دعوه للنقاش ( مستشفى دله _ دكتورات _ استشاريات _ اسعار الاقامه والولاده ) يوجد صور

عزيزتي أنا مجربتها ثلاث مرات

بصراحة إنسانه رائعة جدا ونفسها خفيفة وخياطتها تجنن بس اطلبي أنت وتدللي

توكلي على الله وأولدي عندها

وقت الولادة واقصد بها وقت طلوع البيبي يحطون عليك قماش اخضر كبير زي حق العمليات من فوق الفخوذ ومغطي ..

اول ما يطلع البيبي يشيلونه ويحطونه على صدرك على هذا القماش ويقطعون الحبل السري بعدين ياخذونه ينظفونه ويعطونك اياه ملفوف بقماش ابيض ..

في هذه الأثناء الطبيبة بتكون تعمل شغلها من تحت :)


والتطهير .. بولدي كنت متفقة مع زوجي اول يوم اولد فيه يحجز له قبل ما نطلع بيوم ..

انا جلست في المستشفى اربع ايام .. وباليوم الثالث طروه بعد قلبي وجلس عندهم بس يبكي :(

ومن بكرا طلعت انا واياه ..

التطهير بـ 500 ريال عند الدكتور جهاد .. اعتقد كذا اسمه نسيت ..

وش بعد ؟؟

المرة الي فاتت ما حصلت سويت فاضي فاخذت غرفة ديلوكس .. بـ 600 ريال بالليلة ..

وهالمرة ناوية بإذن الله آخذ سويت لان زواري كثير ومابي اشوف احد واقف لا من اهلي ولا زواري ..

الله يسهل ..

ام التوفي طيب من دكتورتك ؟؟

وكم كلفك ال 4 ايام ؟


وهل انتي على التامين ؟

انا اراجع عند د/ لمياء ولكنها باجازة، فاخر مره راجعت عند الدكتورة سامية امس، اخلاااااااااااااق عالية وحبوبة مرره، انصحك فيها.

بس ودي اعرف اذا كان فيه وحده جربت الدكتورة لمياء بالولادة ياليت ماتبخل علي بالمعلومة، انا حاليا بنص التاسع.

د.سلمى جعفر من مركز الحبيب ..

برنامج الولادة دفعته للحبيب 5000 ريال للغرفة الخاصة واقامة يومين ..

واليومين الثانية اقامتي وحضانة البيبي والادوية نسيت والله بس اعتقد 4000 ريال شامل التطهير 500 ريال

واشعة للقلب بـ 1000 ريال لانهم قالوا فيه فتحة بالقلب ..

والطفل غالبا يكون عنده فتة بالقلب وتتسكر بعدين ..

وانا مو عالتأمين .. على حسابي الخاص ..