أحب اشكر صاحبه الموضوع ..
فعلا مستشفى دله كلمة روعه قليلة عليه ..
بأقولكم قصتي معاه..
تابعت عندهم في بدايه الثالث عند الدكتوره ناديه العراقيه حبوبة مرررة وتهدَيك اذا كنتي قلقانه..
صحيح احيانا تكون مستعجله بس الله لا يلومها زحمه وناس داخله وطالعه وتبي تأخذ لها بريك شوي ترتاح..
وخلال فترة حملي ماصادفت ولله الحمد اي مشاكل مع المستشفي او الدكتورة غير مواعيد ممله فقط لاني خلقه مااحب الانتظار..
ولما سألتني عن اللي بتولدني قلت لها انتي وطبعا قالت تدفعي زيادة 500 ريال وسالتني عن ابرة الظهر قلت لها لا ماابيها لان مخاطرها اكبر من فايدتها..
وبنفس يوم الولادة صبح الجمعه نزلت معاي مويات رحت للمستشفي ركض وطبعا دكتورتي ناديه مو موجودة وكان فيه دكتورة الله لا يعيدها مو متاكده من اسمها اول ماجت تكشف على وتشوف كم مفتوح الرحم قلت ابي نادية ..
وكأنها عصبت:mad: قالت مو موجوده لسه طالعه الفجر خلص دوامها واكيد هي نايمه الان ..قلت دقي عليها وسفهتني وكشفت على بغيييت اموووووت :09: شكلها حقدت على ..
وشوي الا جت نادية الله يسعدها دنيا واخره وفعلا شكلها لسه صاحيه :glotz: هدتني وقالت كل شئ تمام انزلي لغرفتك وارتاحي وباجيك تحت لاني كنت بغرفه ما قبل الولادة حقت الطلق..
وشوي جت كشفت على حبه حبه وهي تسولف معاي خلتني مااحس بشئ ..
وطلعت على غرفه الولادة وولدت بفضل من الله ثم بمجهود ناديه
وخياطتها مرة ممتازة (اقصد خياطه مابعد الولادة )..
حبيت اشاركم بتجربتي في هالمستشفي واللحين انا حامل وباذن واحد احد باتابع عند ناديه وباخليها تولدني..
الله يكتب لي الخير وييسر امري وامر جميع المسلمين والمسلمات
دعوه للنقاش ( مستشفى دله _ دكتورات _ استشاريات _ اسعار الاقامه والولاده ) يوجد صور
متابعة النقاش، صفحة 42





