أشياء بسيطه عندكـ بالبيت ... بس خيااال !

السلام عليكم
شخباركم .. شلونكم عساكم بخير وصحة وعافيه :27:
ماراح اطول عليكم راح ادخل بالموضوع على طول ... :27:
في اشياء بسيطة ومتوافرة بكل بيت ... ولكن محد يستفيد منها للجسم .. فقط للأكل
وأنا استخدمت هااشياء البسيطة بس نتائجها مرة روعة .. الا خياااااااااال محد يصدق الا لما يجرب ...!
وراح اقولكم عن كل شغلة موجودة بالبيت فادتني .. وطريقتها ونتيجتها !!!

:39:

*أول شي شرب الماء 8 مرات او 10 باليوم !!!وطريقتي بشرب الماء عشان مااتكاسل ولا انسى .. خذيت لي 10 غرشات صغار جدا تبع الماء من السوبر ماركت اصغر حجم من غرشات الماء خذيت لي 10 .. واول مارجعت البيت حطيتهم بالثلاجة ولما برد كل فترة اشرب لي وحدة حتى لو مو متواصل عادي حتى لو متقطع لما اخلصها .. وبعد ماخلصوا 8 غرشات .. كل يوم الليل اغسلهم زين واعبيهم ماي مرة ثانيه واخليهم بالثلاجة لليوم الثاني عشان الماء يكون بارد ...
النتيجة:اختفاء الحبوب من الوجة بتدريج وبسرعة كبيرة ... ونضارة للبشرة وتكون مشدودة ... وتورد الخدود ونعومة وتكون دائما مرطبة ... ودهون الوجة تكون اقل وايضا يحميك من الجفاف والاسمرار حول الفم .. واعرف كثير من البنات نتيجة قلت شربهم للماء حول فمهم كله سواد !!!


*ثاني شي البقدونس هذا شي روعة شوي عليه الكل يجهل قيمته !!!طريقتي في البقدونس .. اخذ حزمة بقدونس كبيرة جدا واغسلها زين .. واغليها في ماي حار جدا على الفرن لما يطلع منها اللون كله واهو افلائدة .. وبتلاحظيها كل ماغلت اكثر كل ماصار لون الماء داكن مثل الاصفر الداكن عدل .. وايضا ملاحظة البقدونس يغلي كامل مو بس الاوراق حتى الساق .. وبعدها لما يصير لون الماء داكن اصفر خليها تبرد شوي وعبيها بعلبة او غرشة ماء كبيرة وخليها بالثلاجة وكل يوم غسلي وجهك فيها 3 مرات او أكثر ..
وممكن تضيفين لها ماء ورد روووعة .. وايضا يمكن تسوي منها قوالب صغيرة ثلج وتمرريها كل يوم على وجهك 3 مرات ...النتيجة:البقدونس يصفي الوجه بشكل غريب ويعطيه بياض من اول استخدام ويكون مشدود ويغذي البشرة .. وايضا البقدونس يعطي نضارة عجيبه وتورد خدود لما يكون بارد جدا .. ولما تسوي كمادرات او قطن للعين بمغلي البقدونس وتغمسي القطنة كلها بمغلي البقدونس وتحطيها على العين واهي ساخنة .. تروح الهالات بسرعة غريبه !!! وايضا الشاي مثل الشي !!! *ثالث شي الفازلين ... اللي غطاه ازرق وموجود بكل مكان بصيدليات وبالسوبر ماركت ... كل يوم ادهني وجهك فيه تقريبا 3 ساعات واكثر اذا حبيتي .. وضروري تمسحيه بنعومة وبعدها غسلي الفازلين بعد مسحة بماء بارد جدا مع شوي رغوة صابون ... وملاحظة حطي على الشفايف ايضا ...النتيجة:كل يوم كنت احطة اكثر من 6 ساعات لاني اسهر على النت الليل الى الصبح .. ووقت ماياأذن صلاه الفجر امسحة عشان اصلي اروح الحمام وانتو بكرامه الاقي نفسي بيضة وصافيه من الحبوب بشرتي يوم عن يوم .. وايضا لما تحطي الفازلين الاجزاء الي فيها جفاف يروح منها الجفاف بكونة مرطب للبشرة .. وخصوصا حول الفم يروح كل السود والجفاف .. والفازلين مايسمر هذي اشاعة ... فوائدة عجيبه مه الاستمرار يعطي نعومة ايضا عجيبه بعد مسحة!!!


