شاركي في النقاش

سجلي الدخول لإضافة تعليق.

التعليقات

125
  1. @najameena

    سبحان الله ..

    والله ياليت هالجمعه تكون في بيتنا ..

    كفايه اني احس انهم ارتاحوا عندي في بيتي ..

    صدقيني لو مالقوا الراحه ماكان قعدوا ..

    وحسيت من كلامك انك تمنيييين عليهم حيل ..

    احتسبي الاجر ياوخيتي
  2. @fdytk_7

    لابد يجي يوم تتمنون احد يجيكم فيه لأن دوام الحال من المحـــــــــال

    هذا احنا قبل مانتزو ج بيتنا ماكان يخلا زوجات اخواني بنات خالي بنات جيراننا بس بصراحه على قلوبنا زي العسل والله زوجات اخواني ياخذون عندنا شهر !!! تروح تسلم على امها وترجع لنا حتى اذا اتخاصمت مع زوجها تخلي اخوها يجيبها عندنا

    البيت اللي نجتمع فيه صار بيت للعناكب خرجنا منه واللي انشغل واللي كبر واللي اتزوج واللي بعيد الشر عنكم جاه الأجل وصرنا مانلتقي الا في المناسبات كأننا اغراب وماتت الأيام وبقيت ذكراها بس

    ياختي اصبروا واحتسبوا الله لايجيبها بينكم يازين الجمعات والله
  3. Najameena
    سبحان الله .. والله ياليت هالجمعه تكون في بيتنا .. كفايه اني احس انهم ارتاحوا عندي في بيتي .. صدقيني لو مالقوا الراحه ماكان قعدوا .. وحسيت من كلامك انك تمنيييين عليهم حيل .. احتسبي الاجر ياوخيتي
    للأسف الوضع هذا منتشر بين الناس الغير واعيه و هم الاكثريه في المجتمع...و ترى جمعات الاستراحات نفس الشئ يعني وش فرقها .. و ايش فرقها عن الاجتماعات في ايام زوجة عزيز مصر (قصة يوسف عليه السلام)

    وش تتوقعين من الفراغ و عدم الاحساس بأهمية الوقت.. و ما يدرون ان الله سبحانه و تعالى بيحاسبهم على كل دقيقه... تكفين هذي الجمعات وش الكلام اللي فيها غير آخر حلى قهوة .. و بنت فلان من خذت .. و ايش ماركة شنطتها .. هذا اذا استبعدنا موضوع النميمه ..

    يعني لو ائمة المساجد يركزون على توضيح مثل هذي النقاط في خطبة الجمعه و خطبة العيد( أهمية الوقت).. لو يفهمون الرجال انهم بموافقتهم لزوجاتهم على مثل هذا الوضع هم شركاء في الاثم ... بدل من الكلام المكرر في الخطب.. لو المسجد يقوم بدوره كان يا سلام على حالنا..


    ======

    لو ما قلتي ان عندك جدتك (أم أمك) و ان عندك زوجة اخ كان عرفتك .. اعرف من ارحامنا واحده كذا بيتها .. و بيتها بالاضافه للديوانيات فيه شلال و حاطه مراجيح و نطيطه لعيالها .. و تخيلي الوضع انتي...

    و اللي اعرفها مثل ضيوفها .. يعني لما بناتها يشتكون من الجمعات تقول لهم" مالكم دخل ، اقعدي في غرفتك و لاتنزلين " ..

    ابشرك كمان ان الخالات و زوجات الخوال صاروا يجيبون جيرانهم .. و بنات الخالات صاروا يجيبون صديقاتهم علشان يترززون

    لانهم (أقصد ارحامنا اهل البيت) حمولة معروفه و كبيره و ما عليهم ...

    القهر انهم كلهم بيوتهم كبيره و عندهم ملاحق .. يعني ما عليهم قاصر بس قلة الدبره ...


    بنات راعية البيت انواع الذب... و وصل حالهم الى التصريح بعد... بس مافيه فايده .. تخيلي واحده من الضيوف قد ردت على بنت من اهل البيت و قالت لها

    " هو انتي دافعه شئ من كيسك" :D:D


    تلقفت مره و عزمت داعيه معروفه تروح عندهم يقال لي بأخذ اجر هدايتهم .. آآآآه بس الحمدلله الكريم العظيم الغني .. انه سبحانه و تعالى يحاسبنا على نياتنا مهوب على نتيجة اعمالنا ..

    أنك لا تهدي من احببت و لكن الله يهدي من يشاء..

