حفله زوجيه يامبدعات

السلام وعليكم ورحمة الله وبركاته
كيفكم حبوبات
بعلولي وبحمد الله انتهى من الماجستير
وحابه اعمل له حفله بها المناسبه
خصوصا من زمان عن الهديه والحركات الحلوة
وعندي كم شغله ابغى رايكم فيها
1-لازم اعمل الحفله قريب بعدها مسافرة من الرياض الى مناطق ثانيه
2- ابغى الحفله بالرياض عشان احجز الفندق اللي تزوجنا فيه
3-من ضمن عرض الفندق كيكه وورد وسلة فواكه وافطار مجاني ويعملون تزيين للغرفه مجانا ( طبعا ماادري هل الفنادق الثانيه مثل هذي)
4- ناويه على فندق الفهد كراون وش رايكم فيه افضل من المملكه والفيصليه
5- راح اهديه جوال ان 95 المطور لان جواله رااااااايح فيها قديم مرة
6-لازم اشتري فستان ناعم وقصير واخاطري اسوي كيرلي او بف مع مكياج ناعم
مع انه اختي تقول قصي واصبغي افضل وسشوريه لان بعد التسريحه وه الحركات راح تغسلينه بعد سويعات:35:
مرة خاطري بالكيرلي ولا بعد ناويه على مشغل ( ابولو) شفت وحده من قرايبي مسويه فيه بس يجنن حتى مكياجهم روعه ناعم والكيرلي مضبوط بس السعر غالي
600 تسريحه ومكياج
7- التكلفه غاليه بتطلع بس لاني لي فترة طويله ماغيرت باللوك تبعي ولا اهديته
فحابه اسوي مفاجئه حلوة


الاقتراح الثاني
اعمل شسوار ومكياج ناعم
واعزمه على مطعم بوفيه واقدم له الهديه

اقل تكلفه بتطلع

محتارة مرة

وابو الشباب يستاهل

عطوني افكاركم ياحلوات واعرفكم راعيات ذوق وخبرة بها لاشياء

41 تعليق 3,089 مشاهدة

شاركي في النقاش

سجلي الدخول لإضافة تعليق.

التعليقات

40
  1. @almtrdymh

    اذا قادره ياختي على المصاريف الله يقويك وش وراكم انبسطي وابسطي زوجك معاك
    التسريحه شوفي اللي من زمان ماسويتيها يعني تغيير
    اما الفهد كراون خيااااال خاصه الفلل وجوها رومانسي بقوه.. وصاده عن الازعاج..آه ذكرتيني بأيامي هناك...
  2. إذا كانت ميزانيتك تسمح فالخيار الأول أفضل خاصة إذا كان أبو الشباب من النوع اللي يقدر

    والله يهنيكم
  3. @lmara_1

    ما شاء الله الله يكفيكم شر العين

    من رائيي أنك تصبغي شعرك وتشورينه لأن الرجال يحبو الشعر الناعم غير المجعد والكيرلي (أحسه بيشوفك خفيفه وتقلدي الفنانات)وممكن يطلب منك ترقصي له تخيلي شكلك بترقصي بكيرلي الناعم والمسشور فرق
    ولك الحريه هذا رأي
    وغير يفيدوك البنات
    والف مبروك تخرج زوجك
  4. @hby_lamy

    ماشاء الله الف مبروكـ ياقمر وعقبال الدكنوراهـ
    أكيدخيار الفندق احلى باكثير من مطعم بس اذا ماديتك تساعدك
    وبالنسبه للمكياج حلو تسوين ناعم اما الكيرلي انا اتوقع الرجال يحبون الشعر ناعم منسدل خخخخخ وحلو تصبغينه قبل بيكون تغيربقوه
    والله يهنيكم يارب

تابعي تجارب أخرى من هذا القسم.