الحين اقولكم وش صار معي
اول شي صراحه من الكلام الكثير الي اسمعه عن الاشعه صار لي رعب باخر نص ساعه من قبل الموعد رايحه بالطريقه وانا بس استغفر وادعي ربي انه يسهلها علي
دخلت طبعا انا ماخذه الموعد منهم امس وكانت امس طاهره من دورتي وهو طبعا للي مايعرف لازم تتسوى ياثاني يوم او ثالث يوم والافضل ثالث لانها قالت لي لو فيه اثر دم من بعد الدوره ماراح نسويها لك فتاكيديا الافضل انكم تسوونها ثالث يوم
طبعا هالفتره الي مابين الطهر الين تسوين الاشعه مافيه جماع كنت اول اقول ليه طلع خوفا من ان يكون فيه بداية حمل وتعرفون كيف تاثير الاشعه نفسها على الجنين وتكوينه
المهم اكمل روحتي لهم
رحت الاستقبال وقلت لهم عن موعدي قالوا لي انتظر بالاستراحه ودقيقتين الا وتجيني واحده سمرا بالاول قلت يمكن هذي الحضرميه الي البنات يحكون عنها هنا حلو وبديت ارتاح لانهم قالوا ان يدها خفيفه
دخلت غرفة الاشعه واتمددت على السرير وطبعا تكونين بنفس الوضعيه لما الدكتوره تكشف عليك
السمرا الي دخلتني سالتها قلت من الي بيسوي لي الاشعه قالت الي تبين انا فيه انا وفيه فلبينيه من تبين فينا وصراحه شكلها كان مريح قلت المهم الي يدها خفيفه فيكم وان شاء الله فيكي الخير سويها انتي
اول شي تدخل الاله الي كنها مقص عشان تفتح منطقه المهبل نفس الاله الي بالكشف تستخدمها الدكتوره << يعني اكيد كلمكم متعودين على هالكشف طبعا انا بطبعي حتى زوجي اذا جاني انواع التشنج ودايم اهبل بالدكتورات لما يجون يكشفون علي وطبعا بعد هذي بعد هبلت فيها لاني مااقدر ارتخي بس هي لما دخلتها تركتني ثواني عشان تجيب باقي العده :) بهاللحظه تعوذت من الشيطان وبديت ارتخي حتى هي قالت ايوووووووه كذا خليك
المهم حسيت فيها وهي تدخل فيني " لي " انبوب يعني عشان تدخل منه على الرحم الماده السائله الي راح تحقني فيها بس طبعا كل هذا ما اشوفه لاني كنت منسدحه وصراحه نوعا ما متشنجه بس انا كذا دايم
المهم بعد كذا قالت لي خوذي نفس هي قالت خوذي نفس ههههههههههههههههه وربي اضحك الحين والحمد لله ياربي لك الحمد لاني بوقتها اعوذ بالله تعبت لان حقنها للماده ودخول جسم غريب للجسم اكيد يكون له ردة فعل من الجسم والله الامر لا يخلو من التعب ابد لكن هي ترا ماتتعدى يمكن الدقيقه عملية الحقن والله يعني هالالم الي راح تحسينه ويتعبك دقيقه وبعدها خلاص وبهالوقت تكون فيه الاشعه فوق بطني وياخذون لك بالوقت هذا تصوير لدخول السائل على المنطقه كامل من يدخل الرحم الين يوصل للقنوات
بعدها على طول سحبت عدتها الاله الي فاتحه المنطقه والانبوب وقالت لي خلاص مدي رجولك ارتاحي ولو طلع منك دم ترا عادي
بعدها ماقدرت على طول اقوم ماكنت صراحه قايمه حاسه ان قواي خايره وكان فيه الم بظهري نفس الم الدوره بس اخف وبعد كذا بخمس دقايق قمت وكنت الحمد الله احسن بكثير بس لما قمت لقيت نازل مني شي لونه احمر ملا السرير كان على بالي هذا لو السائل الي حقنوني فيه بس طلع دم والا السائل اساسا شفاف وقالت لي عادي خاصة انك توك مخلصه دوره امس عشان كذا نزل معك هالدم
وطلعت ورحت كلمت الدكتور والحمد الله حمدا كثيرا طيبا كما يليق لجلال وجه وعظيم سلطانه طلعت النتيجه كله تمام والحمد الله ماعندي مشكله
اخذت منهم التقرير والاشعه وطلعت بس وانا بالطريق جاني مغص وظهري كان يالمني مثل الم الدوره بس قعد نص ساعه او اقل وراح
والحمد الله عدت على خير
على فكره بنات الي سوت لي الاشعه سمرا كلامها كانه سعودي بس قالت لي انها اريتيريه ياحليلها روحوا لها بنات ولا تاجلون هالموضوع ابد صدقوني كنت خايفه مو من الالم كنت خايفه يطلع فيني شي لكن الحمد الله هذاني سويتها وتطمنت فحلو الواحد يتطمن على نفسه وربي هم ينزاح هم كبيررررر
انتظر الي ماسواها يتشجع ويسويها ويبشرني بالنتيجه
واي سؤال انا بالخدمه
دعواتكم
بسرعه بنات من سوت بالرياض اشعة الصبغه ؟؟ بكرا لازم اسويها
متابعة النقاش، صفحة 6