مساء الخير يا بنات
انا جديدة معاكم هنا فى التجمع
كنت بشوفه من زمان و كنت فاكرة انه بادئ من فترة طويلة و انا المفروض ان شاء الله ابتدى حقن مجهرى بعد العيد بأذن الله فقلت ادخل اقرا البنات كاتبين ايه عشان استفيد
و لما دخلت لقيت من التواريخ انه مش بادئ من كتير
فقلت مبدهاش قعدت اقرا من الاول رد رد و صفحة صفحة و كنت شايفة من الاول ان سوار بسم الله ما شاء الله حامل بس فضلت ارقا عشان اعيش معاها الفرحة و معاكم و انتو بتعرفو انها حامل
ربنا يتم لكل اللى حملو على خير
و يثبت اجنة اللى رجعوالاجنة
و يوفق اللى لسة بيبتدى و يفرح قلوبنا جميعا بأذن الله
انا حكايتى يا بنات
انا متجوزة من خمس سنين الا 3 اسابيع و عمرى 32 سنة و الحمد لله سليمة مافياش شئ و لكن زوجى العدد عنده قليل و ابتدى يقل كمان و الحركة و نسبة المشوة
و جربت التلقيح الصناعى 3 مرات بس ربنا مأرادش و الحمد لله
و ان شاء الله ناوية اعمل الحقن المجهرى لما انزل مصر على شهر اكتوبر بأذن الله لانى عايشة فى الكويت و الاسعار هنا غالية جدا بشكل مبالغ فيها قوى
و ربنا يكرمنا بأذن الله
عطر الليل ان شاء الله يكون النتيجة المرة اللى جاية كويسة
و اكون انا اول واحدة اباركلك و ان شاء الله خير يا رب
باقى البنات يا رب يكرمنا و اياكم بالذرية الصالحة يااااااااااااااااا رب
ملف جديد للمقبلين على التلقيج المجهري وأطفال الأنابيب
متابعة النقاش، صفحة 326