dream4abudhabiالغاليـــة ،،،
مساج الله بالخير أختي ..
أولاً وقبل كل شي، حبيت اشكرج على مجهوداتج الرائعة في المنتدى، بصراحة موقادرة أعبر عن فخري واعتزازي فيج وبذوقج الرفيع، صرت اقرا ردودج واستيفد منها بعد ماكانت الحيرة تضيع وقتي خاصة يوم اقرر اشتري مستحضرات التجميل. قريبا رح اشتري قلم الكحل الفيروزي اللي دلتينا عليه ـ ماركة ميك آب فوريفر ـ وأكيد رح يطلع الكحل هو نفسه اللي ادور عليه من زمان.
عندي بعض الأسئلة يالغالية وإنشالله القى الأجوبة المفيدة عندج. انا دائما اروح لايف ستايل واشوف عندهم مجموعة زينة من الماركات، بس قريت اكثر من مرة مدحج لماركة بييـــر كـــاردان. ودي اشتري من هالماركة كريم اساس + بودرة + كونسيلر + ماسكرا + بودرة إضاءة، واي شي ثاني تنصحيني من منتجاتهم تشوفينها مناسبة لي، بس حبيت استشيرج عقب مااعطيج فكرة عن بشرتي وشكل وجهي. انا بشرتي جافة عموماً،، بس فيها دهن خفيف عند منطقة الأنف والجبهة. شكل وجهي بيضاوي، شوي مليان عند منطقة الخدود، عظمة الخشم طويلة نوعاً ما، لون بشرتي حنطي فاتح فيه شوية إصفرار، وعيوني واسعة، شكلهم لوزي، ولونهم بني غامق، حواجبي قريبة من الجفن، رموشي شوي قصيرة.
حبيت يالغالية اسألج عن انواع جلوسات الشفايف، ودي بشي يكون لونه واضح " خاصة الي باللون الوردي، اللحمـي، المشمشي " ياليت تنصحيني بالماركات الزينة مع ارقام الجلوسات، حسب لون بشرتي، وياليت تخبريني عن نوع معين من الأرواج المطفية اللي بلون احمر عنابي، لأني احب هاللون وايد، بس لما اشتري اللون العنابي ياإما اكتشف إنه عنابي مايل للأسود او إنه فاتح زيادة. وحبيت اعرف وشهو الحل في الشفايف الجافة، خاصة يوم استخدم الأرواج المطفية، القى شفايفي واضح عليهم الجفاف. ودي تنصحيني كيف اقدر اخلي شفايفي ناعمة وصافية وبدون قشور.
في كريم مرطب مخصص للبشرة الجافة، وبنفس الوقت مبيض للبشرة من ماركة إستي لودر (حجمه 75 مــل وقيمته 199 درهم في باريس غاليري ) ، قريت عنه بمجلة زهرة الخليج، وهذا إسمه :
ُExtra brighting moistrise cream
حابة آخذ من هالكريم، شو رايج،،،، هل تنصحيني فيه؟؟ رح انتظر ردج قبل لاآخذه، حاسة انه يناسبني بما ان بشرتي جافة واحس ان نتيجته بتكون زينة وياي، خاصة اني من النوع اللي مايطلع للشمس بالنهار، حاسة انه بيخفي شوية الاصفرار اللي بوجهي بما اني طول اليوم في البيت.
ادري طولت عليج بالأسئلة يالغالية، بس معتمدة على ربي ثم عليج تساعديني قبل لايهل علينا العيد..
موفقة يالغالية ..
يا بنات المنتدى اي استفسار عن المكياج المناسب لبشرتكم وطريقه وضعه انا مستعده
متابعة النقاش، صفحة 23