زوجي يشرب ابي اطلق

:44:بسم الله الرحمن الرحيم
هلا اخواتى بنات حواء اعتذر انة مااكتب او ارد بس لظروفى وانشغالى بزوجى وتربية الاطفال بس انا الحين محتاجة لكم ساعدونى مالى الا الله ثم انتم. انا خلاص ضاقت بي الدنيا كل شوى ابكى ماابي عيالى يشوفونى ولا حتى زوجي اخاف امرض او يجينى قيلون او ضغط او سكر وعشان من عشان رجال :icon33:

بنات حواء انا دانة الى زوجها يعشقها لحد الجنونالكل يعرف كيف زوجى ينجن على وانا ماانكر احبة واموت فية بس صار لى فترة احس انى خلاص.
بقول مشكلتى وابي رائكم بصراحة.
زوجى انسان مو مقصر لا معى ولا مع عيالة ويحبنا ولو اقول لة اى شي يسوية بس عشان نرضي ويشوف ضحكتنا.مو مقصر ابد ابد.ولا راعى طلعات او سفر او سهر بس هو ساعات ونادر جدا يطلع مع اصحابة.ويقول لى انة انا السبب انة يطلع يسهر لانة يحس انى ماابية في البيت.
انا ماودى يطلع من البيت بس انا من جد زهقت كنة حرمة بالبيت ابي يغير جو عن البيت.وبعيد عنى وعن عيالة.او ساعات يجون لى ناس وهو جالس واتفشل اخلية لحالة او اتفشل من الناس انة زوجى هنا ماياخذون راحتهم.
المهم صار لى فترة احس بتغير بحياتنا.
التغير انة :44: قبل فترة من كم شهر جاء البيت متاخر ليلة خميس وممكن جاء على 4 الفجر سكتت بس حالة مو عاجبنى وريحتة غريبة.قلت لة سكران :44::44::44: قال انتى مجنونة وانكر وانكر

ومن هالكلام مع انى واثقةانة شارب... كنت مرة مصدومة معقولة انا دانة بنت الناس بنت الرجال والشيوخ اصير زى الافلام يجى زوجى سكران بناتانهبلت جتنى حالة اكتاب وخلاص مااطلع من غرفتى بس ابكى وابكى حتى هو خايف على يقول خوفتى عيالك. ولا اكلمة . ويجلس يقول ايش فيك ليش صار فيك كذا مو دارى الاخ :mad: المهم بعد ممكن يومين قلت لة انت كنت سكان لا تنكر والله لاعلم اهلك وابوى واخوانى وافضحك بالرياض كلها.
بالاول انكر بس يوم شاف حالتى بدت تسوء اكثر اعترف وقال انا اسف ومادرى شلون سويتها وانا اصلا مو مدمن انا بس اكيف ساعات وكلام :( اول مرة افهمة يكيف ايش يكيف.

المهم جلس يبكى عندى زى الطفل ويبوس يدى ورجلى انة مايعديها وانة اسفة وارجوك لاتخلينى بموت من بعدك مااقدر اعيش بدونك وانة وانة وانة............
وطلعنا غيرنا جو وعزمنى برا وسافرت انا وهو بس سفر كم يوم تغير جوا. وتحسنت نفسيتى وكان يوعدنى انة غلطة وماتعاند وانة اصلا مو راعى هالشغلات مع انة كل الشباب الحين يشربون ويطلعون الشرقية مخصوص خميس وجمعة عشان البحرين يشربون.
قلت لة ماعلى منهم انا على منك انت وبس
المهم انا الحين لى اكثر من 4 شهور مو مرتاحة اذا شميت شي فية اوسوس احس شارب.
ماابي اظلمة وبنفس الوقت انا قلبي اذا نغزنى نغزنى.
كيف اعرف وايش اسوى؟

قبل امس الاربعاء جانى متاخر الفجر والله متاكدة انة شارب بس لما قلت لة زعل وقال انتى مجنونة ومن هالكلام وفضحنى وقال انتى تغيرتى وصرتى تشكين فينى. وجلس زعلان بس انا متاكدة انة فية ريحة صح مو ريحة قوية المهم ريحة .. والريحة مو شينة بس ماادرى ايش ريحتة.. غير كذا احس كان مرة مروق. ولا اظلمة اقول جانى دايخ او فاقد لا بس احس كان مروق ويتكلم بشويش وكانة لسانة ثقيل .. لاتقولون انى موسوسة بس ماتلومونى هذا زوجى واحبة واخاف علية اذا ماحافظت علة وراح منى خلاص. وانا هو ماخاف علي خلاص قلعتة يطس وانا بيت ابوى وخوانى ارحم لى من واحد سكرجى.

المهم ممكن تقولون اتوهم بس تخيلوا الاربعاء اخر الليل تهوشت معة وانكر. وجلس يصارخ يقول تغيرتى وصرتى تشكين وسكتت لين راح نام.وهو زعلان ............زالمهم رحت فتشت محفظتة تخيلو ناقص فلوس منها
انا متاكدة خرج وبجيبة فوق ال750 ريال ورجع مامعة الا فقط حدود 320 ريال

ايش معناتة وين تقريبا 400 ريال وين طست

وغير كذا لقيت فاتورة من بندة شاري اغراض على الساعة 12 ونص الليل بقيمة ممكن 30 ريال او اقل تخيلوا ايش فيها

3 علب سفن اب
وجبن فرنسي
وكيلو خيار
وكيس ثلج

ايش معناتة بنات؟ ليش السفن والثلج
اكيد للشراب انا اشوف كذا بالافلام.

