دوره تريكو 2

الشكر لله ياام لسان بينقط شهد وربنا يخليكي لي يارب

خلاص ياسما احاول انزله تاني وياريت حد من البنات يقولوا فتح معاهم ولا لا وانا سعيده انك مبسطه بالدروس الجديده وربنا يخليكي ويحميكي

مسا الفل على عيونك يا قمر
بالنسبة للفيديو شغال وتمام التمام
مش عارفة ليه مش راضي يشتغل مع سما
سلامي ليكي يا عسل

مساء الهنا ياقمر
كويس طمنتيني بس مش عارفه ليه مش راضي يشتغل عند سما

الدرس النهارده عن اصلاح الاخطاء فء التريكو
اول حاجه الغرز الساقطه
احيانا بنكون بنشتغل ونلاقي غرزه واقعه من السطر وممكن تكون واقعه سطر او عده اسطر ازاي نصلحها من غير مانفك
الاول بنثبت الغرزه في مكانها علشان ماتسحبش باستخدام دبوس امان او حتي بنسه
بنشوف لو غرزه عدل بنعمل ايه
القطي الغرزه والخيط اللي فوقها علي الابره اليمنيمع ادخال الابره اليمني من الامام الي الخلف وبالابره اليسري عدي الغرزه من الخيط يعني اعملي غرزه عدل ثم خدي الغرزه الناتجه علي الابره اليسري واشتغليها عادي ده لو الغرزه وقعت سطر واحد

لو الغرزه وقعت كذا سطر في الحاله دي استعملي ابره كروشيه ودخلي الخيط العرضي في السطر اللي فوق الغرزه الساقطه في الغرزه الساقطه من الخلف الي الامام وبعدين دخلي الخيط اللي فوقه في الغرزه الناتجه علي ابره الكروشيه وكرري لغايه ماتوصلي للسطر اللي بتشتغلي فيه وضعي الغرزه علي الابره اليسري واشتغليها عادي
[
لو الغرزه مقلوب
لو واقعه سطر واحد بنلقط الغرزه الساقطه والخيط اللي اعلاها بادخال الابره اليمني من الخلف الي الامام وبالابره اليسري بنعدي الخيط من خلال الغرزه لعمل غرزه مقلوب ثم ننقل الغرزه علي الابره اليسري ونشتغلها مقلوب

لو الغرزه المقلوب وقعت كذا سطر بنخلي الخيط العرضي امام الغرزه ونيجي من خلف الغرزه وناخد الخيط من خلالها بابره الكروشيه ونستمر كده لغايه مانوصل للسطر اللي احنا بنشتغل فيه ونحطها علي الابره اليسري ونشتغلها مقلوب
وده فيديو لاصلاح الغرزه الواقعه سطر واحد سواء عدل او مقلوب
http://www.knittinghelp.com/apps/flash/video_player/play/148/1