اسعد الله اوقاتكم بكل خير..
اولا حبيت افيدكم في طريقتنا في تخزين الخضار الورقيه في الثلاجه مثل الكزبره والبقدونس وغيرهااا..
كنا كل بعد اسبوع تخرب الخضار اللي بالثلاجه سواء الورقيه او حتى الثانيه..
فاكتشفت الطريقه...طبعا حاتكلم عن الخضار العاديه اولا انتبهوا مو الورقيه..
اولا لا تحطي الخضار بأكياس.. اول ما تجيبي الخضار من السوق كلهاا غسليها بالمويه وان حبيت خل تفاح كمان..واتركيها في سله على الطاوله حتى تنزل المويه منها..
بعدين فرغي درج الثلاجه الكبير ( اللي تحت ) وحطي كل الخضار فيه بدون اكياس (الباذنجان والفلفل الرومي والخيار والطماطم..الخ)..وشوفي كيف ماتتغير وتجلس نضره..
الحين اتكلم عن الورقيات..
تعرفوا الاكياس الورق البنيه اللي احيانا المطاعم يحطوا فيها الرز ..
المهم.. ارسلي احد يجيبها من حلقة الخضار انا اخذت درزن كبيير بـ27 ريال..
اذا جبتيها خذي كل نوع من الورقيات وحطيه في كيس لوحده ولفيه كويس وحطيه في الثلاجه.. اهم شي بدون ما تغسليها بس نظفيها من القش والاجزاء المصفره..
الحين نجي للثوم..
قشري كل الثوم اللي عندك ..
وجيبي برطمان نظييف وجاف..وحطي فيه الثوم وصبي عليه زيت زيتون حتى يتغطى الثوم وحطيه في الثلاجه..
والله العظيم مايتغير.. اذا احتجتي بس تاخذي بطرف الملعقه واهمممممم شي لاتدخل ولاقطرة مويا في القاروره...
حبيت افيدكم بما لدي ..وابغا منكم طلب..
عندي كميه كبيره من الليمون كيف اقدر اخزنه واستفيد منه قبل مايخرب:09: