شاركي في النقاش

سجلي الدخول لإضافة تعليق.

التعليقات

135

  1. زائرة

    والله قطعت قلبي ...........
    بس انا مره سمعت أبوي يقول ان المعده لها غطاء بعض الناس هاذى الغطاء ميصير عندهم هاذا
    الغطاء او يزول والي عندهم الغطاء مفتوح الله يعينهم راح يصيركذا علاطول ريحه من الفم .....

    وخليها تشوف الخدمه يمكن منهم الريحه ولانقلولهم العدوى ....احنا كان عندنا خدمها كانت رايحتها مرررره مي حلوه بعدين اختي الصغيره دايما تجلس عند الخدمه بعدين اختي صارة رايحة اختي نفس ريحة الخدمه .....بعدين بعدنا أختي عن الخدمه وخلينا تفرش يوميا وابو جابله دواء من الصيدليه والحمد لله صارة ريحته حلووووووووووه

  2. @gdaoy_4

    صاحبة الموضوع
    زائرة
    والله قطعت قلبي ........... بس انا مره سمعت أبوي يقول ان المعده لها غطاء بعض الناس هاذى الغطاء ميصير عندهم هاذا الغطاء او يزول والي عندهم الغطاء مفتوح الله يعينهم راح يصيركذا علاطول ريحه من الفم ..... وخليها تشوف الخدمه يمكن منهم الريحه و…

    السلام عليكم و رحمة الله و بركاته ..


    حبيبتي الجوووود ..

    هي ما لسة ما راحت لدكتور غير دكتور الأسنان ..
    لسة ما راحت لدكتورة النساء ولا شي ..

    * * * *


    حبيبتي ليدي الحبيبة ..

    هي أول مرة يسير معاها دا الشي بدي الطريقة ..
    طبيعي كل الناس تطلع لهم ريحة بعد العرق و الخروج خصوصا في الجو
    الحلو حقنا .. بس هادي الريحة فيها سايرة طول الوقت ..
    حتى لو ما خرجت من البيت و جالسة في المكيف طول الوقت ..

    و هي بتفرش أسنانها طول الوقت .. يعني مو بس وقت صحيانها من النوم ..
    و حتى في الليل أحيانا لمن تصحى عشان تدخل الحمام أكرمكم الله
    تفرش أسنانها تاني .. و طول اليوم أكلت ولا ما أكلت تفرش أسنانها ..

    * * * *


    حبيبتي جاردينيا 55 ..

    هي تنظف نفسها من جوة بس بالموية أو بالموية و الملح ..
    تخاف تستعمل أي شي تاني عشان لا يسوي لها إلتهاب و لا شي ..
    و ما تحط لا قطن ولا مناديل ولا شي !!
    بس تنشف من برة بالمناديل ..
    و من برة تشطف نفسها بالغسول أو بمحلول المرة
    أو بالديتول الشخصي مخفف بالموية ..

    * * * *


    حبيبتي ردة فعل ..

    آميييين ياااااااارب ..

    * * * *


    حبيبتي كلي حياء ..

    هي ما عندها شغالة .. كان عندها شغالة زمان و هي حامل
    بس دحين ما عندها ..

    و هي عندها بس بيبي واحد .. و عمره تقريبا سنة الله يخليه لها ..
    و ولدته قيصرية مو طبيعي عشان نحط إحتمالية إنه فيها مشكلة في خياطتها
    ولا شي من تحت ..
    يعني مو دوبها والدة و قبل كدة ماكان في أي مشكلة ماشاء الله ..
    يعني إذا جاها إلتهاب كانت تروح للدكتورة و تعطيها تحاميل و تستعملها
    و تتعافى بإذن الله .. ماقد سارت لها ريحة أستمرت أكتر من شهر !!
    بس ليش بتسألي ؟؟ هل هادا الشي له علاقة ؟؟


    * * * *


    حبيبتي عطر الليل 15 ..

    آمييين يااارب الله يشفيها و يرفع عنها و يسخر لها جوزها ..

    هي تبغا تروح للدكتورة في أقرب فرصة .. بس اليومين دي ما حتقدر :(

    * * * *


    حبيبتي roni ..

    أنا قلت لها تروح لدكتورة نساء و دكتور باطنة و دكتور أنف و أذن و حنجرة ..
    و تسوي فحوص شاملة عشان تعرف أيش سبب المشكلة ..
    بس هي ما تبغا تروح مع جوزها لأنه لازم يدخل معاها ما يرضى يستناها
    برة وهي ما تبغا توصف الوصف دا للدكتورة قدامه عشان لا يقرف منها :(

    * * * *


    حبيبتي رحلة شجون ..

    الله يرفع عنها و يشفيها و إن شاء الله ما يطلع سحر أعوذ بالله :(

    * * * *


    حبيبتي الجوري 2222 ..

    آميييين ياااااااااارب ..


    * * * *


    حبيبتي زينة العذاري ..

    آميييين ياااارب الله يرفع عنها ..

    * * * *


    حبيبتي منو ;;

    يا حبيبتي هي نفسيتها معدوووومة و أنا قلت لها صارحي أمك ..
    و كمان هي جوزها مسافر لشغل مو مسافر يتمشى ..
    و يغيب يومين و يرجع يومين .. يعني مرة وضعهم ملخبط دي الأيام ..
    و هي تبغا تستغل فرصة إنه ماهو موجود و تروح مع أحد من أهلها ..
    لأنها هي بنفسها ماهي قادرة تسكت عن الموضوع ..
    حتى تبغاني أنا أروح معاها .. لأنها مكسوفة من أهلها و أمها ..
    و إن شاء الله خير أنا حأحاول أروح معاها و أصلا أنا بنفسي تعبانة بس
    حأضغط على نفسي لأني أنا نفسيتي تعبت معاها و مرة متأثرة بالموضوع :44:

    * * * *


    حبيبتي ^نجدية هانم^

    الله يرفع عنها و يشفيها و الله أكبر على كل حاسد و ساحر :(
    حسبي الله و نعم الوكيل على كل حاسد و ساحر الله ينتقم منهم :mad:

    * * * *


    حبيبتي MARIGOLD ..

    هي الحمدلله ماشاء الله دايما تقرأ قرآن و مقتنعة بالبقرة و السر إللي ربنا وضعه فيها ..
    و هي ماهي مشتركة هنا .. بس كل الكلام هادا بيوصلها ..
    و أنا بأنقل لها كلامكم و بأسألها و أجاوب عليكم ..
    فإذا فيه شي قوليلي هو هنا أو عالخاص و إن شاء الله يوصلها وقت ما أشوفه ..

    * * * *


    حبيبتي أتمنى ولد ..

    آميييين ياااارب ..
    و الله يرزقك الولد الصالح إن شاء الله و يفرح قلبك بيه ..

    * * * *


    حبيبتي &وهاجة& ..

    هي إن شاء الله حتروح للدكتورة بس يمكن إن شاء الله بعد يومين ..


    * * * *


    حبيبتي المحبة للمصطفى ..

    الله يرفع عنها و يشفيها ..


    * * * *


    حبيبتي جوليييي ..

    آميييين يااااااااارب الله يشفيها و ما يكون فيها شي كبير ..
    و إن شاء الله حتروح للدكتورة ..

    * * * *


    حبيبتي salamaaaaa ..

    أنا ماما قالتلي عالبابونج كعلاج لإلتهاب الحلق و للإستنشاق
    عشان الجيوب الأنفية .. و قلت لها عليه ..
    بس تقول ماعندها بابونج حقيقي دحين ( يعني المفروط إللي من العطار ) ..
    بس عندها بابونج أكياس إللي زي الشاي الليبتون ينفع تستعمله ؟؟
    ترى بابونج لوحده مو شاي بالبابونج ..

    بس إنتي قصدك تستعمله غسول من تحت ؟؟

    * * * *


    حبيبتي ام سته ..

    شكرا على رفع الموضوع :)

    * * * *


    حبيبتي لمى 3 ..

    الله يشفيها و يرفع عنها ولا تحتاج لشيوخ ولا شي :(

    * * * *


    حبيبتي بنت نوح ..

