رمضان هذا العام كئيب
الجميع في لهفة لاستقبال شهر رمضان بفرحة وشوق الا انه بالنسبة لي قادم وفي قلبي حزن وغصة وألم لأنني سأقضيه من غير امي الحبيبه -- من غير صوتها ودعواتها --من غير نظراتها وضحكاتها -- امي متوفية من 4 شهور وحتى الحين مومصدقة مع انها كانت مريضة وايد بس تحسنت فترة عقب توفت وتركتنا وكنت حامل والحين ربيت من اسبوعين كل ما اشوف ولدي اتذكرها لما كانت تسألني متى بتربين ومو قادره افرح بولدي ومكئتبة وايد وكل ما اسمع واشوف عن قدوم رمضان اتغصص بفراقها --وامي الله يرحمهاكانت امنيتها الوحيدة تشوف عرس اخوي بس هي ارادت ولكن الله ما راد توفت وتركت بقلبي جرح كبير ومازلت انا و اختي نبكي لفراقها ونتذكر سوالفها وخاطرنا نحلم فيها كل ليله-ونلوم بعضنا ليش ما عرفنا قدرها اكثر ليش كنا نتركها ونهتم بعيالنا ومدارسهم ووايد اشياء -ليش ما كنت ازورها كل ليالي رمضان الأعوام السابقة - وايد ناس قالوا ايمانج ضعيف بس احس غصبا عني فراق الأم وايد صعب والحياة من غيرها بلا طعم وأنا مادري اذا هي كانت راضيه عني أو لا؟يارب ارحم امي واغفر لها واجعل قبرها روضة من رياض الجنة