احس السفن ممكن يخفف فية الشراب الخمر مالت عليهم
اما الجبن والخيار ممكن شاريهم كذا عشان الفشلة قدام الكاشير.ولا يشك فية.

المهم الاغراض ذى ماجابها البيت ومحفظتة ناقصة فلوس تلمونى ممكن اكون بس متوهمة كل الشكوك تدينة وعلى كذا ينكر.انا طبعا ماقلت لة فلوسك ناقصة ولا قلت لة شفت فاتورة بندة بس اخذتها ادينة فيها بعدين.مع انة صديقتى تقول عادى اذا شراء ثلج وسفن. انا احس مو عادى وين ودا الثلج وهو على قولتة كان عند خوية يسهر بلاستيشن وخوية ذا اعرفة وطيب وابن ناس بس اتوقع ماكان عند كذاب. كان بمكان ثانى :icon33:

بنات حواء انا مقهورة ابي ابكى احس برجع للبكى والالم من امس يقرب لى وانا مو طايقتة حتى الحين يقول ابي اطلع معك انا احس ابي افضحة ابي اطلق وبس ابي ارتاح منة مايهمنى حب وهو راعى حرام اذا شرب وتعود يكرة يزنى بالراحة .ياربي الله يسترنا


بنات ابي رائكم لاتقولين تفاهمى معة ومادرى ايش هو رافض فكرة يصدق انة يشرب ويقول مرة صدتنى خلاص بتتبلين على عشان اعترفت لك . وانتي تعرفين انا مااحب اكذب عليك وذا جزاتى.
فعلا هو دائم يصارحنى بكل شي على عكس اخوانة مع حريمهم
بنات ابس حل ساعدونى.ممكن اكون ظالمتة معقولة
طيب الى تعرف ريحة الخمر انا كانى اشم فية ريحة دواء او ريحة بنج قوية هو ذا الخمر ومن وين ممكن يشترونة هنا بالسعودية معقولة ينباع.


ساعدووووووووووووووووووووونى :44:


اضافة:
ودى اقول شي الى هو انة حياتنا خالية ولله الحمد من المشاكل وجدا اسرة متفاهمة ومافي مشاكل ولا شي . يعنى الى تقول ممكن هروب او ماشابة احنا حياتنا ولللة الحمد مستقرة.

وابي اعرف شي ولا وحدة جاوبتنى علة بنات حواء
س/ الاغراض الى شراها زوجى من بندة وشفتها بفاتورة بندة هل ممكن تكون فعلا حق الشراب تتوقعون؟
س/ من تعرف ريحة الخمر مثل شنو بالضبط الله يبعدكم عنة وليتكم ماتعرفونة بس ابي اعرف هل ممكن سمعتوا ريحتة مثل شنو يعنى؟

104 تعليق 52,228 مشاهدة

شاركي في النقاش

سجلي الدخول لإضافة تعليق.

التعليقات

96
  1. @hbhbh_hmraaa

    والله مدري شقوولك الله يسخره لك ويحفظه من البلاوي ذي

    ادعي الله واستودعيه الله اذا خرج

    والله يسخره لك دعوووووواتي لك
    والله يهديه يارب
  2. حبيتي الطلاق مو حل فيه شي فيه صبر دعاء تفهم وحلفان فيه طرق كثيره حرام تخربي حياتك ممكن امتحان ابتلاء اصبري ياقلبي وعاتبيه عتاب صارم
  3. @asyr_algroh_1

    حبيبتي في بعض الخمور ما لها اثر يعني مو دايخ ولاشيء
    وزوجك شكله والله العالم متعرف على خويا مو كويسييين راعين شرب
    فنصيحه اذا تقدرووون تنقلين من المنطقه اللي انت فيها افضل وتروحييين انت وياااه تعتمروون في مكه
    وفهمييه ان اللي يشرب مايشم ريحه الجنه وخوفيه مررره خليييه يتوب ولا تروحيين تعتمرييين الا علشان يتوب
    وانت لازم توقفين معه هو اللحين محتاجلك لان في ورطه والله يعينك
    حاولي حاولي حاولي تبعدينه عن خوياه لانهم اساس البلا
  4. @hnyn_tflh

    الطلاق مو حل طيب صارحيه بس بأسلوب حلو

    لاني حسيت من اسلوبك انك شايفه نفسك ومتضايقه من وجوده

    يمكن قلتيله كذا راااح عاقبك بردة فعل ؟؟
  5. يووووووووووه ياحبيبتي وش اقولك بس ذكرتيني بقصة وحده قريبه لنا زوجها كان يشرب ومامقصر فيها ولا في عيالها ابدااا

    كل شي في زين الا انه الشي الوحيد انه يشرب وواجهته وصارت مشااكل كثيييييييييرة ومشاااكل كبيييره لدرجة الناس والجيران يدخلون علشان يحلو المشكله المهم مرت سنين طويله وهي للحين صابره عليه وتدعي من الله انه يهديه ويبعده عن الحراام
    والله من سنين طويله وللحين صابره عليه مايأست ليش لانها تحبه وماتقدر تتركه علشان عيالها واخر مرة كلمناها قالت خلاص الله يعوضني في عيالي وهو الله يهديه ان شاء الله مامحتاجه له عيالي شباب ماشاء الله

    وبالنسبه لريحت الخمر سمعت انها اعوذ بالله انه لها ريحه خايسه جدا لانه عباره عن فواكه متعفنه

    ربي يهديه ويبعده عن الطريق هذا ويسخره لك

تابعي تجارب أخرى من هذا القسم.