    و حتى في بيت عمي ... عمي متوفي - الله يرحمه - و زوجة عمي كبيره في السن و مريضة و يجتمعون عندها ذولا الملاقيف بحجة انهم يوسعون صدرها .. بنات عمي كلهم موظفات .. يعني ينامون بدري .. و زوجة عمي ركبها متعبتها .. و مثل ما قلت لك كبيره في السن .. و مثل امك تستحي ترد احد يدق بابها .. بنات عمي ما ينزلون عند الزوار .. فزوجة عمي تضطر هي اللي تقوم و تشرف على حط العشاء .. و عمل الشاهي و القهوة .. و الناس وجوهم مغسولة بمرق .. و الله خلاص حاسه راسي يغلي مو قادره اكتب أكثر من كذا ...

    =========

    و الله اني كل ما سمعت امام يدعي" اللهم هب المسيئين منا للمحسنين" اتذكر حال نسائنا .. و اقول هذولا هم الامهات اجل وش نرجي من البنات...

    طولت عليكم بس و الله حرقة في قلبي و جاء مكان اطلعها فيه ...
  4. @yarb_samhny

    ضحكتيني بموضوعك الحلو والله كأنك تتكلمين عن وضعنا لكن حنا أهون منك بكثييييييييير مرة في الأسبوع لكن ننقهر أن الكل مطنش وما أحد يفكر يعزم في بيته لا أخواني ولا عماني حتى حنا لنا نفس نلبس عبايتنا ونروح نزر ناس مو العباية بس للسوق وتقضية المشاوير عن أذنك أختي بدايات برد نيابة عنك لأني بنت بعدي ما تزوجت وبيت أهلي مثل بيت أهلك من حيث الظروف خواتي ترى أنتم مو مقدرين حجم المشكلة معنى أن ناس يزورونك كل يوم أن حياتك بكل تفاصيلها قدامهم وش لبستي هذا اللبس جديد تسوين ريجيم
    ماأكلتي أيه تسوين ريجيم ليه ومتى وش نوعه ؟تصرفين واجد تطلعين مع السواق واجد والله الكثير والكثير وكل هذا في كوم ومسألة الزواج والله أن تفاصيل الخطبة وهي مجرد كلام حريم وما بعد يجي رجال تبث عبر الأقمار الصناعية إلى أهاليهم وشلون نعرف لما طبعا يباركون للوالدة وش دعوة ما علمتونا عن خطبة فلانة والله ياناس ما صار شي
    أختي بدايات الله يعينكم الوضع هذا بيتغير بيتغير لكن للأسف ما راح توصلون لحلول سلمية بيكون فيه قطيعة وزعل نوعا ما لأن اللي أقترحوا مسألة الدارية والله أن ناس مثل ها النوعية أذن من طين وزأذن من عجين ومستحيييييييييل يتعاونون أو يتجاوبون كان غيركم أشطر والله أمي لسانها قرح مع أهلنا ومافيه فايدة علشان كذا لازم التغير يبدأ من عندكم أنتم البنات أمسكوا أمكم وأقنعوها تكون حازمة قلوا لها يا أمي ترى حنا ما نكرهم لكن عاجبك وضع عدم زواجنا وش يدريك أن فركشة مواضيع الخطبة ما تكون عين ترى الأمهات يخافون وبداية التغيير تكون من الأكل لأن والله مايجمع الناس الأ الأكل كنا نمد عشاء وشوي شوي اختصرنماها لمعجنات وحلا وخفايف والله كانت تطلع عيني في المطبخ وما فيه أحد يحس على دمه يجيب معاه شي صرت أمل بديت أقلل من الأصناف ووأحيانا أكتفي بمكسرات وتمر وقهوة وشاي والله اللي كانوا يبسطون الى 2 بالليل صاروا 12 هم ماشين ورانا دوامات أشغال مو حياتنا كلها لهم طبعا عذرهم في أسلوبهم هذا أن حنا نعتبر مقتدرين على أن أبوي الله يطول بعمره أقلهم في المستوى المادي وصدقيني ترى أهلكم في داخلهم يتعاملون بنفس المبدأ أن ميزانيتكم تتحمل شكل أنك أنت وأختك توكم صغار وما عندكم بنات متزوجات علشان كذا مستغلين طيبتكم سوي اللي قتلك بذوق ومن غير ما تغلطين بحقم الله يعينكم ويهديهم

تابعي تجارب أخرى من هذا القسم.