شاركي في النقاش

سجلي الدخول لإضافة تعليق.

التعليقات

137
  1. صاحبة الموضوع
    استغرب من بعض البيوت عندهم بدل الثلاجة ثنتين أوثلاث واذا سألتيهم عن السبب قالوا يادوب تكفي ماتسأل الوحدة نفسها قبل لاتشتري هالثلاجات من بيرتبها ويتفقدها حتى لو عندك شغالتين او اكثر ماراح يلحقون بعض الثلاجات في البيوت مثل ثلاجات السوبر ماركت من كبرها يدخل فيها بعير حي مو مذبوح وافتحيها شوفي العجب صايرة مستودع الفواكة بكراتينها والرزوز بقدوره والصواني اشكال يعني تعطي مجال لهشغالات يضفون الشئ عن وجهك وجعله يخيس ويعفن مو شغلهم المهم يضفونه عن وجهك
    ...........يكفي ثلاجة واحدة من الحجم الكبير لاي اسرة ان شاء الله مكونه من عشرة اشخاص ليش ماتكفي واحنا المويه صارت برا مو مثل أول وفريزر واحد يكفي ويعدي
    غسالة الملابس تكون من حجم خمسة كيلو كافيه جدا جدا حتى لاكبر اسرة لان كل فرد بيغسل ملابسه لحالة
    هناك من تملأ بيتها بالديكورات والتحف والصناديق و.........و ............. والشغالة مالها شغله الا تلمع بها التحف وفي الاخير تتسكر هالمجالس وتترك للضيوف اللي ماعاد ينشافون من زود التكلف تقاطعنا تصدقون ان فيه عائلة أثثوا بيتهم باثاث غالي وعايشين في البدروم عشان لايخرب الاثاث الله يقطعها حياة ومظاهر الا بااعيش في بيتي واعلم عيالي المحافظة من صغرتهم وفدوة الاثاث عمر الانسان يبلى ويروح ونتمسك بهالدنيا الى ها الدرجه يعني صرنا نخدم الاثاث بدل مايخدمنا ...........كلما زادت التحف زادت عمليات التلميع ..


    دعوة للجيل الجديد واتمنى من جيلي القديم أن يرحل هذه الثقافة الى جيل بناتهم انهم يغيرون طريقة حياتنا وتكلفنا ويصغرون بيوتهم لان جونا مغبر وكلما كبرنا ابتلشنا وتكون عندهم قناعة وتدبير حتى لو الله موسع عليهم .................ويصيرون ابسط منا وبالتالي اسعد منا انا الحمدلله بنتي حبيبتي مقتنعة بافكاري كلها وماهي عاجبتها طريقة حياتنا وتكلفنا وناوية تعيش ببساطة وبدون شغالة ومظاهر بس اللي مو عاجبها اني اكتب باصبع واحد :mad:
  2. @tdndn

    والله مارتحت راحه نفسيه ولاحسيت بالامان خاصه على اطفالي الابعدماذلفت شغالتي صج تعبت وخاصه مع الحمل بس اهم شي الراحه النفسيه والشعوربالطمانينه وعلى فكره ظروفي نفس ظروفك بعدالشغاله خاصه وان بنتي تتافف من نشر الغسيل اوغسل الصحون وولدي الصغيرينشف الكاسات يعني كرفتهم بس الله يعين بالمدارس والاكيد ان مانستغني عنهم تعودنا ع الكسل تقبلي مروري اختي الكريمه
  3. والله يا اختي انا معاك انو الحياة حلوه من غير شغاله
    بسسسسسسس صعععبه واايد
    البيت كبير ... الشغل كثير ..... و ...و... والوظيفة تهد الحيل
    فلابد من الشغاله والله يكفينا شرهم
  4. صاحبة الموضوع
    الكل يؤيد ومتذمر من وجودهم في حياته لكن نرجع ونقول مانستغني ياليت بس الموظفات اللي عندهم شغالات كان تهون .....لكن فيه حريم ماهم موظفات ومن الطبقة المتوسطة وعندهن بدل الشغالة ثنتين وثلاث اما الطبقة المخملية من اصحاب القصور ....فحدث ولا حرج كل فرد من العائلة عنده شغالة وفيه مشرفه على الشغالات وطباخة يعني جيش من الشغالات والسواويق ....مساكيين ارحمهم حياتهم زحمة وتعيسه ومااحد منهم عنده جرأة التغيير ...وكأنه حرام يعيش الغني في بيت صغير وحياه بسيطة ياليت نبطل بطر ويكون عندنا قناعة ونعيد النظر في اسلوب حياتنا لانه لايطاق وطبقة المترفين اكثرهم مسافرين برا وساكنين في بيوت صغيرة وبدون خدم وحشم ومبسوطين اكثر من عيشتهم هنا وما ودهم يرجعون ......طيب ممكن تعيشون نفس العيشه هنا ...ولا لازم الاستعراض .
    على فكرة اشكر الاخت المشرفة على التثبيت الله يثبت لك الأجر وينفع فينا خلقه يارب ..(معليش توني انتبه ) ...
  5. @lms_shr

    جزاك الله كل خير
    وانا معااك بكل كلمه واكثر شئ اثر فيني ان البيوت لما تملأ بالديكورات والتحف تتسكر وهذا الحاصل كل وحده
    من اهلي صلحت في بيتها وزينته سكرت بابها عن الضيوف حتى ما عاد لنا مكان نروح له انا وعيالي والله حاجه من جد تحزن
    اما عن موضوع الشغاله انا الحمد لله لي 16سنه متزوجه وعندي اطفال ولا افكر اني اجيب لي شغاله تكفي راحتي
    النفسيه وان الله يعطينا الصحه والعافيه ولا نحتاجهم في يوم ...

تابعي تجارب أخرى من هذا القسم.