يابنات مساعده الله يوفقكم بخصوص عيالي؟؟؟

يابنات انا عندي مشكله ومره شايله همها بشكل لاتتوقعوه واكيد ان فيه بنات زيي
الي هي عيالي
عيالي ما يعرفون يتكلمون عربي زين ولا يعرفون الحروف والارقام ولا حتي الالوان بس يعرفون شوي سور من القران
واعمارهم 8 و7 سنوات والحين انا راجعه الي السعوديه بعد اربع شهور ان شاء الله نهائي
وما ادري وش اسوي حرام الكلام مكسر وما يفهمون كل شي وحاله
السوال
وش اسوي اذا رجعت السعوديه؟ يعني هل ادخلهم مدارس اهليه ؟ معني ما اسمع احد يمدح ها المدارس ما تعلم زين وحفلات وموسيقي ويقولون انها غاليه بعد واحنا لما نرجع اكيد ما بنقدر لانه بناسس من جديد بيت واثاث وسياره..
انا بسكن الرياض وودي اعرف وش المدارس الزينه الي تعلم صح واسعارها معقوله؟
وددي اعرف هل فيه احد منكم مر بها المشكله؟وايش عمل؟
ياليت الي عندها حل او اقتراح تعلمني والله اني قلقانه وخايف كثير علي مستقبل عيالي لانهم كبروا وهم امانه برقبتي انا وابوهم واحنا محتارين ومو عارفين وش نسوي؟؟؟
وجزاء الله خير من ردت علي...

12 تعليق 1,827 مشاهدة

شاركي في النقاش

سجلي الدخول لإضافة تعليق.

التعليقات

11
  1. @yataamy

    اختي عيالك صغار واحد راح يكون سنة اولى والثاني سنه ثاني

    ان شاءالله مافيه خوووف

    انا صار كذا مع اولاد عمي قعدوا بأمريكا 15 سنة جو كلام هنوود
    والحين كلهم بالجامعات
    والمدارس فيه مدارس نجد والمنارات القسم الإنجليزي ومدارس كثيرة

    الله يوفقهم
  2. @aksford

    هلا حبيبتي اهم شي لاينسون الانجليزي لانهم صغار وبالنسبه للعربي لاتخاااافين صغار هم وبيتكلمون بسرعه والمدارس عندك كثيييييييييير الرواد ونجد ماانصحك فيها والفرسان والعليا والمنارات انتي وحظك احيانا معلمه كويسه ومعلمه لالالا فاانتي جربي والله يسهل امرك
  3. @ghryb_fy_oylz

    عندي نفس المعاناة ولدي عمره 9 سنوات ورايح صف رابع ومايعرف ولا حرف عربي
    بس يتكلم عربي وكلامه واضح...
    وأذا رجعنا بيكون رايح للخامس وأحس صعب تأسيسه في العمر هذا...
    حاولي تاخذين لهم مدرسات لغة عربيه علشان تأسسهم عدل قبل المدارس...
    والكلام بيتعلمون من الاطفال أذا رجعتوا...

تابعي تجارب أخرى من هذا القسم.