    أنا قلت لها كل الإحتمالات و من بينها جرثومة المعدة ..
    و هي أحيانا يهيج عندها القولون .. بس دحين ما بتشتكي منه ..
    و هي إن شاء الله حتروح للدكتورة بس يمكن بعد يومين ..

    * * * *


    حبيبتي ريموني1 ..

    إن شاء الله لمن تروح للدكتورة و نعرف أيش سبب المشكلة
    أطمنكم ..

    * * * *


    حبيبتي لوليـتـــا ..
    آميييين ياااارب الله يشفيها و يرجعها زي زمان و أحسن ..

    * * * *


    حبيبتي اسوم و القمر مرسوم ..

    هي ما عندها خدامة من فترة طويلة ..
    يعني ما بتشوف الشغالات غير من فترة لفترة إذا راحت بيت أهلها ..

    و أنا قلت لها تروح لدكتور باطنة بعد دكتورة النساء عشان تسوي
    فحوص شاملة ..

    * * * *


    ** شوفو أنا فيه شي شاغل بالي ..
    هي من فترة كانت في مشاكل مع أهلها و جوزها و أهله ..
    و كانت حياتها مررررة منكدة ..
    و سارت بس تعصب و إذا عصبت و بكيت تصدع و تستفرغ كل إللي في بطنها
    و تنام و تفضل تستفرغ كم مرة وراء بعض ..
    و كتر عندها الإستفراغ الفترة إللي فاتت .. بس دحين موقف له فترة لمن بدأو يهدو ..
    أنا جلست أفكر يمكن هادا الشي أثر على معدتها أو المريء و سوى بكتيريا
    أو فطريات في بلعومها أو كشط الطبقة الحامية على الأعضاء الداخلية بسبب
    الحموضة و عصارات المعدة ..
    و عشان كدة سارت عندها دي الريحة ..
    وكمان الإستفراغ يؤثر عالأسنان ..
    عشان كدة قلت لها و راحت لدكتور الأسنان من عند أهلها و كشف عليها وقال
    لها فمك طيب و نظيف ومافيه شي يسبب الريحة ..

    عشان كدة قلت لها روحي لدكتورة النساء و بعدها على طول دكتور باطنة ..
    عشان يسوي لها فحوصات و حتى قلت لها لو قال لك محتاجة منظار سويه ..
    و سوي كل الفحوصات إللي يطلبوها منك و إن شاء الله خير ..
    و الله يشفيها و يعافيها و يرفع عنها و يسخر لها جوزها و يصلح أحوالهم ..
    و يكفيهم و يكفينا شر كل حاسد و حاقد و ساحر ياااااااارب :44:


    و شكرا على ردودكم و طمعانة في أكتر :)


    تحياتي ..
    جــــداويــــــــة


  5. @goyry_1_1

    الله يكون في عونها ويشافيها
    احتمال يكون عندها قرحة تكون مسببتلها المشاكل دي كلها
    حاليا خليها تستمر على طريقتها بالتنظيف وتزيد عليها تتبخر بالعودة وجسمها مبلول عشان تمسك الريحة فيها وتحاول تشرب نعناع
    ومرمية عشان معدتها ترتاح واذا في بكتريا تموت وممكن تطحن قشر الرمان وتنثره على الكوتكس وتحاول تنام بيه لانه يمتص المويات من الرحم ويقضي على الاتهابات كل هذا مؤقت لين متروح للدكتورة وبعدين مافيها شي اذا صارحت زوجها بالموضوع عشانهم الاثنين
    لانه ممكن يكون جاها التهاب من زوجها وهذا يعتمد على نظافته الشخصية ممكن يكون نوعية الموس الي بيستخدمه او الصابون اوحتى يكون جايه التهاب نتيجة دخوله حمام مو نظيف وهو مسافر عشان كذا هم لازم يتناقشو في الموضوع مع بعض
    اتمنى لها الشفاء العاجل وحياة زوجية سعيدة لها ولك ولجميع المسلمين والمسلمات

تابعي تجارب أخرى من هذا القسم.