مابي شي من حياتي يارب اموت

حبيبتي وسسسسسعي صدرك

وانتي مصدقة ان اللي يقولون طلعنا ورحنا وجينا وفرحنا كل كلامهم صدق ؟؟

يااااااااكثر اللي متضايق ومتكدر وصارت له مشكلة قداااام عينك واذا شاف احد بدأ يمدح اللي صار وكأنه بألف نعمة !!!!!!

طنشي ولا تحرقين نفسك ..


واذا ضاق صدرك اقري قرآن والله بيتوسع صدرك بشكل ما تتخيلين

حبيبتي انتي لسى صغيره كلنا وانا اولهم مريت بنفس الي مريتي فيه حرمان وقهر ووحده وطفشششششششششش
احلى سنين حياتي راحت بين اربع جدران واكتئبت ومرضت ..كانت مقفله معي من كل الجهات ..تخرجت وجلست في البيت 3 سنوات ماحد يصرف علي ولا اطلع ولا اروح حتى مستلزماتي الشخصيه ماقدر اجيبها ..
عطيت دروس خصوصيه وكتبت ابحاث للبنات واستفدت بمبالغ بسيطه بس مايأست كنت كل يوم ادور وظيفه واقدم في كل مكان ..توظفت ببلاش لمدة سنه كامله من غير راتب وكنت ادفع اجار السواق من الدروس الخصوصيه وبعد مامرت سنه اعجبهم اجتهادي في العمل وكتبو معي عقد براتب بسيط وبعد ما مرت سنه من العقد عرض علي عمل براتب ممتاااااااااااااااااااااز ما احلم فيه ..
وانا الحين حياتي غيرررررررررررررررررررررر راتب سواق سياره ..اثبتت لأهلي اني احسن من ستين رجال واعطوني حريتي وتغيرت حياتي بالكامل لا تيأسين الأجتهاد والأجتهاد ثم الأجتهاد وربي ماراح يضيع عملك ..

حبيبتي طنشي العالم بكبره ووسعي صدرك ولايصير خاطرك الا طيب


وربي مو دائما الوناسه بالطلعات

أسواق وملاهي وصارت زحمه وكتمه وغثا وتسكع


والمنتزهات والحدايق قرف وازعاج


والله حتى لو تبين تلفين بالسياره الشوارع تلقينها زحمه وهم وتتمنين ترجعين البيت بسرعه


عيوني دوري لك وناسه بالبيت حاولي تسعدين نفسك بنفسك

لاتحطين كل تفكيرك ان الوناسه والسعاده اذا طلعتي وتمشيتي


شوفي وش هواياتك وش تحبين تسوين واشغلي نفسك فيها


نزلي لك قصص من النت واقريها

او اشتري لك كتب واقري فيها


غيري بترتيب غرفتك واثاثك صدقيني بتحسين براحه وكمان بتكسرين الفراغ

وكمان لاتنسين وقت تقضينه مع ربي اقرئي قران او احفظي بعض السور صلي الضحى والنوافل والسنن الرواتب واستغفري واذكري الله


اعزمي صديقاتك وقريباتك المفضلين عندك بالبيت واستانسي معهم



وقاعده حطيها في بالك ياغاليه والله لو طنشتي الكلام اللي مايعجبك او الجارح او الاهانات اللي تسمعينها يعني كانك ماسمعتي وربي ماتتكدرين ولاتهتمين وبتجي عليك فتره ماعاد يجرحك زي اول


بس لو بقيتي تزعلين على كل موقف او كلمه وتخلينها تأثر فيك وربي بتتعبين وبتتنكدين وبتضيقين خاطرك


أسأل الله لك السعاده في الدنيا والاخره


والله يجعل ايامك كلها فرح بـ فرح ... يااااااااااااارب