بنات... تعالوا نثبت انه مافي شي اسمه صداقه في الزمن دا؟؟

شوفي حبيبتي انا كانت لي صديقه اعزها وامووووت فيها والله صداقتنا فوق ال8 سنوات والله انها كانت اعز مخلوقه تخيلي هيا سجلتني في الجامعه لما كنت مريضه وهيا اللي كانت تكتبلي المحاضرات وكانت كل خميس تسويلي صينية حلا لاني اعشق الحلا والله ماتستخسر شي فيني ومشت الايام وتزوجت انا وبعد سنه من زواجي جاني زوجي قال لي فلانه دقت علي وتقول انها تحبني من زمان وانها خانتك لانها ماقدرت تكتم العشق اللي في قلبها لي(يتكلم عن صديقتي)يعني شوفي لوين وصلت الحقاره تخوني مع زوجي بس زوجي اول مادقت قالي ع السالفه بس والله ثم والله عشان جمايلها اللي سوتها لي زماان مافضحتها عندجماعتها لكن بس صديقاتي علمتهم وبعدو عنها وتحمد ربها ما علمت امها ولا كان ذبحوها وعارفين لمن واجهتها وش قالت؟ قالت انا حبيته من قلب اكثر من حبك له انتي تعاملينه بحقاره الله يرجعها فيها وفي عيالها اللي ماتستحي

بنات انتبهو على ازواجكم ترى الانسان بطبعه ضعيف يعني صديقتك اذا رد عليها زوجك في تلفون البيت لا اردايا بتحسن صوتها ويمكن في يوم تسال عن اخباره وهو يرد بحسن نيه وكل شي يجر بعضه ويمكن بعد تكون تموت فيك صديقتك لكن يلعب عليها الشيطان وزين لها زوجك والله ياما سمعت بلاوي وحده تعلمني تقول وحده من جماعتهم تزوج عليها زوجها اعز صديقاتها وهي ماتدري تقول دايم يروح سوريا لوحده يتمشى مع الشباب لكن طلع يروح عشان يقابل صديقتها لانها حتى هي تسافر له لانه صار زوجها والله يابنات محد يدري ايش يصير ترى كل شي ممكن مع الشيطان الله يلعنه

ماله داعي تعطين صديقتك تلفون بيتكم يكفي رقم جوالك انتي بسسس ولا تقعدون تورون صور ازواجكم للبنات وبلا مدح زياده عن اللزوم لأزواجكم يابنات الناس اذا في وحده خانت اختها مع زوجها يعني لاحد يستهين بالموضوع

الله يحفظ لكم ازواجكم

الله يعين على هالزمن
وشهي قصتك اختي؟؟
انا الحمدلله مامر علي موقف قوي من صديقاتي
بس كلهم حركات يدقون دقه ويصكون ولا تدق تقول دققي !! فاضيتلكم انا اصرف على ابوكم
بنات الله يخليكم الي تسوي هالحركات تبطلها ترا مره تغث وتكره الناس فيك
والله اني ماحبها ولا احب الي يسويها

انا عندي صديقات كثير من زمان من ايام الدراسه والحمد الله للحين متواصلين مع ان اغلبهم متزوجات وكل وحده بديره بس نكلم بعض ونسال عن بعض واذا اجتمعنا بديرتنا نرجع مع بعض ما كانا متزوجات والحمد الله ما نقصر علي بعض بشي يعني لو الوحده منا احتاجت شي نرسل لبعض والحمد الله ما جاني منهم شي الا كل خير

الصداقه حلوه بس للي يصدق فيها ويقدرها ويفهمها