الحقوني صبغت شعري بأقبح لون!!

@klb_anth_1

السلام عليكم ورحمة الله وبركاته
اهلين بنات حواء
انا اكتب لكم وعيوني مغرورقه بالدموع:icon33:
باقي لي كم يوم واطلع من النفاس وعلى بالي بسوي نيو لوك
وجاي في بالي لون الشوكلاته في شعري مليت من السواد<<< ياليته يرجع
ولأن حظي زفت مع المشاغل قمت اتطقس واسأل لين مدحوا لي وحده (حسبي الله عليها)
وجتني في البيت وصبغت شعري وخذت مبلغ وقدره والنتيجة
،
،
،
،
،
،
،
،
،
،
،
،
،
:09: برتقالي لامع



هئ هئ هئ:44:

واقوم اتحسب عليها وكرهت اشوفها في بيتي قامت قالت شكله ما عجبك<<<< والا بعد انتي معجبك الحين؟؟؟
قالت على العموم فكري اليوم واتصلي علي في اي وقت اجي واغيرها لك قلت طيب بس انقلعي الحين:mad: وقضبتها الباب
وقابلت المراية وقمت اقلب في شعري يمين يسار وععععععععععععععععععععععع:09:
حسبي الله ونعم الوكيل
قمت ناديتها وقلت تعالي غمقي اللون وجت وهي نفسها خايسه وغمقت بس اللمعة البرتقالية لازالت موجوده
واروح للصيدليه واشتري مس كليرول البني المتوسط واحطه في شعري وتحسن اللون شوي بس لازالت اللمعة البرتقالية موجوده والحين هامة راسي استوت من ذا الصبغات احسها تألمني مرة وشعري قام يتساقط:44:
واللون مرة يضيق الصدر
بنات تكفون ساعدوني باطلع من النفاس بها الشيفه والعيد مقبل الله يلحقنا خير آآآآآآآآآآآآه والله يابنات كانت الصبغة في شعري تطلع شي حتى اذا صبغت في البيت بس ربع ساعة ويطلع لون موحد ونفس الدرجة اللي في الكرتون ولي كم سنة وانا ماعاد تزبط معي صبغة مع اني اصبغ عند أحسن وأرقى المشاغل وادفع دم قلبي ما أقول الا حسبي الله وكفى
تكفون اللي عندها حل أو نصيحة لا تبخل علي ولها مني أصدق دعوة

20 تعليق 3,098 مشاهدة

0 0

شاركي في النقاش

سجلي الدخول لإضافة تعليق.

التعليقات

18

  1. @lolo_klby

    حبيبتي الله يعينج..

    مافي الا انج تشترين بني غامج حيل وتصبغينه .. بس اصبري عليه اسبوع او اسبوعين واصبغيه ..

    لان سبق وان صار لي نفس الشي ..

    من اول غسلتين لشعري واللون قالب وشعري اساسا كان محترق من الصبغه لاني سويت سحب حنه وصبغت شعري كله وكنت شرهانه ابي بعد اخصله بس شعري احترق من اللي جاه ومارضت تسوي لي ..

    وبعد اسبوعين ماقدرت اتحمل خصوصا ان كان استقبال اختي بعد يومين ..

    رحت شريت لون بني شوكولاته وصبغت في البيت والحمدالله تغيرت وراح اللون وغمج ..

    انتي اصبري وقبل لا تطلعين بيومين اصبغيه و*****الله يتحسن ..

  2. @klb_anth_1

    صاحبة الموضوع
    الله يجزاك كل خير يا لولوة قلبي ويارب ما يصير لك اللي صار لي
    بس ما أقدر أصبر اسبوعين اهلي مسوين لي عزيمة كبيرة بمناسبة طلعتي من النفاس وفيه ناس كثير ما جوني في النفاس يبغون يجون يشوفوني عند اهلي والبني الغامق انا صبغته وماراحت اللمعة البرتقالي
    ياربي وش اسوي؟؟؟ حسبي الله ونعم الوكيل

تابعي تجارب أخرى من هذا القسم.