*رابع شي الماء ورد الاصلي ...خذي غرشة الماء ورد الزجاجيه وحطيها في مرش وكل يوم رشي على ويج اكثر من 3 مرات .. ومحلاظة ممكن تسوين مكعبات ثلج صغيرة بماء الورد دون اضافة اي ماء او اي حاجة النتيجة: الماء الورد خيااااال واول شي توريد للخدود بشكل كبير وملحوظ تصير مثل الورد خدودج .. ويصفي كل اللي بويهج .. وانه اعتبره كمنظف للوجة بصصراحة رووعة .. ولي صديقة مثلي تستخدمة للحبوب الي بوجها النتيجة كل الحبوب راحت مع الاستمرار وصار وجها جدا صافي ومورد .. وايضا شرب ملعقتين كل يوم من ماء الورد على الريق روعة للبشرة !!!


*خامس شي (المنطقة الحساسه )راح اقولكم شغلة مهمة جدا وتقريبا عدد كبير جدا من البنات يسوي هالشي واهو غلط غلط غلط ... لاتستخدمي الصابون للمنطقة الحساسة يابنات ضار جدا جدا جدا ... #لان فيها بكتيريا نافعة وضارة واهو يقتل النافعة اللي لازم تكون موجودة وضروريه ... #وايضا اهو السبب الرئيسي لسواد المنطقة بشكل واضح وملحوظ !!! ...# واحذري كل الحذر ان تستخدمي عند حلق المنطقة الحساسة بالموس ان تستخدمي الصابون ... فورا يسبب سواد وحكة ...# ولتجنب السواد ايضا غيري تبع الدورة بشكل مستمر لاتخليه اكثر من ساعة نصيحة مني اهو عادي يتم ل3 ساعات فقط مو اكثر .. ولكن انصحكم بأن يتم ساعة وحدة فقط وعند كل تغير لازم تغسلي بماء فاتر وقليل من شور جل للرائحة الطيبه ...الموس والصابون ووضع تبع الدورة لفترة طويله وعدم تجفيف المنطقة بعد كل حمام مما يساعد في تراكم الجراثيم = السبب الرئيسي في السواااد !!! النتيجة:التخلص من السواد والله راح يخف بس ابتعدوا عن هالاشياء ... وخصوصا الصابون احذري منه في هالمنطقة دكتوري تبع الجلد حذرني منه ..


واخيرا بقولكم نصيحة وعن تجربه يابنات .. وطبيب الجلد اللي اتعالج عنجة عن الحساسية واشياء ثانيه نصحني بهالشي .. وشفت نتايجة بعيني !!! :44:
قالي احذري من الديتول تحملي تستخدميه للكل هالنصيحة .. وخصوصا اللي معهم حساسية مثلي .. وانا لما كنت اتحمم بصابون ديتول بعد مااطلع احس بنظافة لكن احس بحكة واحمرار بجسمي ..
وقالي ايضا الديتول المعقم (الديتول للعنايه الشخصيه ) احذورا يامتزوجات منه .. قال انه مب زين يسبب حكة والخ من بلاوي مع طول الاستخدام .. وانتي تظنيين يقتل الجراثيم وتحسي بنظافة انتبهي !!! وقال الافضل للمتزوجة تسير للدكتور يحدد لها الغسول ولازم يكون طبي وتاخذة من الصيدليه وليس سوبر ماركن لان مو اصلي !!!

طولت عليكم حبيباتي .. سامحوني .. بس هالاشياء بجد استفدت منها ولو انها بسيطة ولكن روعة مع الاستمرار عليها .. وانه شفت النتائج علي خلال شهرين ...

لاتنسوني من دعائكم .. ادعولي الله يعطيني اللي في بالي :44: