انا الغلطانه او لا؟؟؟؟

السلام عليكم ورحمة الله وبركاته
كيفكم حبيباتي


بدخل بالموضوع على طول من القهر بس بالامانة اللي ترد تحط نفسها بالموقف اتفقنا:p

زوجي اخذ اجازة وسافرنا ما كملنا 24 ساعه الا الجوال يرن صارت اختي تخبرني بوفاة جدي الله يرحمه ويغمد روحه الجنة

المهم رجعناوعزيت الجميع الاواحد من خوالي لان في بيته عزاء الرجال على العموم اتفقت انا وزوجي انه بكره العصر نروح نعزي خالي ثالث يوم العزاء اتصل زوجي و قال ولد خالي توفى
يعني ماعاد فيه وقت من جد ويكفي ان زوجي راح وعزا خالي المهم بعد كم يوم اتصلت على خالي وعزيته شرحت له الوضع ان ولد خال زوجي توفى وان جوالي كان استقبال
رد علي وقال: جدك اقرب لك من ولد خال زوجك الله يجزاك خير وشكرا
وانا من بعدها مقهوره:angry2::angry2:

بصراحة اللي بترد تكون واقعيه

24 تعليق 1,635 مشاهدة

شاركي في النقاش

سجلي الدخول لإضافة تعليق.

التعليقات

23
  1. ماينلام والله


    بوفاة والدتي الله يرحمها لقيت اعذار من بعض اقاربنا حتى لو كانت حقيقيه بس ماتقبلتها ابد

    ومن كم سنه الى الان ماقدرت انسى ابد :(


    وخالك معه حق جدك يالغاليه الله يرحمه اقرب لك من ولد خال زوجك

    كان واجب عليك توقفين في عزاء جدك وتعزين الكل بدون استثناء وبعدها توجبين الاخرين بعزائهم

    وتقولين جوالك كان استقبال مالك عذر كان رجعتيه 24 ساعه او شحنتيه


    اعذريني بس لاني والله حاسه بموقف خالك :(
  2. @hash_hash

    الله يغفر لجدك ويرحمه ويتجاوز عنه ..
    ممكن هو لامك لأن ما اتصلتي من أي تلفون أو جوال بدال الزيارة خلال أيام العزا الثلاث..
    وعموما مواقف الموت والعزاء المفروض النفوس فيها تكون أقرب ما يكون للصفح و ترك الحساسيات والتشره وغيره ..
    الله يعظم أجركم ويرحم ميتكم يارب
  3. @zog_aabdalaazyz

    صاحبة الموضوع
    شكرا على الردود
    بس ياهلا حبيبتي قلت اني عزيت الجميع وانا مو من النوع اللي يحقد بس ولد خال زوجي اقرب لزوجي من جد زوجتي
    ما ادري اذا فهمتي او لا وعلى العموم مشكوره
  4. @bnt_alklyh

    عظم الله اجرك
    بسراحه انا ماشوف انك غلطتي بشي
    وكان الافضل انك تروحي مع احد قرايبك وتعزين خالك

تابعي تجارب أخرى من هذا القسم.