بنات الجامعه + الكليه .. وش اشتري للجامعه تعالوا إنصحووني .................

8 أغسطس 2008

اجل انتي اللي كنت برسلها رساله وانشغلت ؟؟؟
اعذريني حبيبتي والله انشغلت ..
بقولك كل شي هنا ..

البنات سهل مرره تتعرفين ,بس لاتصيرين ساكته ,تكلمي وناقشيهم ,الناس تخاف من الشخص الساكت ,يحسونه مايبيهم ..

خليك بسيطه مررررره ..
يعني مع احترامي حتى لو كنتي غنيه واللي حولك على قدهم ,انسي الفروق الطبقيه عشان تعيشين معهم..
يعني في يوم مثلاً قولي بنات انا بجيب لكم القهوه ..
وجيبي قهوه وعلبة شوكولاته بسيطه ..
وجمعيهم في البريك وسولفي معهم بكل بساطه..
سوالف جداً عاديه ..مو رحنا وجينا وشرينا >>البنات مايحبون اللي كذا ..
احكو عن البشره عن الدراسه, عن ..... كل اللي تبين ,بس ابعدي عن سالفة شرينا بـكذا وحطينابـكذا.
وعندنا كذا ..
وفهمت من ردود البنات انك متزوجه ..
لاتتكلمين معهم عن زوجك ابداً لأسباب كثيره ..
ولاتتكلفين باللبس والمكياج ..
من رايي تنورتين وثلاث اربع بلايز وشنطه وجزمه>>تكرمون..
وخلاص كفايه ..
بس وانتي تشترين شنطه خذي اكبر حجم في السوق ..عشان تضف كل امورك وماتمسكين شي بيدك..ويفضل تكون لون محايد..
وقبل تطلعين الصبح شيكي على الشنطه والأشياء اللي تحسين انك مو بحاجتها طلعيها ,اعرف وحده جاها شد في كتفها بسبة الشنطه الثقيله ..

الحقيقه البنات ماقصرو بس فيه شي مهم مره لازم تنتبهين له ..
من تجربه اقولك ,خذيلك ملابس داخليه قطنيه عشان لايجيك حساسيه ..
تمشين بالحر ومع العرق بملابس مو قطن >>حساسيه على طول ..
وبجونا اللي يهبل انصحك بمزيل عرق خيالي اقولها لك من تجربه بعد ..
وايت مسك من بدي شوب بـ40 ريال الظاهر بس عجيييييب ..
مممممممم وش بعد ؟؟؟؟؟؟
ايه ..
مو كل وحده تبتسم بوجهك تعطينها كل دفاترك وكتبك ..
ترى فيه ناس ماتستحي ممكن تاخذ دفترك ولاترجعه ..
لاتعطين اغراضك الا بنات انتي واثقه فيهم ..
واذا جيتي بتتوضين مثلاً او تروحين دورة المياه لاتخلين اغراضك براا عشان ماتنسرق ..
خلي وحده من صديقاتك تمسكها لك او دخليها معك ..
وحده اعرفها انسرق جوالها مره ..
وواحد انسرق كتابه في الجامعه >>>قريتها مره..
ولاتاخذين معك فلوس كثيره في الشنطه ..
خمسين ريال تقريباً كافيه فطور وتصوير لو احتجتي ..
وحتى لو انسرقت ماتنقهرين بعد..
وانصحك,لا تغيبن الا للشديد القوي مرض او ظرف طارئ لاسمح الله ..
بقولك ليه ,,
الغياب عندنا ياطويلة العمر ثلاث مرات وان زادت حرمان ,يعني ماتدخلين الإختبار وتحملين الماده..
فلنفرض انك استنفذتي كل غيابك ..

مره وحده جايبه كيك وبنروح نتقهوى, ومره فلانه بتتزوج ومسوين حفله, ومره مواصله طول الليل ولالك نفس تروحين ..
ولاسمح الله مرضتي والا انك ماعندك غياب ..
راعي هالنقطه اهم شي ..
وحطي مصلحتك بين عيونك ماعليك من الناس ..
واحرصي على الصف الأول وخلي الإستاذه تحفظ اسمك من اول مره ..
ولاتوسوسين انا واثقه انك بتصاحبين بنات من اول يوم ان شاالله..
والله يوفقك ..
اذا استفدتي من كلامي ادعيلي اتوظف ..

بنات الجامعه + الكليه .. وش اشتري للجامعه تعالوا إنصحووني .................

التعليقات

تجمع بنات الجامعه تعاااالوا هنا خااااص باالازياء والموضة

بنآآت الجآآمعهـ 2012 ... تعآلو حيآآكم .. نفيد ونستفيد ..

بناات الجامعة وين يبيعوا افخم تنانير الجنز؟

كل ماتحتاجينه لعام الدراس الجديد(بنات الجامعة)

بنات الجامعه ممكن مسسساعده