبت وسارت شوفتها واهلي داسين عني .. ليه انا بنت الخدامة ..
والله اني مقهووووووووة ..

امي كانت دايم تدعي علي وتقول ..( الله يحرق دمك ليل ونهار ) وتحقق اللي تبغاه .. لان حياتي مع زوجي اغلبها حرق دم ..

وفيه بعضكم عارفين بقصتي اللي هي زواج زوجي علي وجيبته لمرته في بيتي وانا غايبة ..

بنات احس ربي غاضب علي .. لان انا اللي كنت راضية لامي ربي رزقني بزوج ما يقدر ولا اهله ما يقدروووووووووووني مررررررررة ولا كني مرت اخوهم ..

وانا اعرف ان من علامات حب الله عزوجل للعبد ان يكون هالعبد مبتلى .. وانا قلت يمكن ربي يبتليني لأن ربي يحبني ..
بس كمان اعرف ان من علامات حب الله للعبد انه يحبب عباده في ها العبد ..

وانا يابنات محد يحبني .. مالي صديقات في الوسط العائلي .. لا من جهة عماتي ولا من جهة خالاتي ..
احس البنات كلهم مع بعض وان كني غريبة عنهم ..
حتى بنات خالي اللي اتربيت معاهم وكنت اعتبرهم مثل اخواتي .. اكتشفت انهم يقعدوا معاي عشان يسمعو اخباري وحكاياتي مع زوجي ومرته الثانية ..

ماانكر ان عندي صديقات .. واحبهم ويحبوني .. لكن ما اشوفهم كثير .. زوجي ما يرضى ..

بنات احس نظرة الناس ليا وحدة .. والله اعرفها النظرة .. ماادري ليش .. كل الناس ينظرولي بنظرة وحدة .. يعني اللي يعرفوني اقول يمكن صدر مني شئ .. مع اني عارفة نفسي .. بس اللي من برة اي وحدة .. مثلا مدرستي في المعهد كمان نظرتهالي نفس الشئ .. ليش طيب ؟؟ اكيد فيا شئ .. بس مني عارفة ايش .. احاول ابتسم في وجه الجميع بلا فائدة .. محد يحبني يابنات ..محد ..

تخيلوا حتى عند امي ما اقدر اروح كثير لأن اخوي الصغير يتضارب مع اولادي وامي تزعل .. ما تبغة احد يلمسه .. هو يضرب اولادي وبنتي .. لكن لا حد يجي جمبه ..

بنات انا عندي كل شئ .. فلوس وملابس ماركات وشغالة ولاب توب افضل نوع .. وووووو ..

لكن مفتقدة الحنان والاحتواء ..

ايش اسوي ياربي .. يعلم الله اني فرحت لاختي على خطوبتها ..ولا حسدتها والله يهنيها ..

لكن تخيلوا يابنات انا زوجي مو ذاك الزود في الدين ولا يقدر اهلي ولا يزورهم ولسانه طويل ولا يقدرني ..
بس يشتريلي كل شئ ابغاه ..

واختي ما شاء الله خطيبها مؤؤؤؤؤؤدب بكل ماللكلمة من معنى وملتزم ولسانه حلو .. واهله ناس طيبين مررررررة ويعرفو الاصول ..

اللهم لا اعتراض .. بس من جد لو وحدة بمكاني ما كانت راح تفكر كده ..
وانا اللي كنت زي الخدامة عند امي وحظي كذا واختي والله ماتشيل ملعقة الا بكيفها وبمزاجها .. وحظها كذا .. ياربي لا تعاقبني اكثر اني انظر للآخرين .. ياربي سامحني وتب عليا ..

بنات انا حبيت افضفض بس ..
وارجو اللي عندها معلومة عن محبة الله للعبد من عدمها ترد علي ..
معليش طولت عليكم ..

فضفضة واستشارة .. الله يرضى عليكم ادخلوا ..

التعليقات

مجرد فضفضة الشكوى لله

اقصر قصة حزينه بالعالم..فضفضه

عندي فضفضه قصيره

اعتبرها فضفضه ولو اني

فضفضة