الى كل امرأه تفشي اسرارا بيتها و الى كل فتاة تحلم بالزواج ابي من وقتك دقايق

21 أغسطس 2008

مزيونه من اشوي قفلنا من موضوع (متى؟) واكتشفنا موضوعك وهذا دليل على صدق كلام الأخت اللي كتبت

ودام ان المواضيع كثرت فلازم نبين وجهة نظرنا لك وللي عندهم نفس وجهة نظرك عشان نخلص ..وانت الوحيدة اللي أبغي أناقشها لاني لمست أنك فعلاً تبين تناقشين وتحاورين وتبين توصلين لنتيجه مو مثل غيرك اللي بس يستفز واللي نتمنى ان مواضيعهم فعلاً تروح لمزبلة التاريخ.

أولاً .. يا أختي مواضيع الزواج مو كلها نبي نتزوج وانا مزيونه وماتزوجت ،،، لا نادر ما ألقى وحده فاتحه موضوع وقالت ابي اتزوج بس ،، البنت ماتفتح الموضوع والا صايره لها مشكله يا إنها سمعت كلمه من ابوها سمت بدنها والا تعرضت لموقف من قريبتها صعقتها ،،والا اشتغلت فيها وساوس الشيطان،،، فجات لعالم حواء والكل عارف كيف البنات متعاونات فيه وحكت اللي داخلها بدون تكلف .. وجو البنات ونوروها بالردود واللي تنصحها تصلي ركعتين واللي تشجعها تقوم الليل واللي تنصحها تدعي واللي تواسيها عشان ماتحس انها الوحيده اللي مرت بالمشكله واللي واللي ،، وش يصير في البنت ذي الساعه هاه ؟؟ أكيد بتسمع نصايح البنات وتتقرب من الله آكثر و ينشرح صدرها،،

ثانياً .... مايجمعنا في هالمنتدى الا الشاشه والكيبورد .. يعني لما نفضفض لبعض ونتجاوز مشكلتنا ماراح تجي بكره وحده من البنات وتعاير صاحبه المشكله وتقول لها تذكرين لما كان بك كذا وكذا ،، وهذا الفرق الكبير بينه وبين الواقع اللي احنا فيه عكسه تماماً .. يعني لا تخافين علينا ولا تقولين تراكم ترخصون انفسكم بمواضيعكم ... بالعكس هنا فيه مجال للبنات يناقشون مشاكل بعض بدون تصنع أو كذب أو كبرياء.. انتي ممكن تكتبين موضوع وتقولين يا بنات لا تقولون للناس نحن نبي نعرس اثقلوا ولا تحكون اذا صارت لكم مشكله مع أحد في هذي معاك حق .. لكن تجين وتقولين لا تكتبون ...

ثالثاً والمهم .. المنتدى ينتشل البنات من حفرة كبيرة وهي الوقوع بوساوس الشيطان .. البنت في وسط الفراغ الروحي الي داخلها لما تلقى مجموعه مثلها يشجعون بعض على العبادة والصبر أحسن ماتقعد لحالها وتنحرف ومو بعيد تتعرف على شباب وهذا مدخل من مداخل الشيطان..

رابعاً ... واتمنى تجاوبين على سؤالي ... انتي ليه حاطه في بالك أن البنت إذا تكلمت عن مشكلتها وجابت سيرة الزواج يعني انها تنتظر احد يخطبها من المنتدى؟ ولا وتتحدين ؟؟؟ تراك فاهمه غلط مافي أحد ينتظر خطوبه ولا بطيخ .. يمكن مرورك بالمواضيع كان سطحي والله أعلم ... وجاوبني بعد على هالسؤال: اللحين في قسم تأخر الحمل، هل معنى ان الوحده لما تكتب مشكلتها بأنها تنتظر البنات يحطون لها الجنين في بطنها؟؟

أكيد لا طبعاً .. هي تبغي تفضفض وتبغي الحلول المنطقية

خامساً وأخيراً .. صاحب المشكله يرى مشكلته من زاوية واااحدة بسبب الحاله النفسيه.. وبعد ما يطرحها يأتي القارئ لينير الطريق فهو يرى كل الزوايا فيجد أكثر من مخرج لهذه المشكلة ويساعد في الحل <<< ذي النقطه لمشاكل المتزوجه والغير متزوجة اللي انتقديهما

والدليل اذكر مره أخصائية نفسية كتبت مشكلتها في عالم حواء لانها تعلم أنها ماراح تقدر تحل مشكلتها لحالها مع انها تحل مشاكل الناس .فاشرايك ؟؟

وللعلم ما أذكر اني حطيت موضوع عن الزواج لكن على طول احب أشارك البنات مواضيعهم ومشاكلهم ومنها نعتبر ومنها نرشد ونوجه
اعتذر عن الإطاله ولكن ظرورة واذا ماوصلنا لنتيجه فالأفضل أن تتحول مطالبتكم من منع هالمواضيع إلى إقفال القسم بالكامل

الى كل امرأه تفشي اسرارا بيتها و الى كل فتاة تحلم بالزواج ابي من وقتك دقايق

التعليقات

الى كل أم الى كل حواء بشكل عام 🩷🌎

الى كل سورية

رسالة إلى كل محبط💎

المستفز الي كل كلمه يدقق عليها

إلى كل إمرأة 🌷