على الحدود رموا شنتاتنا على الارض والباصت راحت على تركيا واحنا مش معهم والله كسفة

السلام عليكم
مابعرف من وين ابلش والله حالتنا بينبكى عليها :( من شهر حجزنا مع قرروب سياحي مشان نسافر بالعطلة على تركيا
انا وزوجي واخت زوجي وبنتي الصغيرة وكان زوجي كل فترة يروح عليهكم بناءا على طلبهم مشان تاكيد الحجز
طبعا زوجي كان يروح بناءا على طلبهم بعد اسبوعين اجا موعدرحلتنا وجهزنا امورنا وشنتاتنا وخلاف المخاسر وسحبنا حالنا ورحنا عند مكان الالتقاء طبعا كان موعدنا على 4 عصرا ولو تشوفوا لل5 ونصف حتى شرفوا واحنا ننتطر بالشمس الحارة بعدين وصلو وركبنا معهم واخو زوجي روح بالسيارة الي وصلنا فيها على الحدود الى مسافة اكثر من ساعتين

المهم بعد 5 دقائق نزلنا مشان تختم الجوازات ونعمل الاجرائات الازمة وبس خلصنا رجعنا نركب مشان الانطلاق
اجا ادليل السياحي وانه بحكيلنا انه اسمكم مش موجود مع القائمة طبعا بهاي اللحظة حسيت انه قلبي مش مكانه :06: صرنا نحكي مع المكتب الي حجزنا وانه بحكي انه احنا مش ماكدين الحجز تخيلوا شهر كامل واحنا نركض عليهم وبالاخر بحكي انا مش مأكدين الحجز وصاحب الباص سوري حكالنا انه مامعه غير مقعدين والباص الثاني مقعد واحد
واحنا اربعة كيف هيك بدها تصير والمشكلة انهم لو دبرونا بالباص ووصلنا تركيا وين بدنا ننام

طبعا بعد اجرائات طويلة مع المكتب واتصالات بلاخر حكى الدليل انه مالنا اسامي معهم روحوا اشتكوا عليهم اجا صاحب الباص ونزل شنتاتنا كلها ورماهن على الارض وانطلقت الباصات على تركيا وصفينا انا وزوجي واخته وبنتي لحالنا على الحدود (والله اني بدي ابكي ) مابتعرفوا شو صار فينا بهاي اللحطة اخت زوجي صابتها غصة بحلقها
انا صرت بحالة مش طبيعية زوجي الدمعة علقت بعينه وبنتي المسكينة مش دارية عن االقصة :44:
وصرنا نسحب بالشنتات حتى لقينا سيارة توصلنا على البيت


وحلتنا حالة والله صرنا مثل المشتتين مش عارفين شو نعمل
زوجي بس وصل راجع المكتب وحكوا انها هاي الحالة اول مرة بتحصل وهددهم زوجي انه غير يشتكي عليهم
طبعا بعد مااعطونا رحلة على لبنان بس رفض زوجي لانها مش هاي رحلتنا

روح زوجي على البيت وحكى مع محامي واليوم رد راجعه مابعرف شو راح يصير لانه بعد مارجع



اخواتي السالكم بالله لو كنتم مكانا شو كنتم راح تعملوا مابتعرفوا كم خسرنا ماديا على هالرحلة مابتعرفوا كم خسرنا معنويا وجسديا والاهم من هيك البهدلة والشرشحة الي وقعنا فيها على الحدود قدام العالم والاكثر من هذا كله الفرحة الي فرحنالها وبثواني تزول وتصيبنا الكسفة

وخلاف الفضيحة قدام قرايبنا واهلنا ومنطرنا واحنا راجعغين
يابنات قلولي شو اعمل حاسة انه التعويض المادي قليل بالنسبة للي صار بدي اشي اكثر من هيك


لاتبخلوا علينا من مشورتكم عذرا مش عارف اكتب احساسي للي صار لاني متضايقة بشكل مش طبيعي